حب في الجمس ....... قصه سعوديه انوااااع الهباله والفله ... لو قريتوها

رن جوال ساره:
ساره: هلا
فارس: هلا سوسو
ساره: نعم
فارس: تعالي ابيك تشوفيني وانا لابس ثوب وغتره
ساره طمرت من مكانها : من جــــــد
فارس: ايه يلله تعالي
ساره: طيب
العنود: وش عندك
ساره: بشوف فارس لابس ثوب سعودي
البنات: حسو بغربتها اللي عايشتها الحاه كانت غير فرحتها كانت من قلب ولو انه شي تافهه
طلعت وخذت جوالها
فارس: وش رايك
ساره: تجنن متى اشتريته؟
فارس: اليوم العصر رحت مع عبد العزيز
ساره: واااااو خطير شكلك
فارس: وانتي فستانك يجنن ولو انه
ساره: قصير عارفه عارفه......اصبر وقف ابصورك
وجلست ساره تصوووور فيه الين طفش راح وخلاها
رجعت ساره:بنات شكله جنااااااان
رهف اللي كانت محزنه ومكتئبه حست االدنيا تضيق فيها
العنوود: رهف تعالي ابيك شوي
رهف: طيب طلعت هي وياها
العنود: قولي لي السالفه
رهف: بدت تقص عليهها
العنود: يووووه والله عزيز ماراح يتركك ابدا الا ان يعرف
رهف: لاتضيقين خلقي ترى مو ناقصه
العنود: طيب بس لازم تنتبهين على نفسك ومع تعاملك للساره
رهف: وش فيه
العنود: انتي تعاملينها بجفا ومره بالصدفه سمعتها تقول كذا يعني البنت حاسه
لازم تفصلين بين الامور هي مالها ذنب
رهف: طيب خلاص سكري على الموضوع
رجعو للبنات
سلمان: ياولد
تغطو اللي يتغطون
سلمان: دخل وهو معصببببب: وين اخوك قليل الخاتمه
نهى: ليش؟ وش مسوي مروانوه
سلمان: ليته كان ماشرهنا عليه هذا قليل الخاتمه فهد
فهده بلقافه: وش مسوي؟؟
سلمان: مكذب على امي وقايلها اني ابتزوج ومخرف قصه حب وقيلها اسم بنت ثانيه
العنود: يعني فيه وحده
سلمان بلا شعور: ايه فيه
ندى: واااااو عندنا عاشق وانا ماندري
سلمان عصب من قلب: موب منكم من اللي جاي يسالكم
نهى: لاتزعل عمي تعال اقعد وروق وقلنا من تحب وانا نخطبها لك
سلمان: ماينفع اقول بس ابقعد لانو لو شفته وذبحته حلال
جلس سلمان: وانتبه للي متغطين وجلس يفكر شووووي وفجائه ضرب راسه بكفه
فهده: وش فيك
سلمان: لالاخربت عز الله اعرسنا وخرو وطلع
والبنات متفاجات منه
ومشاعل(مايستحي انه يقول احب والله انك ولد خال وائل)
سلمان: دخل جوا : ياولللللللللد
معصب: يمه يمه وينك
الجده: هلا انا هنا مع مرت خالك
سلمان: ابيك بموضوع مهم
الجده: مايتاجل
سلمان: لا ابد
الجده: طيب تعال هنا والله رجلاتي توجعني من كثر ماقمت وسلمت
سلمان: طيب بجيكم (بفكر اقول ولا مااقول اقول خلك رجال انت بتعرس تكلم ولا تستحي)
سلمان: سلاام
العجايز: وعليكم
الجده: وش عندك ياوليدي
سلمان: يمه صح فهد قالك اني ناوي اتزوج صح
الجده: ايه صح للولولولولولولولولش
سلمان: ياعجلك يمه اصبري لاتفرحين لا اذا اتفقنا على كل شي
الجده: نتفق وش ورانا؟
سلمان: انا صراحه حاط عيني على وحده وابيها ومنيب متزوج غيرها
مرت خالهم مستغربه وش هالفري يفتح موضوع مثل هذا قدامها بس ماعلقت
الجده: ايه عرفتها قالي فهد بنت فلان
سلمان: لا الله يحيك مهيب بنت فلان
الجده: اجل مين؟

سلمان بحيا عيال:بقولك بس الحين تخطبينها؟
الجده : انهبلت الساعه11
سلمان: لا ماتعوق بس قولي تم
الجده: تم
سلمان: ابي مشاعل بنت خالي سعد

