متى اخر مره جلست مع اختك؟؟؟

فعلا ياغلاااتي موضوعك بغاية الأهمية



أنا اللي أشوفه ان الأخوان أنانيين يعني إذا صار هو محتاج احد يسمعه أول من يلجأ له أخته


بس مجرد ما يرتاح نفسيا ينسى ان عنده أخت


طبعا أنا ما أعمم بس الاغلبيه جذيه ..


أستغرب أن الأخ لو بتشكيله أي بنت غير أخته راح يكون متعاطف معها


ويقول بينه وبين نفس ( مسكينة هالبنت وشلون عايشه بين هالاخوان ) وهو ناسي متى آخر مره شاف أخته .



أول البنت تتمنى يصير عندها أخ عشان يكون سندها بالحيــاة ،


بس حاليـاً الوضع تغير وصارت البنت اللي ما عندها أخ تنحسد


يمكن الاغلبيه اذا قرئوا ردي يتوقعون أني أبالغ بس هذا الواقع ،



صارت البنت تتمنى تتزوج مو عشان تكون أسره ، بس عشان ترتاح من سيطرت أخوها .



ليه صار الأخ بهالصوره ..؟؟


قبل شهر تقريبا كنت أناقش خوياتي عن هالموضوع وبصراحه تفاجئة من ردودهم


لان الاغلبيه كانت علاقتهم سيئة جدا مع أخوانهم .


لدرجة أن وحده منهم كانت مسجله اسم اخوها بجوالها هادم اللذات ومفرق الجماعات ..!!


وكل هذا بسبب معاملتهم السيئه ، بصراحه شوهوا معاني الأخوة



ضحوكتي .. أنا راح أتكلم عن نفسي ، أخر مره شفت أخواني واحد منهم قبل شهر والباقين قبل 7 شهور


يعني إذا حتى ما نقدر نشوفهم راح يفتكرون يطلعونا ويسهرون ويانا <<< مستحيـــــــــــــــل


وحتى لو طلب منك أخوك تطلعين وياه ، أنواع الانتقادات والتدقيق ،





أتمنى من كل أخ يقرأ هالموضوع يفكر ليه صارت العلاقة بينه وبين أخته سيئه لهالدرجه


وليه آخر وحده ممكن يحس بوجودها ( أخته )


والله الأخوات نعمه مايحس فيها الا اللي فاقدها






ضحوووكتي



ابدعتي وتألقتي باختيارك طرح

يلامس حياتنا اليوميه

لك مني كل التقدير والاحترام


تقبلي مروري












رجيتـــك لاتخلينــــــــي