فــــي خـــــاطري شــي ودي أقـــولـه

لبيه ياللي وحدك ان قلت لبيه..
يذبحني لبيهك ويذبحني الصوت..
وإن طاح قلبي ميتن فيك أخليه..
ياحي قلبن طاح وياحيه الموت !!
" " "
ماقلت أحبك لـجل وقتي أسليه
لا والذي نجّا نبيّه من الحوت
والحب لو هو سر وأقدر أخبيه
ماقلت أحبك حتى وشفاتي سكوت !!
" " "
حتى الخطأ لو جاني منك أمشيه
وأن ما مشى أخلق له أعذار وثبوت !!
" " "
وش الذي يخطر في بالك وأسويه
لو حتى في وسط البحر أبني بيوت
ياللي البحر لو جا في بالك تحليه
مريت صوبه وأمتلى سكر وتوت !!
" " "
ولبيه ياللي لو طلبني ألبيه
للعاصمه حافي ولو دربه خبوت
لين أندهك (روضه) وتردين لبيه
وأطيح من طولي ويهدني الصوت

أهدااء...