الشات الرياضي ـ سواليف رياضيـه

راح نتكلم عن منتخبنا بكل اريحيه وبدون قيود


هنا الى يوم الاربعآء القادم والمباراه الفاصله


كل واحد يطرح أرآئه حول منتخبنا ومستوآه وكل شي يخصه


وياليت تحمسونا ونشعلل المساحه هذي لأجل منتخبنا


لنا حق نشارك ونخربش




وانا بتكلم وبفضفض عن اللي بصدري عن منتخبنا واللاعبين ؟


وكل واحد يعطينا رايه وبكل اريحيه تااااااااااااااامه عن اللاعبين ومستوياتهم وطريقه لعبهم ودرجه انتمآئهم لشعار المنتخب؟!!







وهذي رسالتي لمنتخبنا والجهاز الاداري والفني واللاعبين



نبي فقط مستوى رآئع مستوى أوروبي رفيع

ماني خرابيط جرايد والواحد قبل يلمس الكوره يرجف ويخاف وفي باله الف جريده واستديو تحليلي وش بيقولون عليه الناس؟ فلان مايعرف يستقبل اوفر؟ مايصلح يصير اساسي؟؟؟ قسم بالله ماخرب منتخبنا الا هالاعلام الغبي مع احترامي والدراهم اللي شبعتهم وكأن اللعب صار وظيفه يؤديها فقط ولايحس بشعور اي مواطن ومشجع يحلم بأن يشاهد منتخبنا يمتع بكل قوه ويقدم كره ولا اروع

ابي اعرف السبب بس ماني عارف

هو من سياسه نمو تفكير اللاعب السعودي في النادي تدريجيا حتى يوصل مرتبه المنتخب وبعدها لامن سوى كذا اعلان بموبايلي رفع خشمه على اتحاد كره القدم وقام يهرقل بالملاعب والا كيف

لاعبينا اول تشوف العرق يصب صب من جبينه وكله حماس

مع انهم مافيه عقود احترافيه بالهبل مثل اللي نشوفه الحين

الحين ماتشوف الا اللي خايف على شعره والجل اللي حاطه واهم شي يطلع بصوره زينه قدام الكمره عشان فلان وفلانه تشوفه


يانااااس يااااعااالم


كل اللي نبيه كرة قدم حقيقيه مانبي غير كذا

يعني مو ترسل الكوره لزميلك وتنتظر وش بيسوي طرزان؟
ياخي اطلع معاه وانت ياللي وراه افتح خانه نبي سرعه نبي حركه نبي روح جماعيه نبي تكتييييييييك لاحد يقولي ظرووف وماظرووف ياخي الناس وصلوا للقمر وحنا على ظروف وش ظروفه واللاعب اكثر من خمس سنوات كل يوم عصر مع المدرب يتدرب معقوله مايعرف يناول؟؟؟

مايعرف يشوت مثل الاوادم؟؟؟؟؟؟؟

قسم بالله فيه اشياء ماتدخل المـخ

نبي رساله نوجهها الى العالم أجمع بأن المملكه العربيه السعوديه فيها كرة قدم حقيقيه قادره على مجابهة اكبر المنتخبات

<كل ماتذكر مباراة اوكرانيا غسل يده

لامن ناحيه دوري ولامن ناحيه منتخب


ماحنا بفالحين ابد طالما مافيه خصخصه للأنديه والحكام انواع الرشاوي

<<انواع الاحبآآآآآآآآآآآآآآآآآآآآآآآآآآط



وياليت اللي عنده آرآء يفيدنا فيها