•• { •• أفــتـ ح قـلـمڲ •• } ••

^ ^ ^

ياللي تجر الصوت وتونُـه .. ليلك سرآ والنآس هُدُآجُه
أحب شعرك وأستمعله وأكنُه .. كنة المحروُم للي مالها حاجُه

،


أمشي وهمي جبل يمشي معي وين ما أروح
أزريت أشيل الجبل وأزريت لا أفارقه


كل الخطاوي تعب كل الليالي جروح
أرضي هجير وسمايه شمسها حارقه


ماغير روح التحدي في عروقي تفوح
قوة صمودي على جور الزمن خارقه


هذا وأنا عزتي دايم قبالي تلوح
لين أصبحت في حياتي ميزة فارقه


أرفض شعور الندم وأرفض طمان السفوح
لو كان فيه الحياة اغصونها وارقه


مادام فيني نفس يذري وفيني طموح
باب وراه اعتزازي...طارقه..طارقه


رغم امتداد التعب عيا يموت الطموح
والشمس بكره ورغم أنف الدجى شارقه



والا انت ياصاحبي مابعد روحك رووح..
روحك غدت لقليبي اليوم صارقه..


ومعزتك بالقلب مايبغالها بووح..
صورتك رغمني ماشفتها ماتفارقه!!

،

.





لا شَيءْ يسَتحِقْ لكي أحَزنْ .. فَ الأمَلْ مازالَ مَوجُوداً
وأنتَ مَا زِلتَ بِ قُربّي .. ورُوحَكَ مَا زَالتْ بِ رُوحِي ..
أحُبكَ .. وَسَ أحُبكَ طُولَ العُمرْ .. ومَا زَالت يَدكَ بِ يَدي ..

ومَكانْ مِنْ دُونكَ لا أسَتحقْ أنْ أكُونَ بهِ ..

والله اني مـن وداعـك ماسليـت
ضايقن صدري عن الناس امعـزول


ووالله اني فـي محبتـك أعتليـت
وغير حبك حـب رجـال امهبول

كل ماتطـري علـي اقـول ليـت
ليت تدري عن مشاريـه الملـول


وكل ماسجيت عن ذكـرك طريـت
اتصبـر ميـر يذبحنـي الفضول


حبـي الـي فـي بداياتـي بنيـت
ماهقيت انه على بعـادي عجـول

ويوم شفتـك لابعـدت ولا دنيـت
قـلـت يمكن فـي محبتنـا عذول


أول افرح فـي حضـورك لالفيـت
وإن فـقـدتك صار في وضعي ميـول


واتذكـر هرجتـك لامـن حكيت
واسكر بشوفك وانـا ما اشـرب كحول


انت اول من عشقت ومن هويـت
وانـت مـن ربـي احـبـك يالخجول




آآآه إلى مني نظرتـك ثـم بكيـت
تـمسـح العـبـره وودك بالحـلـول


مستـحـي لا والله إلا ماقـويـت
تـترك ورودي مـن فـراقـك ذبـول

وجد حالي وجـد عـودن مايبيـت
فاقد ابنـه والليالـي بـه تـطـول

ثم لفوه القـوم قالـو لـه بليـت
والولد ميـت على النـَعـش امحَمـول

ذاك وجدي فـي بعـادك ماهنيـت
اتحـرى الضـيق عـن صـدري يـزول


كني ارضـن ماعليهـا مستميـت
تـنـتـشي للسيـل ورعـود الهطـول

صابرن لأجلك ولاعمـري شكيـت
والـقـدم تعبـت ولاحـولـي وصول




لـِ سامي الوسيدي

طبيعي الخوف لكن هالمسا خارج عن المألوف
................جمعك غياب واشواق وحنين وضيّع وصالك



وانا في مُنتهى لمّ الحكايات الحزينه.. شوف
................هوا /عبره /ظلام وبرد ،،حط البرد في بالك



ولاتنساك / واحساسي بلاك/ وفكري الملقوف
...............وكيف الوقت يلعبنا (ضياع/اوجاع) بـآمالك


على تلويحة الصد /ومواويل الشقا وحروف
...............ألف ،، هاء /التعب جدّ وصياح الجوف متهالك


مطر ناشف على وجه الكآبه والزهر مكسوف
..................تساقط منه آمالي على الحرمان كرمالك


وانا ماغير اجمع من سنيني للأماني صوف
.................واحاول أشبه اللي ماعليها منك وامثالك!


وينبت يآس ،، في آخر مداي وخاطري مكشوف
..................تجاه..البرد والفقد المُحاط بـقمّة اهمالك!


بُكا،، ملّيت اوراق البُكا.. من لونه المخطوف
.................ولكن ماتوقعت الاسى يكبر ويقرا لك


عجزت القى وطن فاضي يرد لـهالأنا معروف
..................يمشّي حال دنياي اللئيمه دون م ينالك !


أبد،، من رحت وسكوت المسافه بالجفا محفوف
...................يفتّ ويربك ضلوع الحنين وما إلى ذلك !


واكررها طبيعي الخوف لكن خارج المألوف
..................بما ان المسا جمّع قساك وضيّع وصالك !


هوا .. عبره ظلام وخوف. .شوق وهاجسن ملقوف
................تخيّل تتعب وتتعب ،، بوسط البرد ولحالك !!