::روابط مهمة:: : استرجاع كلمة المرور| طلب كود تفعيل العضوية | تفعيل العضوية | تسجيل عضويه جديده
 |[ فعاليات المنتدى ]| |
||||||||||
|
|
|
|
|
|||||||
|
|||||||
| قصص واقعية - حكايات - قصص خيالية شهاب من انبلاجِ الأبجديات وبريق يرسِم الأحداث ويترنح علىِ مرفأ القَصَص والرِوايات |
|
الإهداءات |
 |
|
|
|
أدوات الموضوع | إبحث في الموضوع | انواع عرض الموضوع |
|
|
02-14-2008, 04:12 PM
|
#1 | |
|
:+:هيبة متطور:+:
|
الجزء العاشر
* * * في الشاليه في الشرقيه.. الجده وواهل فواز وعمتهم عبير.. الجده تكلم وليد:متى بيجون اهلك؟؟؟ وليد: اليوم ان شاء الله الساعه 1الليل وهم عندك لبنى: وناسه بيجي مشاري؟؟ شوق: عشان تكمل شله الانس سهى: منهم شله الانس؟؟؟ عبير:للحين ما عرفتيهم طلعوا في السي ان ان فواز: ما تنلام من كثر ما تنام عن خالتي اسماء سهى: غاير مني حضرتك ام فواز: سهى بدينا لبنى: شله الانس هم... لبنى ووليد ومشاري ام فواز:بعد وليد؟؟؟ استحى وليد من نفسه حس انه صغير ومراهق قدام ام حبيبته وش بتقول عنه؟؟ لبنى: عادي ياخالتي نيعيش شبابه..وتلتفت على وليد:اذا جيت تروح تجيب اهلك قلي اروح معاك الجده:بنات هالزمن معاد يستحون ليش تروحين معه؟؟ لبنى: عشان وليد ما يكون لحاله. ومنها اشوف مطار الشرقيه فواز:مطار الشرقيه توك جايه منه..والا حضرتك ما مليت عينك؟؟انا بروح معه عبير: ما عندنا بنات يرحون سكتت لبنى وهي مقهور من فواز.. وفي نفسها:من زينك الحين يالمغرور ..اكرهك وش جابك معنا؟؟ * * * * * حنان في بيت عمها تكلم خالتها سمر حنان:اووووووووووووف ,, ياخالتي زهق فوق كل هذا ما نعني من الطب وحتى فكره اني اكمل دراستي مرفوضه عنده..يقول تعرفين تقرين وتكتبين يكفي سمر:هذا المكتوب ومقدر وحطي الامل قدامك لا تيأسيين ابد..المهم خلينا من هالسالفه وش اخبار رازن وعيال عمك؟؟عساهم يعاملونك زين؟؟ حنان:الحمد الله بخير..وياليت يعاملني عمي نص معاملتهم لي..؟؟حتى مرت عمي تعاملني مثل بنتها سمر:اجل وش مضيق صدرك.؟؟وشايله الكون فوق راسك حنان:ولاشي بس عندي امل اني راح اجن في هذا السجن سمر:لا تقولين سجن..بيت عمك مو سجن؟؟ حنان:الله يعين محد حاس باللي احسه سمر:امين..شوفي حنو حياتي التليفون يرن بشوف مين بعدين اكلمك.. سكرت حنان من خالتها سمر وهي تحس انها مالها سند بالدنيا بعد وفاة ابوها الله يرحمه وتذكرت سند واحد لها بعد الله سبحانه وهو سامر وقررت تدق عليه عشان تشوف اخباره حنان:السلام عليكم سامر:وعليكم السلام..هلا حنان وش اخبارك وش اخبار رازن حنان استانست من ردة فعل سامر الانه سال عنها قبل لا تسال عنه:الحمد الله بخير انت وش اخبارك وش اخبار الوالده سامر:الحمد الله تمام؟؟ والوالده بعد ما حققت لها امنيتها الحمد الله بخير مليون حنان:ليش وش امنيتها سامر:الحمد الله لقيت لي بنت الحلال. وعقبال ما تحضرين زواجي حنان:سامر انت تزوجت سامر:لا بس ملكه زواجي بعد شهرين حنان:حنان وكلها غصه : الله يوفقك.. سامر:اميييين وياك يارب حنان:اوكي.. سامر اكلمك وقت ثاني عمي يناديني سكرت حنان بسرعه حتى من دون ما تسمع رده الان عمها دخل عليها والشر يتاطير من عيونه وماسكها بيدينه الثنتين وحنان كانها عصفور بايدينه محمد(عمها يصارخ):منهو هذا اللي تكلمينه؟؟ حنان بصوت مهموس:هذا هذا هاذ ولد جيرانا كنت اسال عن امه محمد: انا سمعت كل شي يا حنانوه.. وهذا الجوال احلمي فيه ..اذا ما رباك ابوك انا اعرف كيف اربيك وخذ الجوال ورماه على الجدار لما تكسر كسر صغيره.. وطلع عمها وهو يدعي عليها وهي تبكي.. حنان ما تبكي الان عمها طقها وكسر الجوال تبكي على سامر اللي حبته من كانت صغيره وراح عنها.. امها راحت ابوها راح صديقاتها ما عادوا يسالون عنها مثل اول سامر حبها اللي كانت تحيي الامل منه راح وتزوج وحده غيرها كل شي زاد عن حده وعمي زودها بمعاملته القاسيه علي ياربي ليش يصير فيني كذا انا وش سويت ياربي ليش تعذبني ليش انكتب علي الحزن من صغري أأأأأأأأأأأأأأأأأأأأأأأأأأأأأأأأأأأأأأأه ... * * * * * في الرياض في بيت عم شوق(عبد اللطيف) صالح: يمه انا قررت اكمل نصف ديني ام صالح: يا جعلها فاتحته خير عليك يا وليدي ..اها قل مواصفاتك وادور لك انا براس الخدمه صالح: لا يمه ابي اتزوج من الاقاراب ام صالح وتغمز له:حاط عينك على وحده من بنات عمك وخالتك صالح: بسم الله عليك يمه فهمتيها وهي طايره,, يمه وش رايك بشوق؟؟؟ ام صالح: المثل يقول .. لا بغيت تضمها اسال عن امها... وامها ماشاء الله كامله والكامل الله سبحانه.. والبنت ما عليها خلاف صالحك يعني تصلح لي زوجه..؟؟؟ ام صالح: ايه تصلح ورا ما تصلح ما هي بنت؟؟؟ صالح: طيب يمه متى بتكلمينهم.؟؟ ام صالح: الحين هم في الشرقيه واذا جو كلمت امها واصبر ناخذ راي ابوك صالح:ا ذاا على ابوي ضامنه.. * * * * * في جده وتحديدا مطار الملك عبدالعزيز مشاري:اووووووووووووف.. ما بغت تخرب الطياره الا الحين غلا:ان شاء الله يقولون مافي سفر مشاري:فال الله ولا فالك ام وليد: بس انت وياها كل العالم سمعوكم مشاري:كم يبي لها الطياره عشان تزين فيصل: يقولون نصف ساعه غلا:بـــــــــس... شويه فصيل:ههههههههههههه.. كلن يغني على طيريلي غلا:خالي جاسم وينه فيه فيصل:عاش مصرف القبايل وطلعت جوالها بتدق على خالها جاسم ويجيها مسج فيصل بصوت مهموس:فارس صح؟؟ غلا: ميه وش دراك؟؟ فيصل: وريني وش مرسل؟ وعطته غلا الجوال طبعا فيصل ماشاء الله ذكي فهو خذ جوال غلا مو عشان يشوف المسج عشان يشوف رقم فارس جاسم: يالله طيارتكم جاهزه غلا: فيصل ممكن جوالي؟ مد لها الجوال وودعهم جاسم وفيصل وراحوا * * * * في مكه في شقه اهل منال تركي:ترى وحده من صديقاتك راسله مسج.. تقول ترى ركبت الطياره منال:منهي؟؟؟ تركي:انتي مسجلتها(الدره النادره) منال:فديتها هاذي غلا مهند:وانتي بس تتفدين خلق الله..حتى الهندي منال: هاذي مو خلق هاذي غلاوي بعد الدنيا كلها تركي:ليش تغار من صديقتها؟؟؟ مهند:تقدر تقول؟ تركي:..اجل فديت غلا بعد انا منال:هههه..حتى انت تركي:عشان يموت بقهره..شكله يغار منها.. منار: ما ينلام انا اختها صرت اغار من غلا تركي: الله يخليهم لبعض طلال: اهااااااااا,,الحين فهمت.. وانا اقول ليش منال ما طلعت اليوم عشان غلا سافرت منال:ايه راحت منار: وين راحت؟ منال: راحت للشرقيه تركي:والله ودي اروح للشرقيه منال:تكفى تروك خلنا نروح طلال: عشان غلا ..لا ما فيه تركي:لو بغينا نروح ما خذنا رايك صح منال؟ منال:ايه صحين بعد طلال: خل امي وابوي يجون شف وش بقولهم تركي:يعني وش بتقول خوفتنا؟؟ طلال: بقولهم ان منال رايحه عشان غلا تركي:قلهم بعد ان تركي رايح عشان غلا منار:لا يكون تحبها بس تركي: الصراحه غلا ما تنعاف اذا حبيناها..بعدين تعالي اللي يشوف غلا ما يحبها منال:تروووووووك وش تقصد؟؟ تركي حس بنفسه:لا لا ولا شي * * * * في الشرقيه وتحديدا الشاليه ام وليد وعيالها وصلوا جالسين برا قدام البحر والجلسه احلى ما يكون الجده: وش اخبار جو مكه غلا: احسن من الجو هذا قرف ورطوبه// يا زين مكه بس مشاري: لا بالعكس توني احس اني عايش لبنى: ليش واول ميت؟؟ فواز ما نزلت عيونه من غلا بنظرت مسترقه وهي حاسه بنظراته بس ماعطته وجه.. وليد: اقو ل يمي ش رايك تركبين الدباب؟؟ الجده: ما ركبته وانا صغيره اركبه الحين مشاري: ليش واول عندكم دباب؟؟؟ الجده: ايه وش زودنا لبنى وهي تغمز لمشاري:طيب وش الانواع اللي عندكم الجده: اللي تبين طبي وتخيري والكل يضحك على سوالف الجده محمد: اول عندكم سكوتر يمي الجده:اقولك عندنا شي مهوب عندكم مشاري: ودي اصدقك بس ما اقدر الجده: مشاري ما سمعت ش تقول فواز: يقول يا حليك يمي الجده: اشوا على بالي بعد فواز: وش تبون عشانكم كنكم نسيتو انفسكم مع السوالف لبنى: ما نبي الحين وليد: لبنى محد قالك انك مطفوقه من قبل لبنى: انت في احد غيره يستهبل علي وليد:ههههههههه.. زين ما نسيتي لبنى: ماعاش من ينسى سوالفك يا ولد خالي العزيز ابرار تسمع وهي بتموت من غيرتها .. لبنى مطيحه الموانه بينها وبين وليد.. وليدعادي مستانس عليها ودها تصير مثل لبنى بس وش تسوي هي خجوله..وهاذي مشكلتها في الحياة مشاري: ودي اركب دباب خلو العشا بعدين لبنى: حتى انا جالسه احتريك عشان نسوي سباق انا وانت ووليد الجده: وانتي بس تعلبين مع الاولد شوفي البنات يسولفون اجلسي معهم لبنى: يمي خليني اعيش شبابي عشان ما اتحسف اذا كبرت شوق:قصدك مراهقتك غلا:حلوه بس لا تعيدينها لبنى: اللي اهي بس اهم شي اعيش شبابي وحياتي عبير: عيشيها بالطول والعرض محد قالك لا لبنى: ومن يقدر يقول للبنى لا وليد: وانا اشهد محد يتجراء الجده: ورا ما تصيرين عاقله مثل بنات خالك لبنى: منهم؟ الجده: ساره وابرار وسهى وغلا واختك شوق لبنلى يا جدتي العزيزه.. ساره بتتزوج بعد كم يوم..وابرار مسويه عاقله .. وغلا تقاطعها ابرار: انا اصلا عاقله ووليد في نفسه واخير سمعت صوتك..فديتك لبنى: طيب اسفين يا كلمه ردي مكانك.. المهم اكمل سهى طلعت هبالها عند خالتها .. وشوق وغلا مطلعين هبالهم من زمان...والله ياجدتي ياهم يسوون شي خليني ساكته احسن .. ما بقى الا انا .. حاسديني شوق: لا تكلمي وش احنا مسوين غلا: واثق الخطوه يمشي ملكا,, يقولي وش سوينا لبنى: ماله داعي الفضايح فواز: انتي بكبرك فضيحه كل العالم سمعوا صوتك لبنى: الحمد الله اني مو اختك فواز: عاد انا اللي ابيك تصيرين اختي ترفقي بس لبنى: المهم من يبي يركب دباب؟؟ كلهم طبعا قالوا ايه استثناء؟الجده وام فواز وام وليد وساره الانه خايفه يجيها شي وعمتهم عبير شاركتهم في العب طبعا قلبو الساحه هبال وزاعاج باصواتهم بعد ساعه من والوناسه واللعب راحوا يتعشون بعدها الكل نام على الساعه 1الليل باستثنا مشاري ولبنى وسهىه ووليد اللي يلعبون اونو وشوق وابرار وغلا وساره يسولفون مع بعض.. وفواز يلعب بجواله فواز يكلم وليد:يالله وليد متى بتخلص ترى طفشت وليد:مدري اذا خلصت اللعبه لبنى: بكره الصبح فواز: انتي يام لسانين اسكتي محد كلمك لبنى: فواز اقولك شي ولا تزعل فواز: قولي لبنى: احس فيك حاله نفسيه,, مدري احس كذا والكل قام يضحك فواز: الله واعلم من اللي فيه حاله نفسيه لبنى تصرف الموضوع:بنات وش رايكم تجون تلعبون معنا عشان نقهر فواز صدق ساره: لا انا بنوم تصبحون على خير الكل وانتي من اهله شوق وغلا وابرار عجبتهم الفكره الانهم ملوا من السواليف شوق: بس وشلون العب بجلالي ما اعرف وليد: قولي يعني يا وليد ضف وجهك شوق: يعني تقدر تقول وليد في نفسه مافي امل اقوم لو تعضين الارض دام ابرار بتلعب: اقول نجوم السماء اقرب لك من اني اقوم فواز: وانا بعد بلعب وزعوا لي مشاري: يوووه كذا الاونو ما تكفي لنا كلنا فواز: عادي تطلع لبنى وانا العب لبنى: بتريقه:ههههههههههاي....ضحكتني وانا ما ودي اضحك وليد: تعال بس يكفي جت عليك امش نكسر روس البنات لبنى: شف الحين من بنكسر راسه وليد يحاول ما يسحب لبنى عشان ما تسحب ابرار الان وليد جنبه لبنى بعدين ابراروبعدها سهى وبعدها شوق بعدين غلا بعدين مشاري بعدين فواز وقاعدين دائره واذا انعكس الدور فواز يحاول ما يسحب مشاري عشان ما تسحب غلا بس غلا تعاند وتحول تسحب مشاري قد ما تقدر عشان اذا معه تسحيبه يسحب فواز..عشان تجي الطقه في راس فواز..بس في قلبه مثل العسل.. اذان الفجر وهم يلعبون ومستانسين الانهم خلو في اللعبه شوي غش لبنى:شف من نسكرنا راسه وليد: كله بالغش انقلعي بس فواز: نروح نصلي احسن لبنى: هذا الخسران دايم يصرف الشباب راحو يصلون والبنات بعد الكل نام استثنا غلا وطلعت برا عشان تشوف الشمس وهي تشرق الانها تحب هالمنظر كثير.. وبالذات اذا صار عند البحر * * غلا جالسه لحالها عند الشاطئ تتامل البحر..وترمي همومها وسطه ممكن اجلس معك كان هذا صوت فواز يستاذن غلا غلا: تفضل المكان مكانك فواز استانس من رده فعل غلا وحس انها بكلمتها هاذي انها ما زالت تحبه وغلا مستغربه من جرائته فواز وغلا ساكتين فواز حب يقطع حاجز الصمت فواز:بروح اجيب كافي تبين غلا:لا شكرا مو مشتهيه فواز راح ولا عبرها غلا تبي تقهر فواز باي طريقه كانت مثل ما قهرها الانها يوم كانت في ثالث متوسط كان فواز يكلم صديقه ويقوله عن سالفه البنت اللي تعرف عليها وحبت ترد له الحركه فارسلت لفيصل ((دق علي بعد خمس دقايق ضروري)) جاء فواز وجاب الكافي : تفضلي يا بنت العم غلا:قلت لك ما ابي ليش تجيب؟ فواز:مو حلوه اشرب لحالي ويدق جوال غلا وترد:ياهلا ومرحبا..كيف الحال؟؟؟وش اخبار خالتي امل وعهود وخالي جاسم.؟؟؟