بقولك ثلاث أشياء

ليش نزلتي عيونك ارفعيها وطالعيني
والا يعني انجرحتي يوم جاوبتي سؤالي

ليش قلتي احبك ليش كنتي تخدعيني
ليش قلتي لي حبيبي ليش قلتي لي يا غالي

كان ممكن ما احبك كان ممكن تتركيني
كان ممكن من البداية تخدعي غيري بدالي

ليش انا بالذات ليش يعني جاوبيني
بعد غدرك خبريني وقولي بس وش اللي بقالي

والله اني ما جرحتك ليش انتي تجرحيني
هنت على قلبك حسافة وكم انقضت ليالي

والقهر اني للحين احبك وادري انك ما تبيني
والمحبة من طرف واحد نهايتها زوالــــــي

كان عمري بيدينك قولي وش كان بيديني
اذكر انه من غلاتك كان قدك فوق عالي

كنت اتجاهل واطنش يوم نغزاتك تجينـــي
وكنت اقول الحب اكبر من تصرف لا مثالي

ابغى من وقتك دقيقة وليت انك تمنحينـــــي
بس ابي اقولك ثلاث اشياء وبروح وامشي لحالي

اولا : فعلا كنت احبك وكنتي قلبي وعينــــي
وكانت الدنيا بوجودك شيء روعة شيء خيالي

ثانيا:عاللي بدر مني دخيلك سامحينــــــي
يمكن انا زل لساني وقلت انك راس مالــــي

ثالثا: اسالك بالله واطلبك لا تذكرينــــــــــي
احرقي كل القصايد وانسي اشواقي وحنيني

المهم اني اببعد وانتي روحي واتركيني
ارجعي له ومثلي دور البريئة اللي تبالي