[ الأسرآر ]فهد المسآعد{..قصأئد _مكتوبه..}

★

..{ العـذر }..




يعني كـذا يـا أم الوفـا والمحبـه
كـذا المحبـة والوفـاء ياوفـيـه
أغيـب عنـك أيـام ولا أتنـبّـه
إلا وانـا أشوفـك زعلتـي عليـه
وش زعلك ؟ وش هز قلبك وشبه ؟
يعني عشاني غبت صارت قضيه !
ياام القوام اللي مـن أدنـاه هبـه
يميـل كـن الخيـزران أدمـيـه
وأم الجديل اللي من يخـاف ربـه
يذكـر عليـه الله ويذكـر نبـيـه
إن كنت مخطـي فالخطـا مايجبـه
إلا العذر وانـا اعتـرف بالخطيـه
وهذي بعد من فوق الأعذار حبـه
لا تزعلـيـن الله يخلـيـك لـيـا

★

..{ آخر دروبـــي }..





يا بشر تكفـون حلّـو عـن سمايـه
ما يصيب الهرج لو الهـرج صوبـي

كـم سكـت لكـم بمـا فيـه الكفايـة
اشتموني لو زعلتـوا واشمتـوا بـي


عيبونـي واتركونـي فـي عمـايـه
واتركوا لي واحـد يرضـى عيوبـي


اتركـوا لـي واحـد يمسـح شقايـه
كل ما حـط الزمـن دوبـه و دوبـي


ذاك والله لـو ذكـرت انـه ورايــه
اشعر إن الكـون كلـه وسـط ثوبـي


يكفـي انـه لـو يسولـف للمرايـه
كن صوته يهمس لـ صورتـه.. ذوبـي


كيف أنا مـا أذوب مـا دامـه معايـه
اسمعه و أسهر معـه لآخـر دروبـي


كل مـا قـال السهـر درب الغوايـة
قلت كلـه مـن عيونـك هبّلـوا بـي


وكل ما قـال الخطـا ماهـو خطايـه
قلت له قـل للعيـون السـود توبـي


ضيعتـنـي واســأل الله الهـدايـة
وين أجيب العقل.. أجيبه من جيوبـي


من يعرفـك مـا يـدل العقـل رايـة
يا شروق العمر.. مدري يـا غروبـي


أذكر انك كنـت لـي مثـل الهوايـة
لو تروح ولو تجـي يبقـى شحوبـي


بس مدري كيف صرت اليـوم غايـة
وصرت أجي و أروح مدري عن دروبي


يـا بعـد عمـر الكتابـة و القـرايـة
يا الشمالـي يابـو الملـح الجنوبـي


لا قريـت اللـي كتبتـه يـا رجايـه
رح وبلغ ربعـي اللـي جننـوا بـي


قلهـم يمكـن يخـلـون الوشـايـة
و إن تمادوا خلهم مهمـا حكـوا بـي


أنت خلك بـس فـي الدنيـا عزايـه
لا تفكر في العـواذل وأنـت صوبـي


ادري إن كـل درب ولــه نهـايـة
بس أنا باقـي معـك لآخـر دروبـي