صدى الصوره

من مات محبوبه تجيه الناس وتعزيه
وانا مات الأمل فيني ولاادري من يعزيني..!
/

الحزن/
حالة تجي وتروح من دون صوت !
والفرح /
دايم يجي ويروح في بلبله ،!
‏
بعض البشر / يختنق ويموت بس بسكوت
.......................والبعض حزنه ليا منه حكاه قتله !

//
وش اسوّي لا قسى هالوقت ضدّي ؟
.........ومال حظي .. وقام يتفرعن شقـاي
كيف اصدّ اعصار آلامي .. بيدّي ؟
.........دام مالي صاحبٍ .. يوقـف معـاي
/

حتى يدي .. ماودّهـا تفـارق يديـكـ
ساكت .. وانا اشوف البلا في سكاتـي
ماشفتني لارحت منكـ .. التفـت فيـك
بـلاي والله روحتـي والتفـاتـي

يابوي وينك مالك اليوم شوفــه .. يابوي حالي عقبكم في نــدامـه

دارٍ بلاكم يعلم الله أعـــــوفــــــه .. دار أحس فأرضــها باليتامـــــه

يابوي عيني لأجل عينك شغوفه .. يابوي ولــــدك عايفنّه منـــامــه

يابوي ودي منك اليوم شوفـــه .. نظره تريّح خاطــري وابتســامه

يابوي وقتي امحلنّي صروفـــه.. وأتعب فوادٍ فيه حبـــــك عــلامــه

يابوي حالي ما بتقوى عزومـه .. من غير شوفك ياخويّ الشهامـه

انت عضيدي يوم كلًّ سيــوفــه .. ناخت وأعلن كل شخص انهزامه

يا ناس أنا أفداه وأفدى كفوفــه .. وأعلن لأجل عينه أبيع السلامـــه

ابوي أنا أغليه وأغلي طيوفـــه.. ابوي أنا أمــوت واسـمع كــلامــه

ابوي شعري ما يوفّي وصوفــه .. ابوي أنا عالي على المجد هامــه

ابوي حتى حاتـــمٍ مـــا يلوفـــه .. ذيـــبٍ تربّى عالكــــرم والكرامــه