اكتب اسم الشاعر واللي بعدك يكتب قصيده او بيت له......

هذي قصيده من قصايد
فيصل العدواني

//
جعل مالك والي ياقلب عادك ترتجيه ..
............عاد لك هقوة وتدري فيه ما والله بتايب

كل جرحً هز نبضك كان من فعلة يديه ..
............وش لك تدور عذابك ماشبعت من الطلايب

خابرك ياقلب جازم لكن الليلة سفيه ..
............دام تبحث للغدر أعذار ولطعونه سبايب

مسألتنا واضحة ماهي بعازه للنبيه ..
............من زرع في بذر خايب الحصيل يكون خايب

يعني من باعك تبيعه ولا تفكر تشتريه ..
............وجعل عشقه ينثني ويطير مع ذر الهبايب

استمع مره كلامي والعوض باللي تبيه
............الله يجيبه ويبرى جرح ملعون الصلايب

يمكن الله يعوضك في واحدن ماله شبيه
............واحدن شوفته تغني وتختصر كل الحبايب

واحدن لا جيت يمه السعاده بحاجبيه
............لاطرق وابتسم لك تدري ان الحظ طايب
البشاشة فيه ميزة من نعومه اظفريه
............والحلا وش اقول واترك بوصفه ولانيب جايب
مبسمه جمرة شقاوي الدهر ضيق عليه
............جرمن اقصى الزقار مزه تطفي اللهايب
لاحكى تسكت وتسهى ملتهي بغمازتيه
............وان سكت ودك تكلم بس صعبه وانت ذايب
ولا التفت واسبل عيونه ثم داعب شفتيه
............لو يقول البحر رايب قلت فعلا حيل رايب
فتنة جمله ربي بكل شيء يحتويه
............معجزة بالزين وطبوعه تعدته الشوايب
كل ماقلت انتهيته شفت نفسك تبتديه
............العجايب سبع بالدنيا وهو لوحده عجايب
من خلقه الله وغطوا حاجبينه والديه
............خافوا عيون الحسود تعاقبه والكل هايب
الحضيض اللي قضب يمناه وجود راحتيه
............مايحسب العمر دونه بأوله او كان شايب
جعل كلي فدوتن له وكل كلي يفتديه
............ان خاذني بالطيب بصره او بغاها بالغصايب
وانت ياقلبي تركد ماخبرت انك سفيه
............ومن يبيعك لاتوده وان حلف ماهو بتايب

اختار الشاعر (سالم سيار )

،’


قصيده ليه/.. لـ سآلم سيآر "

ليــه..؟؟!!
هذا هو اللي تبيه..اني ارحل من حياتك..
واشعل عيوني بـ ليه..!
بس خلاص..!!
هذا هو اللي قدرته وقدرك ربي عليه...؟
بذمتك هذا كلام ..؟
اني ارجع من جديد ..
ارجع افرش كل تعب عمري وانام..
زين لحظه.. لسألوني الناس وينك..؟
وان دروا ضحكه عيونك عن عيوني فارقت..
سافرت ردت لعينك.. بذمتك وش اقول..!!
قول..قول..
قول قول الله يخرب بيت بيتك.!
توني يادوبي بديت ..بعت عمري واشتريتك..
خطوه ..خطوه...واشتريتك
توني باطراف البدايه!
مدري وشلون انتهيت..
ياأخي حسّ ..والله عيب إللي تبيه..
إني ارحل من حياتك وأشعل عيوني بـ ليه..
لا جبينك شمس واحساسك مطر..
لاعيونك شوق وشعورك دفا..
جبت لك بإيدي ابتسامات العمر ..
ليه تكسرها على اطراف الشفا...
شوف.. شوف بعثرني احتياجي بالنظر..
شوف وجهي إمتلا منك بـ أفا ..!!
ما تجي منك ولكن يابشر:
منت اول من طعني بالجفا..
إبركتهن كل جروحي بالسهر..
ولا افكر من ورا قلبك شفا..
ولّ ياقلبك ما يجيب الا القهر ..
ولّ ياعمرك ماعرف طعم الوفا..
وإلا انا مثل النهر ابقى نهر..
من تحوسه ..ترجع تشوفه صفا..
فيني والله احساس لامنه ظهر..
يشعل ضلوعك اذا قلبك طغا..
هذا هو اللي تبيه ..؟ وهذا هو اللي قدرته؟؟
وقدرك ربي عليه ..بذمتك هذا كلام ..؟
اني ارجع من جديد..
ارجع افرش كل تعب عمري وانام..!!
وين اروح....؟!
شلون اجيب لقلبي المجروح روح !
هذا هو اللي تبيه.


