•• { •• أفــتـ ح قـلـمڲ •• } ••

،



ماني معيّن خير !! تصبح على خيــــــــــــــر
،،،،،،،،،،،،،،،،،،،،، للنوم ، ماخلقت عيون الذيــــابه



أشوف بعيوني غيـــــــــوم التعـــــــــابير
،،،،،،،،،،،،،،،،،،،،، قامت تطشطش بالمعاني سحــــــــابه


صبّت ، وصبّت ، ثم هبّــــت أعاصــــــــــــــير
،،،،،،،،،،،،،،،،،،،، ريح الألم ـ هز القـــلم للكتــــابه


شيٍ يطير ، وشي مـــاوده يـــــــــــــــــطير
،،،،،،،،،،،،،،،،،،، صار الورق عقــــب الســـكينه خرابه



حاولت أرمي هالزعل ، وامتلا البــــــــــير
،،،،،،،،،،،،،،،،،،، وبعض الزعل أحيان مـــــــا ينحكـابه



حاولت أدور للخطـــــــايا معـــــاذيـــر
،،،،،،،،،،،،،،،،، وكل مافتحت الجرح ... يكــــبر صوابــه



لا منعميت .. وقلتها : دون تفـــــــــــكير
،،،،،،،،،،،،،،،،،،، الكلمه اللي قلــتها .... قلتــــــهابه




شخصٍ بعيني غير كل الــــــبشر غــــــــــير
،،،،،،،،،،،،،،،،،، دون الصداقه كان دم وقـــــــــــرابـــه


ماعاد له حشـــــــــمه ، وقيمه ، وتقدير
،،،،،،،،،،،،،،،،،، من يوم كثّ بوســـــــــــط عيني ترابـــه



شيصير يعني ؟؟ لو يقولـــــــــون شيصــير
،،،،،،،،،،،،،،،،، ماهمني والله ( نبـــــــــــــح الكلابــــه)




هي ثقّــــــــلت على النخل وقفة الطير ؟؟
،،،،،،،،،،،،،،،،،، نفس السؤال الصعب يمـــــــــــكن جوابه




شيبان يومٍ طـــــش سيفه على الزيــــــر
،،،،،،،،،،،،،،،،،، بالسيف نفسه سالم الزيــــــــر جــــابه



ماظن باقي عقـــب هذي تفـــاســـــــــير
،،،،،،،،،،،،،،،،، يعني قـــــــرابه ؟ " يلعن ام" القـــرابه



،

،


من كثر ماعَرْفِك..آحس اني آجهلْك
ياللي سكـوتك حد ذاته ... تِفلسفّ


تدري وش آحسك ..وآنا آتأملْك..؟!
"طفلٍ مُهذّب جالس فـ أول الصف"


تعاال نغفى في وسط "دفتر السلك"
تعاال نسمع ..همسة الرف ..للـرفّ


تعال ننـ(ففف) ـخ "شمعة الهم" ...داخلْك
تعال نعطي "وجه الاحزان" ....كم كَف


تعااال نرسمنا على .."جْدار منْزِلْك"
تعااال نشطبنا من ..."جروووح تنزفّ"


وان كان جيتك ..ذات ليله ..ابسألْك
عن حبل بُعدك : ليه في عِنْقِي إلتّـف ..؟


!اضحك عليّ..وقلّي : (معقووله اقتلْك)
وآنا ابضحك لك..واقول : ايييه صرّف ..


يا(حلم عمري) وانت ..اقبَحْك اجمَلْك
عن عرقلة ركض الأحاسيس بي ..خُف..؟


!وان كان جيت مْن الوله ...{ودي آكلْك}
اصرخ عليّ ..وقلّي : آحبك بعنف ..


،

مدخـــــل :


أحبهآ جداً وجداً وجداً وجداً وجداً وجداً وجداً وجداً وجداً وجداً وجداً وجداً
وجداً وجداً وجداً وجداً وجداً وجداً وجداً وجداً وجداً


أحبسهآ بداخلي كـ الهواء ..وان كانت حيآتي معلّقه بزفره
[OVERLINE]مآزفرته .[/OVERLINE]


يآرب اني آحبها فامنحها من الفرح مايكفيها.






و... ذبل الورد

:

[OVERLINE][mark=#356b6b]ريوـوـوف[/mark][/OVERLINE]

طفله تحسب انّ الهوى لعبة صغآر
تجي تشدّ ضلوع قلبي بـ ايديهآ


تضحك يطيح من السمآ موسم أمطآر
تزعل تخبيّ (الارض)في راحتيهآ


اوقات احس انهآ سلاله من أزهار
واوقات احس العطر منهآ واليهآ


تحكي تصب حروفهآ "باقة أنهار"
تسكت ...يعاتبهآ الكلام ويجيهآ


حتى الوجع فيهآ من بعضه يغآر
اليا شكت جرحٍ .. وقف يحتريهآ


يشبه غلآها بداخلي جيد الاسرار
ياكم ضلوع تنازعت ...بي تبيهآ


تجي تخلي _ الكون_ فوضى واعصآر
ترحل يناديها الآمان _ ... _ ويبيهآ .


طفله يشآبه قلبها ..ضحكة صغار
مرتني بأحلامي ..وخلّت ... يديهآ


//

كم صآر له هالحزن مآخذك مني
شرّد لي اوقاتي ..وبعثر جهآتي
يا_انتِ_ ياللي اسألك دايم عنّي
هو [OVERLINE]مت في يومك[/OVERLINE] وأخفى وفآتي
لاتركنين.. لصمتك ..اللي قتلنّي
معقوله اسأل يوم وش هي غلاتي؟
لاقلت بزعل فجّ قلبي ..ونهـرني
ولايحق لي اسأل بعد عن نجآتي؟
نوّارتي ...روحي ..اللي تغنـيّ
عتاب حرفي غزيرواسمعي الاتي:
حتى ولو هددّ غيآبك ..حسن ظنّي
تبقين انتِ ... في حيآتي / حيآتي





.

مخرـرـرج:



ردي لي بعض صوتي نسيت شلون
أنا/ديني.
اسقيني بعض قوتي ..قبل لآمووت
من حيني.
انا باقي ادورني وآحاول عنك
اواسيني.
واحس اني عليّ كم غبت ولاطيني
اهو طيني.
وأخاف كثير من بعدك أهملني
وأعاديني.
ويبقى بس هذا الجرح متّاك تحن
وتجيني.؟!

فقط لكـِ ياملآئكيه الروح

والله جرحك كبيــــر .. وشال فيني التفكيـــــــر .. !!


كيف أبدأ .. ؟


والله مـا أدري كيف أبـدأ و أتكلـم .. ~
أحـس اللـي صـار فيني شي كبيـر .. !

جرحـك خلاني أسكت مثل الأبكـم .. ~
جرحـك صدمه وشلّت فيني التفكيـر .. !

كنت منيتـي وكنت دايم فيك أحلـم .. ~
وكنت جناحي و كنت دايم بك أطيـر .. !

كنت من قلبـي أغـليك والله يعلـم .. ~
ماكان لك الا كل احتـرام و تقديـر .. !

واليوم صـرت أذكرك و أبكي و أتألـم .. ~
وصار وصف جرحك أكبر من التعبيـر .. !

كنت أعلمك الوفا وكنت مني تتعلـم .. ~
وعلمتك الشـوق و أنواع الحب المثيـر .. !

وللأسف علمتني كيف أجرح و أظلـم .. ~
و علمتني ان الجـرح أنواعـه كثيـر .. !

والله ما أدري أسـكـت و الا أتكلـم .. ~
أحس اللي جـاني منـك شي كبيـر .. !

لو جات من غيرك ماكنت راح أهتـم .. ~
والمشكله ماجا من غيرك الا كل خيـر .. !

حسيت ان حبك لـي وهم في وهـم .. ~
وماعرفت هذا الشي الا فـي الأخيـر .. !

استغنيت عنـي و زوّدت فينـي الهـم .. ~
وخليتني بين قضبـان جرحـك أسيـر .. !

مقهـور على صدقي أكثـر من الألـم .. ~
مقهـور على قلبـي الطيـّب الكبيـر .. !

و ماتوقعت أستاهل كـل هذا الألـم .. ~
ولا توقعت هـذا الشـي منك يصيـر .. !

والله ما أعرف في ايـش كنت أتكلـم .. ~
بس اللي جانـي منـك والله كبيـر .. !

كل ماهقيت أني وصلت آخر الدرب
........................................ يردني ( شكك ) لخط البدايه
:
ماعدت اميز شرق قلبك من الغرب
...................................... غديت في سكه مشاعرك تايه
:
تمدلي بعدك .. وانا طالبك قرب
..................................... تاخذ زعل قلبي وتترك رضايه
:
تشيلني للغيم .. باسلوبك الذرب
....................................وفجأ ه تطوحني من أعلى سمايه
:
من صغر سني مشتهي جدول الضرب
..................................... كيف تحسب ناتج خطاي بغلايه
:
لو كل ميٍ .. بالبلد زين للشرب
................................. ماصحت ابي ميّ ( ...... ) لضمايه
:
ولولاك ماانت مغرد" خارج السرب
...................................... ماجيت ادور في جناحك دفايه
:
مابالعرب مثلك ... ولافيه بالغرب
..................................... ماهو بلا ابو عقاب .. هذا بلايه
:
من يوم حبيتك وانا داخل بحرب
................................... من غير عدواني خسرت اصدقايه
:
البوسنه قلب عشق قسوة الصرب
..................................... هذا هو آخر ما ورد في الروايه
:
احتاج لك واتغيب مع شدة الكرب
...................................... حاول تسددني وفا من وفايه

:
كل ماهقيت اني وصلت آخر الدرب
........................................ . رديت تطلبني .. دليل لغلايه
: