•• { •• أفــتـ ح قـلـمڲ •• } ••

₪₪

خذيت ( العهد ) من نفسي أموت ولآ أقول شي صآر
تعلمت أكتم || العبره || ولله أرفع / يديني

تعلقت بـ رجآ رب [عزيز قآدر جبآر!!
وعآنقت الرضآ لكن .. مع ضيقهـ تلازمني

ألآ يآصآحبي بالله لآ تزعل و لآ تحتآر
ولاتنشد عن أحزآني ولكن / لآ تخليني !

طلبتك كآن لي خآطر [ دعآء بـ حزة الأسحآر ]
أنشهد بالدعآء والله / أحس انك توآسيني

ღ اْلآحَسَاْسـْﮯ اْلَخِجُولْـﮯْ ღ

₪₪

.


لآشَك مآني منْ غَدرْ آلزمَنً خآيفَ ؛
................ آعرفْ دخولي / بعَد مآعرَف مطلآعي ؛
لكَنْ آلآيآمّ منْهآ خآطريَ عآيَف ؛
................ لو آنهآ تجربَة عُمرُ وتمتآعيْ؛
يلوَفني عنَ مقآصدَ خآطري لآيفَ ؛
............... وآمشي معَ آلدربّ وعيونيْ لمرجآعيَ ؛

.

.

إرفع جروحك عن تراب الخناجر

...... نزفك عزيز ومثلك النجم لاطاح

،
















يابشر تكفون حلّو عن سمايه
مايصيب الهرج لو الهرج صوبي


كم سكت إلكم بما فيه الكفاية
اشتموني لو زعلتوا واشمتوا بي


عيبوني واتركوني في عمايه
واتركوا لي واحدٍ يرضى عيوبي


اتركوا لي واحدٍ يمسح شقايه
كل ماحط الزمن دوبه و دوبي


ذاك والله لا ذكرت انه ورايه
أشعر ان الكون كله وسط ثوبي


يكفي انه لو يسولف للمراية
كنّ صوته يهمس لصورته ذوبي


كيف انا ما اذوب مادامه معايه
اسمعه واسهر معه لاخر ذنوبي


كل ما قال: السهر درب الغواية
قلت: كله من عيونك هبّلوا بي


كل ماقال: الخطا ماهو خطايه
قلت له: قل للعيون السود توبي


ضيعتني واسأل الله الهداية
وين اجيب العقل؟؟ اجيبه من جيوبي!


من يعرفك ما يدل العقل رايه
ياشروق العمر مدري يا غروبي


أذكر انك كنت لي مثل الهواية
لو تروح ولو تجي يبقى شحوبي


بس مدري كيف صرت اليوم غاية
صرت اجي واروح مدري عن دروبي


يا بعد عمر الكتابة والقراية
يا الشمالي يابو الملح الجنوبي


لا قريت اللي كتبته يا رجايه
رح وبلّغ ربعي اللي جننوبي


قل لهم يمكن يخلّون الوشاية
وان تمادوا خلّهم مهمها حكوا بي


انت خلك بس فـ الدنيا عزايه
لا تفكر فـ العواذل وانت صوبي


ادري انّه كل درب وله نهاية
بس انا باقي معك لاخر دروبي



























،

.


يوم هبّ الوقت وأعماني عجاجه


الفرج عيّا .. وأنا بالصبر راهي



ويوم مال وطال ميله وأعوجاجه


رحت أدوّر شي ٍ يشد إنتباهي



وشفت زولك مقبل ٍ مثل إنفراجه


كنّه اللي جايبٍ عزّي و جاهي



ياه ياضيقات صدري وإبتهاجه


تذكر آخر مرة ٍ شفتك ..متى هي !!



صاحبك من يومها زاد إحتياجه


وأمتطى ظهر المصايب والدواهي



سولف الليله على قلبي و ناجه


من بقى لي غيرك أفخر به وأباهي



يابعد من كدّر غيابي مزاجه


ويابعد من مرّت حروفه شفاهي



رغم حيرة قلبك ورغم إنزعاجه


الزمن .. ماغيّر احساسه تجاهي



ورغم وحشة بعدك وقسوة سياجه


كل حاجه فيك ظلّت مثل ماهي



الخجل في وجهك أول مـ نتواجه


والبراءه في عيونك وأنت ساهي



وبسمتك لامن بغيت تقول حاجه


وغيرتك لاشفت كنّي عنك لاهي



قبل أشوفك .. والزمن عاقد حجاجه


أسأله : وش فيك ؟! وألقى العذر واهي



ويوم شفتك قلت للوقت وعجاجه :


هيه ياللي في طعونك كنت راهي



أنت لو غيّرت فينا ألف حاجه


القلوب البيض تبقى مثل ماهي