لانحنى قوس الربابه حن يا صدر الربابه /! ~ (شيلهـ)

كلمات الشاعر سعد بن جدلان << لكن ماني متاكده الي يعرف

ياليت يقولي ...


أداء : راشد خميس النفيعي العتيبي (كلاش )












لانحنى قوس الربابه حن يا صدر الربابه ..
انت سيد موقف المغلوب لاشاف الغليبه

هات صوتك من صرير الريح وعواي الذيابه ..
ماوراك الاّ صداك يودي الصوت ويجيبه

الحبيب اللي ذلوله عيني وقلبي زهابه ..
طاح من ظهر الذلول ولاجبر خاطر حبيبه

واستوى لليل ميقافي ولبسني ثيابه ..
و استوى للرجم مشرافي وجر عواه ذيبه


حسبي الله ربي وربه على قوة مصابه ..
ماحسب للعاقبه من غيبته ربي حسيبه


ياوجودي كل ما اذكر وقفتي قدام بابه ..
وجد من وقف على ذكرى شبابه في مشيبه


وياوجودي كل ما اذكر كلمةٍ جت من عذابه ..
وجد من مسّي بخير وصبّح الصبح بمصيبه


كنت اشوفه شاغل احساسي وماليني صبابه ..
كنت اشوفه في عيوني ثامن السبع العجيبه

ماطلبت الاّ رضاه ولا رضيت الاّ عتابه ..
مارويت الاّ ضماه ولا ضميت الاّ لهيبه


قال: ودي بالسحابه بس يابعد السحابه ..
قلت: ما تكفي عيوني غيث وظلال وقريبه

قال: ودي بالربيع اللي تعشب في ترابه ..
قلت: الارض اللي تخيل اقدامك تعود عشيبه


قال: انا اسمع عن لبن عصفور واحتاج لشرابه ..
قلت:لو هي صدق جبت الك (اللبن يردف حليبه)

قال:ياطيب القصيد اللي سعد جدلان جابه ..
قلت له: حرك هجوس كلاش وانت تشوف طيبه


حطني بين احتمال اعيش في ذمة عذابه ..
واحتمال احط عمري عند بابه والمصيبه


كل هذا صار لي مثل السؤال بلا اجابه ..
الله اعلم وش نصيبي والله اعلم وش نصيبه

:
























الشيـــــــــــله ..

قال: ودي بالسحابه بس يابعد السحابه .. قلت: ما تكفي عيوني غيث وظلال وقريبه قال: ودي بالربيع اللي تعشب في ترابه .. قلت: الارض اللي تخيل اقدامك تعود عشيبه

رووووووووعه ..

مـآني مع آلشيلآت

لكن صوته حلوووو والكلمـآت اروع ..



كل آلشكر و الامتنان لـ جميل طرحك ..غاليتي






لآ حرمنـآ منك ..آبداً ..

ولآ من جميل ذآئقتك العذبه كـ ذآتك







دآمت بسمتك و سعـآدتك ..



مودتي .. وجل آحترآمي لـ روحك ..









ღ اْلاحَسَاْس اْلَخِجُولْ ღ

يسلمؤؤؤؤ ,, الشيلات جدآآ رائعه ..

شاكرهـ لتس مرورتس ..