صدى الصوره

.







أشرعت للذكرى الشبابيك ، عيت لا تمر
وعيوني إللي أجهضت دمع ، عآنت احتضآر



سلمّ على قلب الأحآسيس ياللي اسمك صبر
دامك خيآر إللي بلا ذنب ، مآ عنده خيآر


بين البحر يآ دلّة الشوق و ديآرك، جسر
مآ هو عمآر ، إلا من الهجر عَمّره الدمآر


عمر الخطآوي نحسبه كيف ؟ والخطوه عمر
وأغلب دروبي تآيهة بِـ ليل مآ يعرفْ نهآر !


إشتاق لي من بد الهموم ، طآريك، وعبر
مآ جآب لي منـّك صدى صوت ، او ذرة غبآر

مثل الغصون إللي للأشجار حمَآلة ثمر
عيني طفل ، مآ يٍحمل ألعآب ، غير الانتظار



مع بعض كآنوا دعآويك ، والدرب الخضر
ومن يومها لليوم والدرب ضد الاخضرار

من يومهآ يَآ جُود الأيآم ، أضنآنآ الفَقِر
وإذا بردنآ نلتحف خوف و نضم الجدار


حضن الغريب يشابه الحضن ، لاكنه قبر !
كنه سفر في ليل تشريـن .. فإزعاج القطار


رمآدنا و أشلاء الورود و عذوق التمر
والمزرعه و الشمس والطير وجنون القرار


وأحلامنآ إللي ثوبهآ كآن مآيل للزهر
وهمومنآ إللي لوّها كبآر ، نشعرهآ صغآر


وعنادنآ مع ريحة الشاي، و أشياء الشعر
وكفوفنآ إللي تكره الصمت وتجيد الحوار


فيهم حكي ، فيهم تنآهيد ، والدنيآ مطر
يرسم على شباك المحآل ، كلمة : اعتذار