عسى قصيدي يا جماعه عجبهـا

جتني تعاتـب والعتـب تستزيـده
يا زينها ويا زيـن حتـى عتبهـا

قالت تجيد الشعر ؟ قلت إيه أجيده
( هي جت كذا ) لازم أنفذ طلبهـا

قالت أبيك تقـول فينـي قصيـده
أبي الجموع تصيح منهو كتبهـا ؟

ابي القوافـي والمشاعـر فريـده
ابيـك تتعبنـي وأحـس بتعبهـا

أبيك تلعـب فـي بحـورٍ جديـده
أنت الوحيد اليا لعبهـا .. لعبهـا

تكفى طلبتك يـا جنـاب الوليـده
جبها على الطاروق يا شيخ جبها

المشكلـه طفلـه وطفلـه عنيـده
قبـل سنـه قطـت بقايـا لعبهـا

واليوم سيد الناس تصيـر سيـده
كم سيد قوم جـا لبوهـا خطبهـا

يلعن ابو جـد الشعـور وكديـده
إن كان ما ولّـد قصيـد بسببهـا

الزين من ربـي ويعطـي عبيـده
مهي من اللي زينها فـي ذهبهـا

اذا نوت حي تكيـده ... تكيـده
يا قبلة الله يـوم ترخـي هدبهـا

ويا شعرها لامن عصاهـا تعيـده
للخلـف ويغطـي مثانـي ركبهـا

والطول يا أهل الطول عنق الفريده
طولي إذا قطـت صغيّـر كعبهـا

وشلون أعدد من صفات عديده
يكفي تـأدب جيلهـا مـن أدبهـا

عندي قريبه بـس عنـي بعيـده
وهي مسأله صعبه على من حسبها

يا الله عساني قلت فيهـا قصيـده
وعسى قصيدي يا جماعه عجبهـا


ملطوووووش

هيك وبس