تجنب كسرة .الخاطر ولو حبل الزعل .مشدود

تجنب كسرة .الخاطر ولو حبل الزعل .مشدود

اعايش مركب الدنيا على متن القدر مولود


ابعرف هو صحيح ان القدر بالناس دوامه؟

ومن وين الزمن مقبل والى وين الليالي تقود
ومن في هالزمن يقدر يوجه خطوت اقدامه؟

ومن له بالزمن غايه ومن عنده هدف منشود
ومن منا قدر يعرف خفايا مقبل ايامه؟

عرفت ان الشقا باقي عرفت ان الحسد موجود
عرفت ان القدر يفرض علينا باسوءا احكامه

لقينا بالعرب حاسد وشفنا بالعرب محسود
وبه الناس لنا ضامت وبه الناس منظامه

وينقص بعضنا خوه وينقصنا وفاء وعهود
مدام ان الحسد باقي وبعض الناس نمامه

لاترجي بها الدنيا من ربوعك يجيك سنود
ولا تشره على رجل عيونه خانت اقدامه

وقابل خطوه بخطوه وجازي بالصدود صدود
تناسى غلطة الصاحب عليك بلحظة اخصامه

ولا تخطي ترى لصبر الحليم إليا سلاك حدود
تروي واعرف بضرب الحديد تفك الحامه

تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه

ولا تزعل على رجل بذل لك ولرضاك جهود
ولا تامن من الحاسد رضاه ورفقة ابهامه

نبي نصبر على الدنيا قلوب بالحياه زهود
مدام ان البخت عيت توقف رمعة اسهامه

وانا ماقلتها راجي ولا اطلب لها مردود
ولكن الفتى وده يحقق جملة احلامه

وبمشي لأخر الدنيا ولو كل الانام اقعود
وعن وجه الزمن بكشف الحقيقه وارفع إلثامه







ابيات اعجبتني جدا
وانقلها لكم اتمنى
ترتقي لمستوى ذوقكم

وهاج ]~

وكاسمك هي حروف من وهج .. ذائقه راقيه

أشكرك أخي

لروحك ما تتمنى ]~

المشاركة الأصلية كتبت بواسطة )كآدي’’( وهاج ]~ وكاسمك هي حروف من وهج .. ذائقه راقيه أشكرك أخي لروحك ما تتمنى ]~

كآدي


شاكر لكِ أختي مرورك
لك أحترامي وتقديري

تجنب

كسرة الخاطر ولو حبل الزعل مشدود تراك بكسرة الخاطر حكمت القلب بعدامه

ايه والله

صح لسانك وهاج على هالابيات .

لقينا بالعرب حاسد وشفنا بالعربمحسود
وبه الناس لنا ضامت وبه الناسمنظامه

وينقص بعضنا خوه وينقصناوفاء وعهود
مدام ان الحسد باقي وبعضالناس نمامه

وهااج .,,
يعطيك العافيه يارب من كل حاسد
تسلم وربي ويسلم ذائقتك
كلمات ولا ارووع .. بس القناعه والثقه
مطلب لابد منه ..
عشت ودمت يارب
تقبل مرورري ووجودي
تحياتي لك .