الجده: بس هذا مرت خالك قدامك اخطبها
سلمان فرح بقووه: يامرت خالي اخطب منك مشاعل لي زوجه
مرت الخال اخر شي تتوقعه هذا الشي:
مشاعل كانت بتدخل تنادي امها لان ابوها رجع وياسر بيطلع الحين انصـدمت معقوله بيني
بسم الله الصدمه اثرت عليها ووقفت عند الباب
سلمان: وش قلتي؟
ام ياسر: والله مااقول الا ونعم فيك ورجال ومانترد بس لازم اشاور البنت وابوها
سلمان: طيب بس بكره الصبح ردي لالا بكره الصبح بصير نايم واكيد ابوي بيهاوشني الين اقوم للصلاه الجمعه مم
طيب خلاص بعد صلاه الجمعه ابي الرد
ام ياسر:هههههههه لاياوليدي مافي وقت تفكر
سلمان: يوووه ياحبكم تعقدون الامور
الجده: سلمان اصطلب وش هاطفاقه
سلمان: زين متى<< قالها من دون نفس
م ياسر: الاثنين
سلمان: يوووووه الا ثنين ترى انا ولد عمتها ومالين مني مايبيلها
الجده: خلاص الاحد ولا تكثر حكي قم استح على وجهك
سلمان: طيبب طلع بس فرحته غطت على حزنه بتاخر رد
طلع ولقى مشاعل واقفه كانت لابسه عبايتها
سلمان: ابتسم ذيك الا بتسامه اللي فيها الف معنى وراح
مشاعل: صنمتتتت ماتحركت من مكانها
سلمان: دخل المجلس
فهد: يووووه اسف والله اسف الحين بقولهااني اكذب
بس سلمان لاحياه لمن تنادي مشي مشي لين وصل له
راح حب راسه
فهد:.؟؟؟ سلامات؟
سلمان: ابتزوج ابتزوج مشكوور هذا عيال الاخوان ولا بلاش
الشباب:؟ كل واحد على وجهه علامه استفهام اكبر من الثاني
ياسر: ياربيه مشاعل هذي بتذبحني ادق ماترد علي سنه عشان يطلعون
سلمان: ابتسم ابتسامه عريضه وهو يناظر ياسر
ياسر: خير الاخ معجب .....سلمانوه لاتناظرني كذا بديت اشك بنفسي
سلمان: للالا تشك يالنسيب
ياسر: وشلون ما شك وانت طايح مناظر تقول حرمتك........ لحظه لحظه من النسيب
سلمان: انت
يارس: كيف؟
سلمان: اقول تيسر وبعدين تعرف
ياسر: خلف الله علي بس كلكم ماخذيني طنازه
خلف الله: نعم عمي
ياسر: لابد كنت ادعي لنفسي وادامك رديت قم لاهنت وخلهم ينادون مشاعل وام ياسر ويجون
وائل: لاخلني انا اروح
فهد: لالا الا انت ماتروح عارفك ماتخلي احد من شرك بتقعد تاذي البنت
وائل: اي بنت
فهد: مدري والله ....خلاص خلف الله روح وقول للحسنا تناديهم
عند البنات:
نسايم: مشاعل بلا سخافه نامي عندنا
مشاعل كانت مو بوعيها: هاه...لألا مااقدر
نهى:ليش
مشاعل: بس واالله مااقدر يللله باي
وطلعت ولا خلت لهم مجال
ركبت السياره:
ياسر: كان قعدتي بعد
مشاعل: البنات كانو يكلموني
ياسر: والله ماذبحنا الا البنات
ام ياسر: تدري اليوم مشاعل انخطبت
ياسر: والله مين خطبها؟
ام ياسر: سلمان ولد عمتك
ياسر: وقف السياره بسرعه على جنب طلعت الكفرات صوت
ام ياسر: خير ياوليدي وش فيك خرعتني
وائل: اخص يللي تفحط حلوه بس خل ننزل الحريم ونكمل
ياسر: صدق سلمان خطب مشاعل
ام ياسر: ايه وش فيك
ياسر: بعذره قاعد يلمح وانا مدريت عن هوى داره
لن ياسر: مسيكين لو تشوف وشلون جل يكلم امه تقول البنت بتطير من يده والله انه خطبها شخصيا
مني
وائل: موب هين سلمان ويعرف يخطب بعد هذا الناس موب انا خلف الله علي
ام ياسر: وانت كل لسان اصلا تقول ابخطي انجح ويصير خير
(مشاعل كانت محترقه الله يهديك يمه مافي مكان تفتحين فيه هذي السالفه الا في السياره وعندهم ونعم الام)





ام ياسر: وش رايك مشاعل
مشاعل: هاه....مدري بفكر
ام ياسر: ترى هو يبي الرد الا حد الصبح
مشاعل: ايش الاحد والصبح زين بفكر واستخير وردلكم
في مجلس الرجال
خلف الله: عمي عبد العزيز الوالده تقول اشرب هذا
عبد العزيز: استغفر الله امي ماتتوب طيب الله يعافيك حطه هنا
فارس: وش فيك ليش تتافف
عبد العزيز: والله ياخوي امي مهي مقتنعه فيني
فارس: كيف
عبد العزيز: انا اقولك هذا ياطويل العمر وصلت للعمر 13 وانا انسان شقي ومزعج ومافي احد مااذيه
وحالتي صعبه يوم صار عمري 15 هجدت هديت مره وحده وامي تحسب فيني عين على الرايحه والجايه تجيبلي ماء مقري فيه
والا يومك مهي راضيه تصدق اني تغيرت كذا عمري24 ولهي مصدقه
فارس: اها الامهات محد يقدر يغيرهم يخافون من الهوى الطاير



كل البنات نامو ماعدا ناديه اللي رفضت تقعد وطبعا مشاعل
الساعه3 البنات سهرنات ويسولفون عن الملكه واليوم وش صار فيه

ونسايم منسدحه على السرير وتفكر باليوم كله
من جهه ثانيه نايف( والله ان راشد هذا سوسه يعلمك كل شي الاخ عايش تجربه مو مثلي
ايه والله البنت ماعليها كلام ومودبه وحليلها بس بس لو كانت......استغفر الله خلا خلاص مايجوز افكر باحد غيرها
دق على راشد اللي عطاه كم كلمه عشان يتصل على نسايم)
نايف يتصل عليها
نسايم سمعت صوت الجوال نطت وشافت الرقم ابو خمسات تلونت الدنيا
العنود: نايف صح ردي وحطي على السبيكر
نسايم: تحلمين اطلعو برى
العنود: والله مطلع
نسايم: اجل انا بطلع وطلعت

