ياويل قلبي كل ما آشتقت (::) لقيآاآاآهــ (::)

ياويل قلبي كل مااشتقت لقياهـ
وشلون ماتشتاق عيني لعينه
أنا أدري اني حيل أحبه وأهواهـ
وأدري ان القلب صاير بيدينه

أموت أنا به في غيابه وأحياهـ
وشلون أجل لو صافحتني يمينه
حاولت أنا اكتم عبرتي يوم فرقاهـ
وألملم جروح الزمان الطعينة

وأعطيه من قلب المعنّى معاناهـ
وآخذ من جروحه ولو هي دفينه
وأضيع به في زحمة الناس وأنساهـ
وأنسى معه ذكرى السنين وحنينه

لقيت نفسي كل ماحل طرياهـ
عروق قلبي كلها تقول وينه
يامر على قلبي ولا شك ينهاهـ
كلي أنا تحت الاشارة رهينة

ما كل من يضحك سعيد بدنياهـ
وماكل من يبكي دموعه حزينه
أحدن بكا والكل يدري عن بكاهـ
واحدن مع الضحكة تحس بونينه

ياشين فرقا الحب وياشين بلواه
والمشكلة دنيا بلا حب شينة
والزين مايكمل ولو كان ماحلاهـ
إلا حبيبي ماتغير بزينه

ماجيت أسولف عن حلاه ومزاياهـ
يكفي عيوني وقلبي عارفينه
كن الفضا في غيبته ضاق مسعاهـ
وكني غريق ينتظر له سفينة

شف دنيتي ياصاحبي عقب فرقاهـ
مثل الظلام اللي حصل بالمدينة
بارسمه أنا في لوحة الشعر وأنعاهـ
وبادفنه بين الضلوع الحنينة

بوسط الحشا في داخل القلب مثواهـ
إما يسار القلب وللا يمينه
صحيح ان الحي يعطيك الحياة
مير البلا حي وزادك غبينه..

م/ن