الحمد الله احنا بخير.....ادري جو مكه مو حلو من دونا......انا جالسه عند البحر تمنيتك معي تصدق.....افاااااااا عليك جلسه من دون فصول ما تسوى......اقول فيصل ما ودكم تجون الشرقيه.....؟؟؟طيب اذا هم ما يبون تعال انت لحالك يستقبلك وليد براس الخدمه تامر انت....اوكي انت شوف راي الماما وردي لي خبر..لا سلامتك يالغالي...بااااااااي وسكرت غلا من فيصل وهي بكل كلمه كانت تبي تقهر فواز..وطبعا حصلت اللي تبيه وقهرته فواز: منهو هذا؟؟ غلا:ومنو انت عشان تسالني؟؟ فواز:انا فواز ياغلا اللي تحبينه جلست تتامل البحر شوي غلا:فواز اللي احبه مات من زمان فواز:هذا انا قدامك يا غلا غلا: قلت لك مات يعني مو انت قامت غلا بتروح الانها لو جلست شوي بتضعف قدامه وهي ما تبي هالشي الانها قررت تعتبر فواز ماضي وراح ومستحيل يرجع فواز:غلا ممكن شوي من وقتك غلا:نعم فوازبعد تردد:انا احبك يا غلا غلا:ودي اصدقك بس ما اقدر فواز:احلف لك ورب البيت اني احبك غلا:اسفه القلب ماعاد هو لك فواز:لمين؟؟ لفيصل ولد خالتك غلا:ما اظن يهمك الجواب لمين يكون؟؟ فواز:غلا انا شاريك غلا:شاريني.. بعد ما بعتني برخيص تقول شاريني..بعد ما جرحت قلبي فواز:غلا افهميني غلا:شنو افهم؟؟؟لواحد قالي انتي مثل اختي ..وعلى فكره وانت مثل أي واحد بالشارع فواز:هنت عليك ياغلا هان فواز غلا:انت ماضي ومحيته .. فواز:حبك لي وين راح؟؟؟ غلا:راح مع السنين ..توك تجي تقول احبك,..تاخرت كثير يا فواز فواز:الاني توني عرفت قيمتك غلا:وانا توني عرفت انك واحد اناني ما تحب الا نفسك..بعد ما تزوجت الهنوف جاي لي..اسفه ياولد عمي قلبي مو لك فواز:وش دخل الهنوف غلا:ماله داعي نجيب سيرة البنت الله يستر علي وعليها..وانت واحد انتهيت من حياتي تفهم فواز:هذا كلامك لي يا غلا غلا:ايه وماعندي غيره.. ولا تفكربيوم اني اكون لك وراحت غلا للغرفه ورمت نفسها على السرير ..وهي تصيح..الانها ما تدري اللي سوته صح والا غلط .. ليش يا فواز كل ما حاولت انساك تذكرني فيك.ليش ليش؟؟؟؟؟؟؟؟؟؟ * * * * فواز من جهه ثانيه منقهر من حركه غلا..واللي قهره اكثر لما جابت طاري الهنوف .. واللي زاد الطين بله فيصل لا يكون تحب فيصل.. وش تقصد بالقلب ما هو لك.. ياربي وش اسوي معها؟؟؟؟ فواز الافكار تجيبه وتوديه مو مصدق الكلام اللي سمعه من غلا بالذات لما قالت(انت مثل أي واحد بالشارع)بعد ماكنت اغلى من نفسها اكون مثل أي احد؟؟؟ بس انا استاهل توني افكر فيها.. توني احبها.. ياربي وش الحل.. انا الحين احبها.. وهي ما تحبني..شنو نلعب توم جيري احنا؟؟؟ * * * ومن جهه ثانيه في بيت عم حنان.. حنان تصيح من شدة الالم ..بضرب عمها لها..كانت في غرفتها تصيح ..بس طلعت للصاله عشان ما تحس فيها رازن.. وهي تصيح بالصاله دخل عليها راكان ولد عمها.. محمد عنده ولدين وبنت راكان عمره...23 سنه ريان...17 سنه يارا....12 سنه ركان طيب وحنون والكل يحبه وفوق كل هذا كل ملك جمال.. العايله راكان:حنان وش فيك؟؟ حنان ساكته ما ترد بس تصيح ولما سالها راكان قامت تصيح بشهاق راكان: قولي لي يابنت عمي وش فيك يمكن اقدر اساعدك حنانوهي تمسح دموعها: تقدر ترجع لي امي وابوي اللي ماتوا تقدر تحقق امنيتي في الطب.. تقدر ترجع لي سامر اللي راح عني في غمضه عين راكان:امك وابوك راحوا اللي يرحمهم ومحد يقدر يرجع شخص مات .. وامنيه الطب يعني يا حنان اذا ما دخلتي طب بتتوقف الدنيا الدنيا ماشيه..لا تفوتين لحظه منها في حزن حنان:بس هاذي امنيه امي وابوي ليش يحرمني منها.. راكان:حنان اول شي لا تصيحين عشان اعرف اتكلم معك.. ممكن(ويبتسم لها) حنان:ممكن راكان:حنان مو انتي بس متعذبه من ابوي حتى انا وهذا وانا ولده.. تدرين كانت امنيتي اكون طيار..بس ابوي رفض بحجة انه خايف علي..ما وقف طموحي هنا وقلبت الدنيا ..شوفيني دخلت هندسه وانا الحين في احسن حال حنان:طيب هو ليش قاسي,, طب وحرمني وجوالي وسكره ..وفوق كل هذا,,طقني ليش ما يحس// ما عنده قلب,,(وبدت تصيح مره ثانيه") راكان:وش قلنا دموعك هاذي ما ابيها تنزل حنان:والله والله غصب عني..؟ راكان:اذا على الجوال بشتري لك جوال ثاني حنان:شكرا ما تقصر.. مو محتاجه له دام انه بيتجسس علي راكان:جوالي تحت امرك من تبين تدقين عليه.ويمد لها الجوال..كلمي على كيفك الجوال وصاحب الجوال تحت امرك حنان:وهي تاخذ عادي اكلم صديقاتي بس ثنتين راكان:كلمي اللي تبين واذا خلصتي جيبيه لي بغرفتي حنان:اخاف عمي يشوفني؟؟ راكان:ادخلي غرفتك وكلمي.. حنان:لا اخاف خلها بعدين وتعطيه الجوال..اذا راح للدوام متى يروح اهو بالعاده؟؟ راكان وهو يناظر ساعته: الساعه 7 الصبح حنان:اوكي انا بروح غرفتي قبل يروح.. تصبح على خير * * * * في الرياض.. بعد ما رجعوا منال من مكه وما طولوا فيها رجعوا بعد غلا سفرت غلا للشرقيه بيوم منال: يازين بيتنا منار: صدق الواحد ماله الا بيته منال: من جد منار: انا بروح اخذ لي شور اذا سالت امي عني قولي لها اني اخذ شور منال: وش تبي فيك تسال؟؟صدق ماخذه بنفسك مقلب.. منار: انا الكبيره.. بعدين ما تقولين ما امدا جينا من السفر تدخلين النت منال: ما اقدر ابعد عنه..هذا عالمي منار: بسم الله عليك منال: شوفي 22 رساله على الخاص شفتي وش قد مهمه مو انتي منار: اقول اخذ شوري احسن وانتي خليك مع النت هذا وترى سمعت امي تقول في عزيمه في بنت خالي سعد منال: متى؟؟ منار: اليوم ان شاء الله منال: اجل ما يمديني اسوي شي منار: قومي من النت ويمديك * * * * في الشرقيه الساعه 12 الظهر الكل قام باستثنا غلا اللي ما نامت الا عشر الصبح لبنى:لا تقولون اليوم بعد في الشاليه بنجلس الجده: اللي يسمعك يقول لك هنا شهر .. امس جايه ما امدا تملين سهى: نبي نطلع اليوم تكفون ام فواز: احد عنده البحر ويطلع مشاري: خلينا البحر لكم لبنى: اشبعوا فيه وليد: ليش لبنى معصبه. وين تبين تروحين لبنى: خاطري اروح مجمع الراشد شوق: وش اخباري يالقديمه الناس تطورو فيه مجمع الظهران مول والشاطئ مول وانتي للحين على الراشد استحي بس لبنى: والله كيفي وش عليك انتي وليد:ابشري ما طلبتي شي نوديك لبنى: ياربي جعلني ما افقدك وتلتفت على امها, ياليت عندي اخو مثله اااااااه بس محمد: ليش ان شاء الله ما عجبناك... والا ماملينا عينك لبنى: يمه منكم كلتوني بقشوري شوق: احسن اجل فيه احد يتكلم عن اخوانه كذا الجده: لبنى قومي افرشي الفرشه(بساط)بره بجلس لبنى: يمي والباقين ما ملو عينك. وبعدين في احد يطلع بهالشمس.. مشاري: يمكن اقصد امي تتشمس وليد:هههههههههههه.. حلوه منك بس لا تعيدها الجده:وش تقولن انتم..وانتي قومي افرشي الفرشه وبلا حكي فاضي لبنى: قولي تبين تفتكين مني..انا البنت الضعيفه اقوم وهالكبار فواز ووليد ليش جالسين لا يكون هم البنت وانا الولد فواز: زين فهمتي قومي يالله لبنى معصبه: محد كلمك انت.. عبير: لبنى اعقلي وانا امك مشاري: ترى هذا فواز مو وليد تمزحين معه وليد:يعني وليد عادي تستهبل عليه لبنى: يلوموني فيك سهى: اقول استحي عيب لبنى: يا شين اللي يغارون(وراحت) ابرار بتموت من القهر والغيره من لبنى ودها تذبحها بالذات لما تشوف وليد يستهبل معها وكانه عاجبه الوضع وطلعوا برا في الشمس الحارقه بس ما قدروا يستحملون الحر والرطوبه ودخلوا يتغدون داخل بعد الغداء وليد: لبنى انا بروح اخذ شور شوفي من بيروح معنا لبنى: ابشر,, ويالله نعيما مقدما وليد: الله ينعم عليك ابرار في نفسها:ليش هذا كل شي لبنى لبنى..كانها السكرتيره حقته..لا يكون يحبها الولد......؟؟؟ لبنى:نحن هنااااااااا.ابرااااااااااااااااااااار ابرار:هاه نعم وش تبين؟؟ لبنى:اللي ماخذ عقلك يتهنى به..بتروحين معنا ابرار:لا ...تهني فيه انتي وقامت لبنى:تعالي وش اللي اتهنى فيه شوق: وش مسويه لها انتي؟؟ لبنى: والله ما سويت لها شي سهى: عادي اذا عصبت تعصب على الكل حتى من نفسها لبنى: وانتم بعد قولوا لا ساره: ايه انا لا..فيني النوم بنوم لبنى: الحمد الله والشكر عاد انتي كل شي نوم متعاقده معها شكلك اللابد والكل يضحك عليها * * * في مكه فيصل:متى طيارتنا؟؟ امل:اليوم الظهر ان شاء الله..و راك شكلك ماليت.. فيصل:ايه مليت لحالي هنا عهود: عشان غلا ومشاري راحوا امل:ايه والله كانوا مسوين حركه فيصل: والله لهم فقده فيصل كان متحمس يروح للرياض عشان يلكم فارس بعد ما اخذ رقمه من جوال غلا يوم كانوا في المطار..((تذكرون)) * * * في الشرقيه وتحديدا السياره وليد:كلكم راكبين لبنى:ايه كلنا يالله حرك وليد:شكلك ناقصين ما فيه روس كثيره مشاري:ههههههههههههههههههه::: حلوه ما فيه روس محمد: تعرف البنات روسهم كبار شوق: عيب عليك انت وياها سهى:ساره وغلا نايمين وابرار ما تبي وليد:ليش وش فيها ما تبي لبنى:معصبه وليد:من وشو؟؟؟ لبنى:عادي من نفسها وليد:انا بروح اجيب بوكي نسيته لبنى:عشان الايس كريم عليك لا تنسى ومشى وليد ولا رد عليها والجده وحريم عايلها جالسين برا الجده: وراكم ما حتوا؟؟ وليد:لا نسيت بوكي بجيبه ودخل وليد الصاله؟.. ولقى ابرار؟؟ وليد:ابرار ليش ما رحتي معنا ابرار ردت عليه بكل جراء؟؟؟ * * * * * وش تتوقعون ترد ابرار على وليد؟؟ تتوقعون يصير شي جديد مع شوق وصالح فيصل وش قرر يسوي مع فارس عشان يحل اللي بين غلا وفارس وهل بيكون شي جديد مع غلا مع فواز تركي صدق يحب غلا؟؟؟ |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~
|
شبكة هيبة ملك -
الأرشيف -
|
العرض المتطور