~*¤ô§ô¤*~اشعار لشاعر محمد السهلي~*¤ô§ô¤*~

السلام عليكم ورحمة الله وبركاتة

تحية عطرة لقلوبكم

اشعار لشاعر محمد السهلي

اتمنى ان تنال اعجابكم


القصيدة الاولى

>>اصعب سؤاال<<

( اصعب سؤال ) اللي جوابه للأسف مثله ( سؤال ) !!

ما هو تفلسف !! الا موقف صار واسمع " ثاني بيت" :


البارحه يومه سأل : ( وش ذكرك ذيك الليال ؟ )

كان الجواب بكل بساطه : ( من متى اصلا نسيت ؟ )



ادري بان جمع ( الصعوبه والبساطه ) شي محال !!

لكنها صارت كذا ! واللي (( اهم )) اني دريت :



ان الحياه فبعد احبابك اذا جف الوصال

اتعيشها لو تقتنع انك خلااص اصبحت ( ميت !!)



يا صاحبي لو كل شي يمر بالخاطر يقال

ما كانت العبره تــــولجني اليامنك طريت ؟!



شفني قدرت احبس دموعي بس ( دمع القاف ) سال

ويا كبرها ساكت ولكن داخل اوراقي بكيت !!



عمر الحكي ما كان دافي لاابتدى بقولة تعال

لجل اتجاهل رجفة حروفي اليا مني حكيت ..



الحال في بعدك قسم بالله ما اسميه حال

انوي على الضحكه واحس كلي خطا لاني نويت ؟!



اتصور انك من رحلت اشوفك لجسمي ظلال

لا شفته امشي ببتعد واثره معي مهما مشيت !!



مدام يعني في بحرك لفرحتي مليون جال

وش فيه موجك ما ركد ؟ قربت اموووت وما رسيت ..



يرضيك ما عادت معي تفرق اذا جالك مجال

لاني اقتنعت انك نهايه واني ببطي ما بديت !!



صرت ( اعقد حجاجي ) اذا جابوك باطراف الجدال

وانا قبل لاقالوا اسمك كني : ميت ثم حييت ..



تعبت اعيش الدور وافتح للمعاذير الخيال

واتخيل اني جيت في بالك وبانك استحيت ..



وتردلي كلك (( ولــه )) وتقول : ( كن البعد طال ؟ )

ومن الفرح ما عاتبك واقول : ( ياخي مابغيت ! )



حتى وانا تخيل حشمتك ! لن قلبي لا يزال

يكرر اسمك داخل اعماقي بنبضه لا سهيت ..



قلي شسوي فيك ؟ وانت بداخلي اصدق مثال

للحب واحساس القصيد ان عانق الليل وسريت ..



ربي يصبرني على الفرقا مدام الحظ مال

وانت بيجيلك يوم تعرف ليه في بعدك شكيت ..



واذا بلاك الله وعذبك اشتياقك (( بس تعال ))

واقرى القصايد في غيابك كلبوها بيـــت ... بيـــت ..


بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )

\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/










القصيدة الثانية

غمازتين <<

أي والله ضايق ومرهق ومخنوق وحزين
وإما بموت من الوله وإلا بموت من القهر


واللي لعب في حسبة أيامي وخلاها سنين
إني على ذا الحال ياشعري لي اكثر من شهر

بعت المدينه لاجل عين!وقالوا:الخافي يبين
ودفتنك بجوفي!وقالوا:وش بقابك ماظهر؟

يامطول الغيبه ياطول الشوق مير الله يعين
العاشق اللي عاش بين عدّك والنهر

عيّد بي غيابك سنه والليله من العايدين
ولاعاد عيدك يالجروح اللي بقلبي من دهر

ياصاحبي لو تعتذر عن غيبتك عذرك سمين
حبك بعد ماغبت عن عيني تمادى وازدهر

من يوم شفتك والنعاس بعينك النجلا سجين!
ومن النفس ذاك اليوم وعيوني سجينه للسهر!

علّقتني بالضحكه اللي تسبق الغمازتين
وتركت لي شاعر كتب فيك القصايد واشتهر

سيّلت دمعك واستباح الدمع ستر الياسمين
وعلّمتني كيف الندى يجمّل خدود الزهر!

ليتك عقب ماغبت غيبت اشتياقي والحنين
أو ليتني ماقد دفعت احلام عمري لك مهر


وياصاحبي لاعاد تنشدني عن الحزن الدفين
أقسى الطعون!الطعنه اللي من حبيب وفالظهر


/\/\/\/\/\/\/\/\/\/\/\/\/\/\/

/\/+تحياتي+/\/

وين الردود؟!؟!؟!؟!؟

شاعر مبدع وخاصة قصيدة غمازتين
يسلموو كلي جروحـ عـ ابداعك ونشاطك لاعدمناك

مشــــــــــــــــــــــــــــــــكور آخـــوي موضوعكـ مرهـ روعــــه
انت اخترت شآآآآآآآآعـــر رآقي بأسلوبــــه مبدع

قصيدتــه آصعــب سؤآآل روعـــــــــــــهـ



لكـ ودي وأحترآآآمــــــــي

المشاركة الأصلية كتبت بواسطة O S A M A شاعر مبدع وخاصة قصيدة غمازتين يسلموو كلي جروحـ عـ ابداعك ونشاطك لاعدمناك

مشكور اسامة يسعدني مرورك الجميل