انا اللي يابعد عمري بقول ( آسف ) ولو مخطيت !

انا اللي يابعد عمري بقول ( آسف ) ولو مخطيت !
لأن اكبر خطا منّك صغير بجنب غلطـــــــاتي

ابد ـ ماني بقايلك : ترفّق ! ليه ؟ وشسويــــت !
قل اللي ودك بقلبك تقوله واترك سكــــاتي

عسى الله لايعافيني ـ اذا ـ من هرجك انغثـيت
أشوف ان السكوت ارحم ـ لأني ـ خابر سواتي

ومدامه ( صح ) كل اللي تقوله ، فانت مازلــــيت
واذا زليت هالمره ! نسيت ؟ شكـثر زلاتي

نسيت انك تنسّيني الزعل كله الامن جـــــيت
مجـرد ضحكة عيونك بنظره تجمع شتااااااتـي

نسيت ؟ شكثر تغليني ؟ وكم لك ؟ وانت مامليـت
نسيـت ان الوفا منّك يذكّرني خــــيانااتي ؟

نسيت ؟ اللـــه ـ يومنّك علي من الزعل غنيــت
" حسبت اشواقنا غابت " وخـابت فيك هقواتـي

عجزت انطق ولاكلمه ـ بلحظتها ـ سوى ياليــت
يجيلك يوم ـ باذن الله ـ وتقراها مع ابيـاتي

هذاني جبتها ـ شفني ـ وازيد من ( الغلا ) لك بيت
مادام ان القصايد فيك ـ توي ـ في .. بدايـاتـي

احبك ؟ ايه احبك .. ايه احبك ..آآه لوعــــديت
من الآحاد ـ للآلاف ـ تمـلا كـل خـاانااتي

حبيبي ـ لاتحاسبني ـ وانا ياااما عليـك اخطيت
ترى لو مت بيديني ـ غفرلي ـ صدق غاياتـي