++++++++++++++++++++++++++



نسايم:الو
نايف:الو
نسايم:ـــــــ
نايف: كيفك نسايم؟
نسايم: بخير
نايف: وانا ماتبين تعرفين ايش حالي؟
نسايم استحت على وجهه: الا
نايف: ايش
نسايم: ايه
نايف: ايه سمعت
بهذي اللحظه دخلت العنود وندى ورهف وساره
نايف: وش هذا الازعاج
نسايم: هذول ساره والعنود وندى ورهف
نايف: العنود عندكم
نسايم: ايه ماتدري
نايف: لا وش يدريني اصلا هي تشاور
نسايم:ـــــــ
العنود بصوت عالي: نايف سكر ورانا قعده وانت لاحق علىحرمتك
نايف: ياشينها هالملقوفه انا اوريها
نسايم: لا ماعليك منها صبر
نايف: وش بتسوين
نسايم: دقيقه
راحت غرفتها وسكرت الباب
نسايم: هلا
نايف: طلعتي من عندهم
نسايم: ايه
نايف:ــــــ
نسايم:ــــــــ
نايف: نسيم
نسايم: لاتقول نسيم ترى اكرهه هذا الاسم
نايف: ليش
نسايم: كذا شين
نايف: طيب تدرين اني اول مره اعرف ان اسمك نسيم مو نسايم
نسايم: كان ودي انك ماتعرف بس
نايف: ليش
نسايم: بس كذا
نايف: طيب ولي يقولك ماراح يناديك الا نسيم
نسايم: ليييش
نايف يقلدها: بس كذا
نسايم: لا تكفى كل شي ولا هذا الا سم
نايف:ههههه طيب سوال ابي منك جوابه
نسايم: ؟؟؟وشو؟؟؟؟
نايف: انتي من تشبهين؟
نسايم: ليش؟
نايف: ابدا بس ماتشبهينا ولا تشبهين خوالك
نسايم: انا كذا طالعه ماشببهه احد
نايف: اها
نسايم:......
نايف:.............
نايف: اجل يلله انا بروح انام اشوي قبل الصلاه وانتي روحي كمل السهره
نسايم: طيب مع السلامه
نايف: مع السلامه
سكرت نسايم وهو تحلم بحياتها قدام اما نايف كان يكلمها بشكل عادي
مايخص فيه شي
عند سلمان وفارس:
سلمان:والله لوتحس بشعوري مع اني ماكنت مخطط ولا شي بس كذا من ربي
والله اني مستانس بطير من الفرحه فارس تووقع توافق
فارس: ليش لا ..انت كيف جت الفكره براسك
سلمان: فهد كان بيسوي مقلب ودخلت عند البنات وقمت اتشكى لهم وبالغلط زليت ان فيه وحده ببالي ولا انتبهت لها
يوم انتبهت لها قلت خلني اروح اخطبها لاتقعد تفكر وتحسب على كيفها عاد تعرف البنات يفهمون غلط ورحت ولقيت امها الحمدالله وخطبتها
فارس: مبروك مقدما وان شالله توافق
سلمان: ياااارب
فارس: ههههه طالعه من قلبك
سلمان: بلاك ماجربت عشان تقول(هنا فارس بهت وجهه بالكامل)
فارس: يمكن
سلمان ماجاب خبره يفكر
عند البنات
العنود: بنات بما ان نسايم هنا ويالله نحصلها
نسايم: ياسخيفهدايم بوجهك
العنود: هييييه اووووش بكمل الله يسلمكم انا عندي اقتراح واللي بيسويه ساره
ساره مستغربه: انا؟؟
العنود: ايه
ساره ابتسمت:كيف؟
العنود:انت الحين تقريا لك خمس ايا معنىصح اسئلي كل وحده سؤال او قولي لها شي تبن تقولينه؟
ساره: اممم طيب بس بشرط انتم بعد تقولون لي
العنود: اوكي
ساره : ببدى بندى ندى من جيت حسيتك اختي خذت وجهه عليك ولا اقدر استغني عنك
ندى: احم احم الله يسلمك
ساره:بس في سوال
ندى: امري؟
ساره: انا من شفتك الا اليوم كل يوم تحطين بشعرك ورده
ندى: هذي عاده عندي من يوم عمري 14 ولااقدر اطلع من دون ورد احس اني مو متستره
لازم ورده
ساره:اها واضح من سله الورود اللي عندك
ساره: العنود تعجبني جرئتك وهبالتك مع احترامي والروقااان
العنود: احم احم بس
ساره: ايه بس ...... نهى احسك اختي الصغيره مع اني احسك قويه واهابك مدري ليش
نهى:ههههههه حلوه اروع
ساره:لا مو كذا بس احساس فهده احب اقولك كلمه وحده
فهده:؟؟؟؟
ساره: متهوره



