•• { •• أفــتـ ح قـلـمڲ •• } ••

من شارع الفقد لـ رصيف الانتظار
تبقى قلوبنا كـ / ورقة خريف قابله
للسقوط في أي لحظه

.



من شارع الفقد / اشبعني تعبت الصيام
........... كرهت جوع المشاعر / وانت تدري نحيف !!
مايخنق الشوق / الا تمتمت هـ الكلام
............. انك تجيني .. والا ماتجين / وسخيف
مع كل عذرٍ تسوقه .. في غيابك حرام
........... مع كل ظرفً اشوفه سهل ماهو كليف
انا سئمت الرصيف : الممتلئ بالزحام
............ مابين حلم الرجوع . وبين هجر الرصيف
مع كل سكة حنين تسوقني لـ لظلام
............. مع كل شارع سكنته / مثل ورقة خريف
متى احس بوجودك وارتقي للغمام
............. وفـ كل غيمة حديث . بغيثها استضيف
واستشعر اني سكنتك حب والا غرام
............. ماودي اني اكون فـ/ داخلك مثل ضيف
انا برمت الوعود : وجيت لك بالهيام
............ وابي تدغدغ حنايا العمر من دون زيف
تعبت جوع الفرح .. وانا بسن الفطام
........... شفني بـ رجوى تشبعٌني ولو أبرغيف
انا هجرتَ المواني . والنوارس حيام
........... من عقب ماكنت اغني لجلها كل طيف
ياطفلة الامس / وينك كيف انا اقدر انام
........... وين انت يالي يطبطب فوق قلب الرهيف
هذي دروب الغلا : من دون وصلك عسام
............ وهذه مشاريه ودك . بالمعاتب ياحيف
يا ليتك اللي يدثرني بليااا .. ملام
............ لاصرت تدري بقصدي / وانت خابر شريف
ماتشوف أرضي : كئيبه يابعيد المرام
............ وانته بغيمك تسيل كل وادٍ ، يشيف
متى بتروي العطاشا . بالمزون الهمام
............ لاصار وقتي : يقطعني عليك ومخيف
روزنامة ايام عمري مثل حد الحسام
........... تعبت اقلب ورقها .. وانت بعدك نزيف
ماغير اشد الركايب يم وجهك حشام
........... مع كل ترحال اشوفك مثل همال صيف
مـ/ تشوف صوت المشاعر صابني بـ انفصام
.......... مابين : وينه / وليش/ وليه هذا / وكيف
أما تجيني .. ونطلق للغلا هـ الحمام
........... ونزرع فـ / داخل حشانا للوفا كل ريف
والا تٌروح . وتاخذ بالجفا . هالغرام
............ واعيش كني مفارق : مثل ورق الخريف




.

تعبت اعاند هالدموع
واردد في نفسي تعال
متى تحس بالله عليك
متى تحس اني ابيك
لاتقول لي هذا محال
بنعلم الغيم الهطول
ونزرع من الفرحه أماااااال

لـِ م شعل