حلا أمل العوضي.. لا يفوتكم؟

هاااااااااي ياجماعه
جايبه لكم حلا أمل العوضي ..
أكيد تقولون ليه اسمها كذا .. بصراحه ساااالفتها سااااالفه ؟؟
طبعا بكتب لكم الحين حلا أمل العوضي وتراه سهل ومقاديره متوفره..
أما مناسبة التسميه اذا في أحد مهتم ويبي يعرفها.. يسألني واقولها له (لا تفسرونها شي ثاني ..بس أنا وحده تحب تستهبل وتلعب بالأعصاب)!!
ــــــــــــــــــــــــــــــــــــ
شوفوا ياحلوين:
مقادير الخلطة الأولى:
1 ك سكر
1 ك زيت
1 م ص فانيليا
3 بيضات
3 م ك شوكولاته (البودره المره)

مقادير الخلطه الثانيه:
1 ك دقيق
1 م ك بيكنج بودر
نصف ك ماء مخلوط مع 3 م ك حليب بودرة..
ـ ـ ـ ـ ـ ـ ـ
حبة وحده فلك الأصفر (للزينه)

أما الطريقه,,

( الخلطه الأولى كلها تخلطونها مع بعض) وبعد ما تخلطونها تاخذون كميه في كاسه "طبعا الكاسه بنفس حجم اللي خذيتوا فيها المقاسات مو تتميلحون بكاساتكم الكثيرة ترى كثرة المواعين تتعب الخدامات" وتخلونها على جنب ماتسوون فيه شي
والباقي من الأولى تخلطونه مع الخلطه الثانيه وتحطونها في الفرن وبعد ماتشوفونها استوت وانتفخت تطلعونها والكاس اللي قلت لكم خلوه تصبونه فوقها بالتساااوي وترجعون تحطونها في الفرن وبعد ماتتحمر وتتماسك بشكل بسيط أو بالأصح تستوي "انننننـتبهوا تحترق ترى مالي دخل "تطلعونها من الفرن وترشون عليها الفلك " لكن قبل ماتحطونه فـتـفـتـووووه بس مو تطحنونه" واذا رشيتوه بشكل متساوي حطوها بالثلاجه ليييين تبرد وقطعوها بالحجم اللي تبون وقدموها وصحة وعافية على قلوووبكم..



ـــــــــــــــــــــــــــــــــــ
ومعليش بلييييز اعذروني عالأسلوب في كتابتها بس البنت كتبتها لي بورقه بهالأسلوب (شفتوا الذوق الله يسامحها)وأتمنى تعجبكم ولا تنسون تقولون لي شرايكم بعد ماتسوونها ..وللأمانه .. أنا خذيت الطريقه من خمس شهور بس ما قد سويتها لكن اختي اللي اصغر مني الله يعافيها تسويها ومريحتني..