اكلات رمضان

واااو أبو الحركااات ,كيف ما شفت ذاالموضوع !
تسلم ديات كل البنات , >يعطيكم العافية ,
ويسلم موخك وكلك سينو ,نستنى فطورك ,

:
ودا السينبون تبعي :>الفلاش قوي مو مطلعها زينة

بس يمي لزيز

الطريقة :
خليط 1/
3 كاسات دقيق
3 ملاعق حليب بودرة
ملعقة بيكنج بودر
خليط2/
ملعقة خميرة
فنجان سكر مطحون
رشة ملح
+ كاسة شاي : مويه
حركيهم كويس وغطيهم لمدة خمسا دقايق
خليط3/
بيضة +مقدار كاسة شاي : زيت زيتون
:
ذحين ضيفي الخليط 2+3 على الخليط 1
واعجنيهم كويس وضيفي المويه بحسب الحاجه الين ما تتماسك وتسير لزجه شوية
قبل تغطي العجينه حطي عالجوانب دقيق وكمان ارفعيها وحطي تحتها ,لأنها حتنتفخ
اكثر من الضعف تقريبًا + لا تنسي الزبدية/السلطانية ,تكون عميقه يعني كبيره ,
غطيها لمدة ساعة إلى ساعتين ,
سيبها على جنب وتعالي نسوي الحشوة
اطحني اعواد قرفه(مقدار 3 ملاعق مطحونه) +3 ملاعق سكر مطحون
+ملعقة نسكافه اذا حابه
كمان على جنب وتعالي نسوي الصوص
الأبيض :
علبة حليب نستلة +4 حبات جبنة كيري>ممكن تستخدمي جبنة مراعي المثلثات عادي
التشوكلت:
علبة حليب نستلة الكبيره +ملعقتين كبيرة كاكاو بودرة طبعًا +ملعقتين نسكافة
:
نرجع للعجينة بعد ما تتخمر , ونفرش سفرتنا على طاولة الفرد ونرش الدقيق
ونفردها بالطول ,يعني مو زي الكورسون نخلي العجينة دائرية ,لا خليها مستطيله
>يارتني مصورتها كان أسهل
المهم انو افرديها بحيث انك تلفيها /تطويها بالعرض , خليها طبقة رقيقه وانتي تفرديها
بالفراده/نشابة ,
لأنها حتنتفخ بالفرن ,
ذوبي اصباع زبدة ووزعي ملعقة منها عالعجينة , وبعدها رشي الحشوه >اللي هيا القرفة
وذحين لفيها , وبعدين قطعيها زي الحلقات ,في طريقة بالخيط اذا تبغيها مرتبة الدوائر
بس صعب اشرحها
المهم بعدين نوميها بالصينيه المدهونة بالزيت ,>يعني تكون مفروده مو تحطيها زي ما قطعتيها
وبس بالفرن تقريبًا 20دقيقه تحت و10 فوق, وبعد ما اطلعيها صوبي عليها الصوص الأبيض
وبعدو التشوكلت , وبالعافيه
+ ياريتني مسويتها مع التصوير قبل اتحمس و أرد هههههههههههههههههه

تسلم دياتك سينو عالفرصة الخطيرة , وترا للأمانة اتعلمت الطريقة من بنية بالنت قبل
ثلاثا سنوات وكانت كاتبة ما احلل ينقل الا بذكر المصدر وانا ما نقلت بالحرف اصلا مغيره
بالمقادير شوية مع كل مره اسوي أغير بشي بالذات الصوص ما كان بطريقتها
عاد المهم عشان مافحالي ذنوب بس ,ترا ميمي مدري جيجي تقول انو سينبون عمتها ,