فهده: انااااااااااااا
ساره: ايه انت طيبه وحبوبه واخلاقك عاليه بس متهوووووووره
فهده: يمكن
ساره: حرم نايف(ابتسمت نسايم) هاديه حبوبه رقيقه حساسه
نسايم: الله يسلمك
ساره:اممم رهف انت بنت تمتلكين شخصيه حلوه وكل شي فيك حلو بس احس في شي يعكر هذا كله فيك
رهف (ابتسمت بحزن)
العنود(ياربيه وش قالت هذي):<<<تصرفها
العنود: طيب انا بقولك شي
ساره: وشو
العنود (الوهقه):ليش ماتقصين شعرك
ساره: لا مستحييييييييل اقصه لو ايش
العنود: اها
ندى: انا بقول شي لك
ساره: وشو
ندى: انا من زمان بالعائله يضيق صدري لان مافي احد بعمري مع انهم ماقصرو بس وجود وحده معي غير والله اول اشوف نهى وفهده يضيق صدري ماعندي احد مثلهم
بس جيتك غيررر الحين احنا بنقهرهم
ساره:ههه ناويه شر
رن جوال نسايم:طالعت واستغربت؟؟
العنود: مين
نسايم: نايف
فهده: امداه يشتاق
نسايم: اسكتي...الو
نايف: هلا
نسايم: هلا
نايف: ازعجتك
نسايم: لا ابد
نايف: البنات عندك
نسايم: ايه اطلع
نايف: لالا حطي السبيكر
نسايم: مستغربه: ان شالله حطته على السبيكر
نايف: كيفكم بنات
البنات: بخير مبروك
نايف:هههه ذكرتوني بالمدارس الله يبارك فيكم لي طلب عندكم ممكن؟
البنات: ايه
نايف: تتذكرون اول اهل صديقي بندر
العنود: اييييه _(وحطت يدها على جبهتها)هذا اللي فلقني
ا نايف: ايه ماتنسين بعير اللي سافر من كم سنه يدرس رجع وبيتزوج وزواجه الاحد
فهده: احد يتزوج الاحد
نايف: ايه هو بيتزوج
نهى: لااااا نهائي المونديال
نايف: مالي دخل هو عازم الا هل كلهم وجدتهم تعرف امي ساره يعني غصب بتروحون
العنود: طيب خلاص هو وين
نايف: في المرسلات وابيكم كلكم تروحون
البنات: ان شالله
نايف: نسايم شيلي السبيكر
نسايم: هلا
نايف: هلا عاد ماوصيك اولالحاظرين
نسايم: ابشر
نايف: يلله مع السلامه
نسايم: مع السلامه
وجلسو البنات يتشاورن في امر هذا الزواج
يوم الجمعه الصبح
نهى: تدخل على البنات: بنااااااااااااات اسمعو الخبر
ندى: اطلعي برى مانبي نسمع شي
نهى: تتوقعون من بيتزوج
ساره توها طالعه من الحمام: مين؟
نهى: عمي سلمان خطب مشاعل
ساره: كذاااابه
نهى: والله
ساره: وااااااو وناسه
نسايم: لحظه سلمان خطب؟
ي\ساره: يس يس
وانتشر الخبر عند البنات وازعجو ندى اللي ماتحب احد يزعجها نزلت تحت ببجامتها
ندى:يمه يمه
ام فهد:وش فيك معصبه على هاصباح
ندى: بنتك ماتخلي احد ينوم خليها تطلع من اغرفه لا اشوتها
مروان:عندنا لاعبين هنا
ندى: اقول اسكت لا صدق اشوتك
مروان: انت وش فيك اصلا ولا تجين ربعي و بتشوتيني
ام فهد: مروان خل اختك
مروان: هين والله لاطلعها من هنا
مروان: ندى وين وردتك
ندى تحط يدها على راسها: يووه نسيت وطلعت
ام فهد:ههههه والله ياخوفي هالبنت في يوم من الايام تشب بنفسها حاره ماعندها تفاهم
مروان: حتى حجمها ماياهل
ام فهد: قم ناد العيال للعشى
ومر اليوم عادي
السبت:

