جـرح يبكينـي وجـرح بكـانـي

مديت لي فنجـال حـب وتقهويـت
باسمك نطق قلبي ويمـك دعانـي
اجيك كلي شوق والقلب لـك بيـت
تسقي عروق القلب حـب وحنانـي
أغليك انا وأغليـك وإلليـا تغليـت
أغليتك اكثر وانـت سبـة إجنانـي
أهواك وأعشق جيتك وإن تعاليـت
اعشق غرورك لو انا منـه اعانـي
وبعد الفراق اشوف بإنـي توفيـت
لا القلب قلبـي لا مكانـي مكانـي
لولا غلاتـك ماتعنيـت او جيـت
يم المكـان اللـي بدونـك كوانـي
لعبت بي الدنيـا وبعـدك توذيـت
حظي وجرحك وامنيات تعصانـي
احيا جسد والقلب مبطي وهو ميـت
اجرع قهر وأناشدك ايـش دهانـي
حسره الم وهموم عـدت ولاقيـت
جـرح يبكينـي وجـرح بكـانـي
مرات اقول من الهوى جـد مليـت
ومرات اقول الهم وش له غزانـي
احيان اقول اني بغرامـك تماديـت
والقى فؤادي عـن طريقـه نهانـي
اتذكرك في كل لحظه مـن أقفيـت
اتذكـرك واحـس بعـدك عمانـي
اتذكـرك واخـاف انـك تناسيـت
عهـد بنيننـا بينـنـا بالأمـانـي
عجزت لاانسى لهفتك يـوم ناديـت
وعجزت لاانسى حبك اللي عطانـي
وعجزت لا انسى صوتك الليا تغنيت
ولا الحضور اللـي يزيـن زمانـي
صارت حياتي كلهـا ليـت ياليـت
حتـى طريقـي للنهايـه رمـانـي
والله مالحظـه فبـعـدك تهنـيـت
ولاشفت غير الجرح يطلب هوانـي
منقـــــــــــــــــــول
:::