يوميــات مواطــن جوع ــان..!!

[ 16 ] ..
:

" السادس عشر " هجري
وميلادي ..
شهر تسعه
من هذي ( السنة )

الشوارع شي غريب
ذاك يبحث عن حبيب
وهذا ماله خلق يمشي
" العقل " عنَّه يغيب !

" السادس عشر " هجري
وميلادي ..شهر تسعه
سنة ( 2009 )

لا تكلِّم .. أي أحد
حتَّى , لا تسلِّم بعد
ناس زحمة بلا عدد
منظر الشارع كئيب !

" السادس عشر " هجري
وميلادي ..
شهر تسعه
سنة ( 2009 )

ثارت أعصاب الشوارع
لا تسولف .. لا تطالع
إنتهى , وقت التواضع
[ التكبِّر ] .. له نصيب !

" السادس عشر " هجري
وميلادي ..
شهر تسعه
سنة ( 2009 )

:

[ 17 ] ..


:



( مو قهر ) ..؟

لما أزرع طيب بـ عيون البشر
وما ألاقي ناتج أخلاقي " شكر "
كل عيون الناس نامت
وآنا عيني بس هامت
بـ " السهر "


( مو قهر ) ..؟

لا صار ما عندي [ مَفَر ]
يا أتم صاحي مع جراحي
وأعتب عـ النظر
وإلا ..
أحسب حاصل أرباحي
ويطلع الناتج " صفر " ..!


( مو قهر ) ..؟

إن كنت جالس أنتظر
يا يجي أو ما يجي
ما يجي ويمكن يجي
والصبر وين الصبر
وأعتبر إنَّه " مسافر "
ضاع في زحمة سفر !


( مو قهر ) ..؟

من بداية .. أوَّل أيام رمضان
كنت أتمنى يمر وكنت أحتريه
لأنه قلبي يُعتبر " فاقد حنان "
وحضرته لاهي ..!
وأنا مشغول فيه
كل هذا صار فـ السابع عشر ..!

:

:

[ 18 ] ..
:


الحكي من فضَّه لو تسألني ليش
لأنه يبقى من ذهب هذا السكوت

إن خذاني الموت ما ودِّي تشيش
وما أبي تبكي على موتي بصوت

يعني لمَّا تبكي راح أرجع أعيش ؟
ما أبي الدمعه .. على خدِّك تفوت

صير عاقل حتى لو فكرك يطيش
دعوتك , تبني لي بـ الجنه بيوت

ما يموت .. إلا الذي ودِّك يعيش
وما يعيش إلا الذي , ودِّك يموت

:

[ 19 ] ..
:

الموت حقٍ ,, والمفارق ,, بعد حق
ما دام مخلوقٍ .. إلى ( قلب ) مخلوق

تتعَدَّد الأسباب و العشق هو : عشق
واحد سرق له قلب , والثاني مسروق

القلب .. واقف في فراقك , ولا دق
وآخر كلامه قال : " ميِّت من الشوق "

وينك ..؟
تعال وشوف في عينك الفرق
وجهي , من غيابك ترى حيل مصفوق

على القليله مرِّني , بـ سرعة البرق
من فتره لـ فتره ( تجيني ) من الذوق

أشواقي تحرقني , لا يا سبَّة الحرق
كل يوم تبعِد تصعَد " النار " لي فوق !

:

[ 20 ] ..
:

تبين الحين ..
بعد هذا الفراق أرجع ؟
تبين أسمع ؟
وأنا صوتك نسيته من غياب سنين !
أنا من عشت لي قلبين
أنا شخصين ..
وحبيبك قلبي الأول , ولكن مات!
من أسبابك
وأنا في قلبي الثاني
أعيش بـ دنيتي تدرين ؟

أنا لو كان في إيدي أسامح
- كان
[ سامحتك ] ..
وذكَّرتك بـ غلطاتك
ولكن ..
" صج " .. ما أذكر
ولاني قادر ,,, أتذكَّر
أقول أحسن ترى تنسين
وعيشي مثل ما كنتي
إذاااا إنتي هذيك إنتي
وطلبتك لا تقولي وين
كفايه إحراج
وجودك واقفه بدربي
زعجني ..
وما أحب لـ إزعاج
دخيلك بس أبي تمشين

أنا يا .. بنت
ما أنسى ولا أقسى وتقولي : إنت !
أخاف مضيَّعه فيني
أنا مرتاح شوفيني
وتقولي : إبتسم لا هنت !
وسامحني أبي أرجع !
حسافه الحين ما ينفع
لأني كنت ..
أحب وحده مثل زولك
مثل لونك , مثل طولك
وهي خانت أنا ما خنت
ترى بعض المواقف دين

:

: