الـعـــام الجــديـــد..!؟

، بسم الله الرحمن الرحيم ،

، السلام عليكم ورحمة الله وبركاته


كـل عام يمرنـي وأنته عن عيوني بعيد
بالحزن..!؟ (أستقبله) و(أصافحه) و(أودعه)..!؟

×××

وكل عام (أترجم أحساسي) من فراقك قصيد
وأقول ياليت القصيد اللي كتبته( تسمعه)

×××

عل وعسى تشتاق لي .. والشوق في قلبك يزيد
لادريت أن الجروح بقلب (محمد ) موجعه..!!

×××

ياكثر من قال (خله) والمحبه ماتفيد
وياكثر ماقلت (أحبه) من يجيه ويقنعه..!؟

×××

علموه أني ذكرته بأول العام الجديد
تكفون من يقدر عقب ماغاب .. لي يرجعه

×××

أشتاق له كثر أشتياق (الجد) لعناق (الحفيد)
وأتحمله كثر أحتمال (السد) موج ٍ يدفعه

×××

وأحتاج له كثر أحتياج القلب دايم للوريد
وأنفعه مثل العشير اللي عشيره ينفعه

×××

ذاب قلبي في غيابه مثل ماذاب الحديد
يوم ولعني وخلا نار قلبي مولعه

×××

أشهد أنه مارحمني يوم خلاني وحيد
طاوعه قلبه يغيب .. وكيف قلبه طاوعه

×××

ماسمعت .. ألا .. شطر .. ويحـّرك شعور البليد
(ضاقت الدنيا بشاعر طيب قلبه ضيعه)

×××

آتمنــاه .. وأريـــده (والله يفعل مايريد)
وكان مكتوب الغياب..!؟ شحيلتي..؟ وكيف أمنعه..؟؟

×××

علموه أني (فقدتــه) ياعسى عامه سعيد
وعلموه أن (القصايد) فـــي غيابــه تتبعـــه

×××

كل عام يمرني .. يالأسف .. مامن جديد
بالحزن (أستقبله) و(أصافحه) و(أودعه)..!؟



،،
،



كـل عام وأنتوا بألـف خيـــر


حمادينووووو ..

__________________

كل عام وانت بصحه وسلامه اخوي محمد


وصح السان شاعره


واشكرك ع القصيده الحلوه

هلابتس لــيــدي أسعدني تواجدتس ..

كل عام والجميع بخير
يسلموو ع الموضوع

تحياتي
مهبوله

وانتــي بخير وصحـهـ وسـلامـهـ ..


منــورهـ المتصـفح طال عمــرتس ..


D: