(((...عــشقـــي مــايــــعرف سكـــات...)))

::روابط مهمة:: : استرجاع كلمة المرور| طلب كود تفعيل العضوية | تفعيل العضوية | تسجيل عضويه جديده

 

هذه الرسالة تفيد بأنك غير مسجل لدينا. لتسجيل الرجاء اضغط هنـا

مواضيع لم يرد عليها


|[ فعاليات المنتدى ]|

مركز تحميل هيبة ملك

الـمدونـآت

الجمعيه الخيرية

( قريبآ


العودة   منتديات هيبة ملك منبع إبداع لاينضب > ◦ • ◦ ألوان قزح .. وكائنات إكترونية ◦ • ◦ > قسم الجوال

قسم الجوال •أنـغـآم رنين MMS - SMS •

الإهداءات

إضافة رد
 
Bookmark and Share أدوات الموضوع إبحث في الموضوع انواع عرض الموضوع
قديم 09-27-2007, 01:50 AM   #1
دنيا غريبه
:+:هيبة جديد:+:


الصورة الرمزية دنيا غريبه
دنيا غريبه غير متواجد حالياً

بيانات اضافيه [ + ]
 رقم العضوية : 219
 تاريخ التسجيل :  Sep 2007
 العمر : 36
 أخر زيارة : 08-15-2009 (12:18 PM)
 المشاركات : 27 [ + ]
 التقييم :  50
لوني المفضل : Cadetblue
افتراضي (((...عــشقـــي مــايــــعرف سكـــات...)))



حبيبي لي متى ساكت و..عشقي مايعرف سكات

تكلم .. كل عطرك امس بالرسايل شميته

تصدق؟ مرني طيفك يداعبني وانا اشتات

تجاهلته ..بزعم اني ابي اجافي ولميته

تخيلتك تسولف لي واثاريني بليا شفات

احاول اشرح الشوق الذي بالجوف كنيته

سألته عنك بصمتي الين الوقت كله فات

يردد هالمكان اللي جمعنا "كم تمنيته"!!


اسولف للصور قصة غيابك وانثر الدمعات

ادق باب الصبر كلت متون الشوق/ ناديته

وتتثاوب على جدران عمري آخر الساعات

وانا اسأل هالزمن وابكي"امانه وين وديته؟ ؟؟"

تركني حشرجه /غصه/الم/حرقه/بكا/ونات

تركـني شي مايـذكر ولا ادري ويش سـمـيته

من اكثر من شهر وانا اسولف والحكي مابات

من اكثر من شهر وانا تركت الدمع في بيته

من اكثر من شهر وانا اسولف والحكي يقتات

من الاوجاع في صدري وانا والله مااعطيته

وجيت اركض على صدر المسافه وانثر الاهات

على نفس الطريق اللي قبل جرحين مريته

لقاني شخص في صدره ينام الشعر والابيات

كثر ماكان يضحكني قسيت وقمت بكيته ..


انا والدمع واشواقي على صدر الشعر اموات

ولاباقي من احساسي سوى شاعر "وانا بيته"





* * * *






ليش غآيب عن عيونى ؟..

ودى افهم وشـــ خطآي ؟ ..

طيب ...

الدنيآ بدوني

نفسهآ الدنيآ .. معآي ..؟؟؟


* * * *





(من طلب الغلا سهر الليالي)

ياهو مثل بين الحبايب
واللي يرد الغين
عين
اكيد غايب
ماحضر درس الحنين
مافهم ملح السنين
ماحفظ بوس اليدين
وكيف الغرام ,،، سوى العجايب
وانتي ياعمري غرامي
كم سهرتك
كم رجيتك
عاشقك بين الاسامي
ضامي..
وللحين ضامي!!

ولو ملكتك مارويتك ..!
ولو بيدي
امتليت
وانتثرت بيت
بيت
وفاض سدي وصارت امثال العرب
شوق وغرام
لهفة ونور
وصار الكلام :
الحب نور::والهجر ظلام::




* * * *




ياربيع العمر،،،
والطيف الجموح،،،
ارفقي باللي يشكي من "ارق"
ب ع ث ر ي ن ي ،،
مابقى بالروح
"روح"
واجمعيني//
ودي ارجع
و..
احترق..!


* * * *



لا تخجلي
وقولي..
محتاجتك (حولي)..
انا
"رجال"

ويسكني
طفل..
لا يخدعك طولي..

...!



* * *

*[/]


ترجع لجسمي بـ السلامه ..قل : (آمين)
ولا ترى روحي معك يالمسافر..
اطلقت عقبك من عيوني "مساجين"
يمشون في درب ع الخذ حافر..
واحترت في اصلي .. انا شمع.. او طين؟؟!
العين ذابت وابيض الوجه صافر..!