/

أختآر آلشــآعر /.. يآسر آلتويجريَ ~

للشاعر ياسر التويجري : (( ليلة عريس ))



أستريحي كنك المفروض في ليلـة عريـس
وأستغلّّي مـدة الديـان فـي وقـت الفلَـس

لاتعيديـن الخطايـا لاتحمـيّـن الوطـيـس
وأنتِ أدرى في طلوعك قبل دقـات الجـرس

ماابيك بدور ليلى لو عشقتـك عشـق قيـس
بس خلينـي أشوفـك ليـن ماآخـذ نفـس

أفرجي عنـي بعطفـك لا تخلينـي حبيـس
وأحبسيني وسط قلبك وأسطري عندي حرس

مابذلت أغلى اجتهادي .. كل جهدي بالنفيس
وماغرست الشوق فيني أنتِ اول من غـرس

ماعشقتك من غرور وعارفٍ درب الحويـس
الرجل لا رز خشمه غمض العيـن وعطـس

ماعشقتك عشق فارس يهتوي مهرة عويـس
عاشقك خيلٍ اصيل يموت في ذيـك الفـرس

خلي العذال تـدرع مـن قهرهـا بالحميـس
وأتركيهم خلف ظهـرك وأستهلـي بالدبـس

وإن حسبتي لي حساب وعدت للمنصب رئيس
بأخبرك بأني عشقتك بس مـن زود الونـس

قاهرتني في جراءة عين وطلـوع الخميـس
لين سويت التحدي بين عشقك .. والطفـس

وأحمد الله من كسبتـك ماكسبـت إلا لميـس
بنت لاسلطن دلعها خلـت الشاعـر خـرَس

لويعرف إبليس بأنه لاطـرى نلعـن إبليـس
كان لاشفتـه بدربـي دق لطمـه وإنتكـس

وأنتِ أدرى في علومي والغلا لك يا.. لميـس
وفوق هـذا لا لمحتـك دق قلبـك وإنكبـس

علمونا نخاف فطره من نياشيـن البوليـس
بس وشلون نتعلم ناكل التمـر بعبـس ..!!؟


أختار الشاعررر >> سعد علووش

قصيدة تعال خذني

ياوي النعاس لعين من يرغب بإيواء النعاس
وأنا مجلوي كل نعسة عين مع إني.. سدْر

العقل نعمه لكن احياناً يسبب انتكاس
يشوّقك إن العقول الحين.. ما قلّ و ندر

أنا أفكر كيف ازيل المنحدر من الاساس
والأغبيا لاهين في لذة صعود المنحدر

تعبت لاني من هل الطولات صعبين المراس
اللي يحبون الوفا ولا يحبون الغدر

تعال.. يابن آخي الغلا.. ياهوه.. يا عالم.. يا ناس
يافكر(ابن جدلان)يا تركيبتين من (البدر)

يا معضلة تمشي على رجلين ياالعشر الحواس
يا شاطبٍ من ذاكرة تاريخي الوجه الودر

يا مطلع أهداف أجمل الغيد إلى (رمية تماس)
يا مهدّف بقلبي ثمان اهداف من حب وقدر

تعال اخذني من يدين الهم ووجيه العماس
شوف العرب ضيقة صدر ومشاهدك وسعة صدر


الشاعر احمد شوقي

ترا مالي بالشعر

خدعوها




خَـدَعوهــــــــا بـقـولـهم حَــسْـنــاءُ


والغَواني يَغُـرٌهُــــــــنَّ الــثَّــــــــنـاءُ


أَتـراهــا تـنـاسـت اسـمي لمــــــا


كثرت في غـرامـها الاسْمــــــــــاءُ


إن رَأَْتْنِي تميـلُ عـنـي ، كـــأن لم


تك بـيــني وبيـنهـا اشْــــــــــيـــاءُ


نـظـرة ، فابـتـسامـة ، فـســــلامُ


فكلام ، فموعــد ، فـَلـِـــــــــــقــاءَ


يـــوم كنا ولا تســـــل كيف كـنـــا


نـتهادى من الـهـوى مـا نشــــــاءُ


وعلينــا من العفـــــــــاف رقـيــــبُ


تــعـبـت في مـراسه الاهْــــــــواءُ


جَاذَبَتْني ثَوبي العَصـيِّ وقــالَـــتْ


أنتــم النــاس أيهــا الشـــــــعـراء


فَاتّقوا اللـه في قُلـــوبِ اَلْـعَـــذَارَى


فالعـذارى قـُلوبـُهـُن هَـــــــــــــــواءُ





اختار الشاعر : الفراعنه عذرآ مابعرف اسمه