عندما يتغازل المجانين .....خاطرة هزلية ومضحكة

بسمه تعالى
السلام عليكم

هذه خاطرة جديدة
وفيها واحد مجنون حب وحده مجنونه ( ناقصين عقل )
جالسين كل واحد يتغزل في الثاني وكل واحد مستانس على عمره
الله يكفينا الشر ويحفظنا ويحفظ عيالنا من مابلاهم
طبعا وانتوا بكرامه
اللون الأزرق يعني الرجل
اللون الوردي يعني المرأة



أتمنى إنها تعجبكم

هلا بحياتي وبروحي وبكل أمنياتي
هلا بالخبلة الجربة وهوز معسلاتي
هلا بالكشة المجنونة وريحة دلاغاتي

وينك يالمعفن ياحبي ياوجه الجواتي
وينك تشوف قيفتي ومشيتي وحلاتي
الله ياخذ روحك ويطول عمرك ياحياتي

أنا موجود يالزفرة وابلغ لج تحياتي
ودايم ادعوا عليج يالهبلة في صلاتي
وأدعوا لج بالخير والفقر والمماتي

صحيح انك اجودي وخسيس المعاملاتي
وانت اللي مطبب قلبي ومزيد آهاتي
احبك أنا وقلبي يكرهك ياأحلى ذباباتي

أه يافارسة أحلامي يابقرة ذكرياتي
أحب أنا أمج كثير بس أكره حماتي
ودي أحفظج وأحطج بسلة المهملاتي

تعجبني يالسبع ياخروف سهراتي
ياللي ارتاح بوجودك بس كله أحاتي
شحليلك اذا كشخت واذا لبست عباتي

أنا أشهد ياحبي انج حرسونه غلاتي
واني كل ماشوفج توجعني راحاتي
ياربي على جمال البعير مع الصلاواتي

مشكور ياقلبي ياللي راسك مثل الكفراتي
ووجهك النظر تقول طيران طقاقاتي
تعال يانسيم هواي ياريحة نعال خواتي

تحياتي
صادقة الاحساس