مرثية للشاعر : طلال العبدالله الرشيد(العطيب) في الفقيد طلال العبدالعزيز الرشيد

بسم الله الرحمن الرحيم



السلام عليكم ورحمه الله وبركاته جايبلكم قصيده اتمنى ان تعجبكم وفيها من العاطفه الكثير



واليكم القصيده :

يعني ماكفوك مليـون الشهيد

..................... تاخذين أغلى الحبايب يالجزائـر

مالقيتي غيـر أطيـب الرشيـد

.....................لو مااخاف الله لاقول الحكم جاير

الله اللـي كاتـب وحنـا عبيـد

......................ذا قضى رب المساجد والمنايـر

الزمن لو طـال مثلـه مايجيـد

......................فقد ابو نواف هي ام الخسايـر

مدرستنا في المراجل والقصيـد

.......................طي بالموقف الي دارت دوايـر

لابكـى ينفـع ولاشكـوى تفيـد

......................... .مابيدنا شـي لـو الـدم فايـر

مابيدنا غير نصفـق ايـد بيـد

........................و من تكلم عنه تخنقنـا العبايـر

مابقى فينا على الشـدة شديـد

......................اللهب بين الضلوع وفي الضماير

كيف نفرح عقبـه بعـام جديـد

......................... لاهلا ولا مسهلا بواحـد ينايـر

يالله انك تحسبه عنـدك شهيـد

.......................من توفي غدر في بر الجزايـر

الله يرحمك برحمته يابونواف ويسكنك فسيح جناته




دمتم بود