بسبوسه الجآلكسي

صباحكم .. مساكم

قهوة وحلا
وعلوم سنعة

كيفكم يالربع ؟


اليوم حابة أشارككم بطبق


الله يسلمكم عندي الوالدة عساني ماخلا منها من عشاق البسبوسة
وأنا والله مش ولا بد
عادية عندي ولا اشتهيها

عشان مامتي ربي لا يخليني منها

ولما سويتها
اللي صار أني أدمنت عليها
وحبيتها بزاف بزاف <~احلفي

ما توقعت أني بتلذذ ببسبوسة في يوم من الأيام


عاد مالكم بالطويلة
خلص وقت السوالف وبدأ الجد ولزوم بالترتيب

نبدأ



* بيضة <~ نخفقو مزبوط
* علبة قشطة
* نبدأ القياس بعلبة القشطة
- 1.5 سميد
- 1.5 جوز هند
- 1 سكر
- نص العلبة زيت
* ملعقة كبيرة نسكافيه
* ملعقة كبيرة كاكاو بودرة
* ملعقة كبيرة بيكينح باودر

للتغطية
نص علبة نستله
2 جالكسي سادة





نبدأ بسم الله

-نشغل الفرن على حرارة 350 <<~ هذا للكهربائي أما الغاز ما أدري شوفو خبرتكم
<<~ ما أعرف للغاز ولحد يقول أني أخاف منه
المهم أن الحرارة متوسطة

- نخلط المواد السائلة البيض , الزيت
- نضيف القشطة ونخلط شوي

-على جنب بزبدبة ثانية
نخلط المواد الباقية <<~ المواد الناشفة

- نضيف الخليط على الزبدية ونحركها بالخلاط اليدوي

- ندخلها الفرن من تحت
تاخذ تقريبا من 25 إلى 30

- نطلعها من الفرن
وهي ساخنة نسقّيها بالنستلة
ثم نبشر فوقه واحد جالكسي <<~ راح يذوب من الحرارة
وهذي ألذ نقطة

- ندخله الثلاجة لين يبرد
ولما نجي نقدمه
نبشر الجالكسي الثاني فوقها قبل التقديم

- نقطعه ونقدمه
وبالهنا والعافية

ملاحظة صغيرة / الجالكسي يكون بحرارة الغرفة


وهذا شكلها النهائي
ويارب تعجبكم

جربوها وماراح تندموا





لكم ودي

~