سلمان: يمه وشذا تاخرو
الجده: وجع هي ماقالت الاحد الصبح
سلمان: ايه
الجده: منيب قايله لك الا الاحد الليل وش بتوي
سلمان: يمه حرام عليك
الجده: حرمت عليك عيشتك قم تراك كليت قلبي
سلمان: طلع يتحرطم وحالته حاله
يوم الاحد
لبسو البنات وجهزو
نهى: من بيودينا
نسايم: نايف رايح من زمان معهم
نهى: بس هذاللي جيده فيه نايف
فهده:هههه حلوه حلوه منك بس اللي بيودينا حمد
نهى: بتكفينا السياره
فهده:بناخذ الجمس
نهى: هذا ساس البلى الجمس
فهده: ايش
نهى: لا لابد
عند العيال
ابوفهد: ترى كلكم بتروحون
مروان: ياناس مونديااااااااااااال وش يودينا هذا اللي يعرس بنهائي موبب لازم يحظر عرسه احد
ابوفهد: بندر واحد من عيالنا وعازمنا ولا احد بيقعد سامع قدامي ييلله
ركبو البنات والجده مع حمد
حمد: يلله انك تحييها
الجده: الله يحيك
ورى
العنود: رهف لاتمسكين يديني مانشفت المناكير
رهف: طيب طيب
نهى: بنات بنات شوفو
فهده: ليش فارشين برى
الجده: اكيد بيعرضون الله يرحم ايام زمان هذا العرس السنع عرضه وسامري موب الحين طق ونص نص
حمد:ههههههههه امي ساره وشي نص ونص
فهده: هذا قد رحنا لللزواج وغنو اغنيه نانسي عجرم اه ونص وامي ساره ماطاعت تنساها ابد
حمد: اخص والله منتيب هينه
نهى: شوووفو(كان بالساحه اللي قدام القصر فارشين زوالي وجالسين كانهم بمدرسه وحاطين تلفزيزن شاشه بالازما
ويناظرون المباره ورايح والجاي يشوفهم)
حمد: يوه يوه شوفي نايف افا المعرس قاعد معهم شوفو بندر
العنود: هذاك ابو بشت
حمد: ايه هذا هو عليه شكل ههههههههههههههه
في الزواج كان وناسه وهبال والطقاقه كانت اغنيه تغنيهها واغنيه الطقاق=رجال
الساعه11 كان الطقاق يغني وناس مندمجه فجائه قطع الاغنيه:
الطقاق:مبرووووووك فوز ايطاليا
البنات: صراخ وتصفير وحاله
الطقاق: والله هازواج وجهه خير علينا بفوز المونديال مبروك لكل الايطاليين
فهده: ياناس هذا الطقاق ولا بلاش
نهى: صادقه عرسهم فيه اكشن
الطقاقه: خلصت المباراه بيزفون العروس
زفوهاة ومر الوقت عادي
وهم راجعين كل من حمل اهله وراح
بالبيت
سلمان: حرام يمه والله بموت قولي لي ولا انتحرت خلا ص الساعه وحده يعني دخلنا بيوم الا ثنين
الجده: ههههه اسم الله عليك من طاري الموت طيب خله الصبح
سلمان:وقف :وش هنجاسه والله ماني خابرك نجسه بتعلميني ولا لا
الجده: خلاص خلاص اقعد البنت موافقه
سلمان: قولي والله يافرح ياهنيا ياسعدي طلع من الصاله ولقى فهد لمه
فهد: وش صاير
سلمان: انا احبك راسك راسك بحبه يااحلى ولد اخوي بتزوج مشاعل مشاعل بتزوجها من قدي
فارس: خير عسى ماشر
سلمان: ابتزوج ابتزوج (قام ينط نط )
فارس: هههه مبروك مبروك عقبالي
سلمان: امين
ساره: مبرووووووك
سلمان: من وين طلعتي
ساره: من الغرفه مبرووووك والله عرفت تختار
ندى: فهود بعد عن البنت خلها تسلم
فهد: ايه صح وبعد
ندى: مبروووك ابو الشباب عقبال الشياب اللي حولك
سلمان: فهم قصدها : ايه والله عقبالهم
ساره: ندى: تعالي نتصل على مشاعل
ندى: والله انك بنت عمي ....يالله
دقي على جوالها:
ساره: مسكرته تستحي بس والله لا نشب فيها بندق على البيت
ساره ماسكه السماعه: عطيني الرقم بيتهم اتصلت
الو
ساره: الو
ياسر: هلا
ساره: اهلين ممكن اكلم مشاعل
ياسر: ممكن بس من نقولها
ساره: ساره
ياسر: اسفه هي ماتعرف احد بهالاسم
ساره: الا تعرف
يسر: مين
ساره: تعرفني انت
ياسر: ومن انتي
ساره: اوف اناا ساره بنت سلطان ال........
ياسر: هلا حفيده عمتي ساره هلا هلا اسفين علىا لازعاج دقيقه هذي مشاعل
مشاعل: هلاااا ندى: وساره : مبرووووووووووووك
مشاعل: مسرع ماوصلكم الخبر
ندى: لا تخافين حنا مايتخبى شي ببيتنا ليتك تشوفين عمي وش مسوي بالبيت
مشاعل: وش مسوي
ساره: قلبتيه قرد
مشاعل:ههههههههههه كيف؟
ساره: بس ينط نط ويقول بتزوج مشاعل
مشاعل ماعرفت ترد
فجائه:
الو
مشاعل: الو
سلمان: هلا والله
ندى: يووه عمي هات السماعه ترى هي خطيبتك مايجوز
سلمان" اقول انقلعي
سلمان: هلا مشاعل كيفك
مشاعل: هلا ..بخير
سلمان: مبروووك
مشاعل: الله يبارك فيك (كنات تجاوب كانها مخدره)
ساره: هات ماتنعطون وجه الدنيا سيبه هنا لا لا ياشاطر عندنا رقابه
سلمان: اوووووف طيب وطلع وهو يتحرطم عليهم والله لملك بكره ولااحد له عندي شي
++++++++++++++++++++++++++++++++++++++++ ++++++++++ +

(((((((اتنظرو المفاجاه بالبارت الجاي كيف فارس بيعرف رهف هي بنت عمه؟)))))))



نهايه: الجزء
نسايم: نايف: ايش رح يصير بينهم وهل بتسمر الحال كذا؟
المعرس الجديد سلمان: كيف بتكون حياته؟
فارس: ورهف: ايش اخلر تطورات
نواف: هل هو بيوفي يوعده لللنايف انه بيخطب بعد ثلاث شهور ؟