من تحت لي تحت ...

لو تعرف الخطايا كيف كنت محروم
كان سود الليالي يوم طحت سمحت
لو هموم المفارق مثل كل الهموم
ما تشوفون عيني بالدموع سبحت
و لو تحن المشاكل عقب حب الخشوم
كان حبيت خشم المشكله و استحت
بين صدة عزيز وكبرياء مهزوم
عين شحت على و عينٍ استسمحت
بس مالله خلقني من بكاي معصوم
و ادري انه المحاجر لو تفيض افضحت
و الله اني على جرحي صبور و كتوم
لكن ان الدموع ان روحت روحت
اعذلتني ظروفي و انهكتني عزوم
و الوجيه احزنت لي و القلوب افرحت
اشهد ان الليالي ماتعرف السلوم
قلب جافي لقاه و وجه صافي بحت
راهنتني تبلل بالدموع الكموم
و يشهد الله عليها راهنت و اربحت
احرمت نور عيني من غلا ريم قوم
بذرةٍ و ارتوتني و اثمرت و اطرحت
جادلٍ دوم ماهي مثلها كل يوم
استضاحت غموض و بالغموض اوضحت
دورت بين قلبي و الهدب درب نوم
و امرحت وين مدري المهم امرحت
تنحت اسمي بقلبٍ جيت فيه معزوم
و اسمها بين جلدي و العظام انحت
مثل جفني لعيني بالنعاس محكوم
كل مانمت نامت كل ماصحى صحت
ما تعارض كلامي غير عند اللزوم
بس لا قمت اسولف و اندمجت سرحت
دايم ازعل عليها بس قلبي رحوم
و هي تموت بعذابي من تحت لي تحت
مثل وجه العلاقه في ثياب الخصوم
ان تطيبت طابت وان جرحت اجرحت


تحياتي لكم ...

و لو تحن المشاكل عقب حب الخشوم كان حبيت خشم المشكله و استحت

رآآآيق ياخوي .. ما شاء الله عليك

ذائقتك جميله

يعطيك العافيه و بانتظار جديدك ..

تسلم ايدك مررهـ روعهـ
والله يعطيك العافيه
لروحك الجوري

o s a m a ... شهـــــــد
منوررين وربي اسعتوني بمرووكم
لاعدمتكم ..
يافيكم ربي من كل شرر
تحياتي لكم ..
عشتوو ودمتوو

صـح لسسسـآنكـ ططويـل العمر ..

قصصيـده طيبــه .. ولاهنــت .. ّ