منتو ويغمش لذيـــــــــــذ

السلام عليكم ورحمة الله وبركاته
شو اخباركم
من زمان مانزلت طبخات فحبيت اسوي منتو ويغمش وقلت انزله اليوم بما اننا ثاني يوم رمضان
المنتو واليغمش سويته بعجينه وحده وهي 3كاسات دقيق وكاس وشوي ماء وملح تعجن مع بعض وتكون العجينه قاسيه شوي مو مره وتترك ترتاح نص ساعه
الحشوه برضو سويتها للمنتو واليغمش وهي عباره عن 2لحم مفروم ناعم و ني و3بصلات مفرومه ونص حزمة كزبره مفرومه وكمون وملح وفلفل تعجن مع بعض الحين نبدأ التشكيل والواضح بالصور
فردت العجينه رقيقه

قطعتها دوائر متساويه

حشيتها باللحم الني

شكلتها

وهنا شكلها بعد التشكيل

هنا جهزت قدر المنتو وحطيت بالقدر ماء وكمون وخليته يطبخ ودهنت الطبقه اللي فوق بشوي زيت

وهنا رصيت المنتو

وهنا من فوق

وهنا بعد ماطبخ الماء زين وطلع البخار رشيت المنتو بكمون وقفلت عليه ساعه لحد مانضج

هنا سويت اليغمش
فردت العجينه رقيقه وقصيتها مستطيلات

حشيتها باللحم المفروم نفس حشوة المنتو بس هنا انا شوحت الحشوه على النار لحد مانضج

ولفيته بالنص زي كذا

وقفلت النص الثاني يصير زي المخده

وقفلت اطرافها زي هالشكل

اكمل بعد التشكيل دهنت الغمش بالزبادي

ودخلته الفرن وتحمر من فوق ومن تحت

وهنا الشكل النهائي للثنائي المنتو واليغمش ورشيت شطه على المنتو وتقدم مع سلطه خيار بالزبادي وياسلاااام عالطعم اللذيذ

وهنا من قريب