ابعتذر منكم يوم طول غيابي

صباحكم ورد والله ولكم وحشه خصوصا ...........

اعتذر عن غيابي واهديكم القصيده

من شان الأصحاب والجمهور واسلوبه

ابعتذر يـوم عنكـم طـول اغيابـي

اصبر ولكـن شوقـي زاد منسوبـه

تدرون شوقي لكم وشلـون سوابـي

احس بالصدر نـار السمـر مشبوبـه

منها محاني الظلوع وخافقـي ذابـي

والقلب لاغاب عنكم يحسـب ذنوبـه

دلـوٍ غـدت بيـن ميـاحٍ وجذابـي


اليا تذكـر سوالـف نـاس محبوبـه

قامـت تعلابـه اشواقـه ويرقـابـي

اثره صحيح المولـع يرمـي بثوبـه

لاصار ماله امل في شوف الأحبابـي

يمشي ليا اقفى بوسط الدرب يادوبـه

يسحب خطاويه كنه يسحـب هضابـي

وتسابق الريح رجله لااتجـه صوبـه

يبدي على شانهم فـي كـل مرقابـي

هذي شعـوري مترجمهـا ومكتوبـه

وارجو عسى للجميع يوصـل كتابـي

ويقـراه نـاسٍ يزورونـه ومروبـه

يمكن يجيهم خبر شكـواي وعتابـي

اللي وصـل ذكرهـم قلبـي وحلوبـه

من بعد ماكسـرو رمحـي ومشعابـي

ثنيت دونـه وتالـي الوقـت قفوبـه

واليوم ادور عليهم واشعـب اركابـي

ادور القلب واسـأل ويـن راحوبـه

واصبحت مابين ناب وبيـن مخلابـي

لاعلم لاذكر مـدري ويـن طاروبـه

مخطوف بيدين قاسي قلب وارهابـي

فزعة هل الجود والمعروف مطلوبـه

واللي زبنهم نهـار الضيـق ماخابـي