•• { •• أفــتـ ح قـلـمڲ •• } ••

مدري من المخطي ولا أدري على ويش ؟
......................... بس افترقنا والمقادير ,/ شانـَت

يومي أجيلك والحنايا معاطيش ..
......................... وش في يدك عن مدة الما توانت !

تقول ( قلبك ) ما انعشق لا ولانيش ..
......................... بس الحقيقة عرّضت لي وبانت ,

قلبك طرش بـ الحب عِدة مطاريش ..
......................... وبعض العذارى من سواياه عانت

أنكرت عشرتهن وعديتها طيش ..
......................... محيتها ما كنّها يوم " كانت " !

وألحين تبغاني أصدقك وأعيش ..
......................... بـ أحلام للواقع تعدت وخانت

تبغاني أقبل من غمامك مراهيش ..
......................... وغيري سبب غيثك ربت واستكانت

ما أقدر أعديها سهالات .. تطنيش !
......................... نفسي تحب الصدق لا ما تدانت

أول أفز اليا سمعت الوشاويش ..
......................... وإليا طروا لابتك ذا النفس ( زانت )

واليوم ما هزت حناياي لبيش ..
......................... دام المحبة في حناياك هانت

قررت أنا أبعد عن غرامك وبشويش ..
......................... يالله توّلم ساعة البعد " حانت " , ![