* * * *


ماسألتيني احبك؟؟
اعشقه هاذا السؤال ...
من سمح لك "تقتليني " والسؤال اصبح حياه ..!
ليلة البارح نسيتي وانتظار الروح طال ...!
انتي وش سويتي فيني وانا قلبي وش بلاه ؟؟
آه ياقرب المسافه بين عقلي والهبال ..
وقولي للعالم تجنن جننه صادق هواه ..

وآه يابعد المسافه بين صدق واحتمال..
مااحبك او احبك والغلا واصل مداه
اتعب بقربك وبعدك... واسهرك كل الليال..
اغرق بعينك بلحظه ولا معي طوق النجاه ...
انتي يابنت الحنايا انتي يابنت الحلال
فيك عالم من مشاعر وجاك شاعر فيك تاه..
املك الدنيا بيميني بس لاقلتي تعال
وغيرك اصلا لو بغاني قلبي اصلا مابغاه..
امطريني لين اسافر بين حلمي والخيال
اعشقيني
قد قلبك قد مااعرف وفاه...!

* * * *




وجاي اليوم تسألني (وش هي اخر الاخبار) ؟؟
غريبه!! كيف ماتعرف!! وانت متابع اخباري..!
يكون "بعلمك" افهمني.."لغيتك" والزمن دوار
وعينتك في خارج دنيتي مطروووود اجباري..
شطبتك من "شراييني" وصرت النار والاعصار
اجوب العالم بكيفي ولا من يخنق افكاري
خلاصة هالحكايه
انك غدرت بأول المشوار
ولي هاذي بداياته حرااام تشوفه انظاري!!..!



* * * *

جرب وخذ" قلبي" وحطه بصدرك
وشوف انت تقوى تعيش ساعه بدوني..!
او هات "قلبك" وسط صدري وتدرك
وشلون مااهتم للي يبوني!!
سافر لبرك للبحر لين قبرك
تبقى ولو جاوزت [u]((داخل جفوني))/U]
والله لو تعرف بقلبي لـ "قدرك"
ماكنت تتركني بعالم **جنوني**..!!

* * * *





أفااااا يا قلبي الطيب ... أفا وشلون ترضاها ؟؟
وأنا من(( صدمة ٍ ب الحب ))إلى ((صدمه توديني))
بدون عناد "اسمعني" ولا تفتح لي الموضوع
حشا لو تفتحه ثاني لـ "أشيلك" من شراييني
خلاص الحين انساهم وأنا ما عاد فيني حيل
لهم رب ٍ يجازيهم / ولي رب ٍ يجازيني !!




****





تعال
افجر معاك (*بلونة الارض*)
بطرف دبوس..
تعال
وجرب هبالي
وشم الورده **بعينك**
حبيبي والشعر نورس
حبيبي والحلا طاووس
وانا عاشق..!
كذا **مجنون** في
رسمك وتلوينك ..!


* * * *




ياما كلوا من لحمي المر وعثوا في سيرتي !!
و اتلاعبوا "بحزني" و انا ما غير اطنشهــم .. قرف

قالوا لعوبٍ .. طايشة .. خبلة و انا من حيرتي
لا جيت اعاندهم كذا : أضحك// و اقول ليَ الشرف !!


* * * * * *




له موعد لا روح الليل وياي..
أول وآخر موعد مع فتاته..
اليوم ببدل مشاعر حناياي..
يصبح من أخواني
..وأنا من خواته


* * * *

ابطى..
وخلى سؤال يلهث بصدري
مدري هو يصون الغلا؟
مدري يخونه؟؟
ويوم اني اسج بين ادري ومادري
عقب البطا جا
يقول الدار وشلونه؟؟
قلت ا: انت دارك هنا
وأشر على صدري
قال:
انت دارك هنا
واشر على عيونه..0!

* * * *

كذا الدنيا ..!!
تجينا في طفولتنا بـحكي صافي معسول.....
والا من الزمن صور سنينه في ملامحنا
عطتنا ظهرها واقفت
وخلتنا فريسه لـ
السهر
والجرح
والمجهول..!!


* * * *





من عرفتك
كانت الفرقا وكنتي
شامخه..
في عاجي احلامي سكنتي
الوله كله لك انتي
ومالقيتك
..!



* * * *




خذني بحضنك ابغفى
يآآآآآه مبطي ماغفيت
وان لمحت دموع عيني
سو نفسك مالمحت

خذني فحضنك وبعثر
في جروحي..
وان قضيت
هز لي كتفي وقلي:
عيب تبكي لو سمحت !!


* * * *

تبي ترحل عن ايامي ويجي غيري يعيش الدور..!
الا ياصاحبي صعبه تعيش بغير لحظاتي؟؟
من اللي يشبه دموعي وقلبه في سنينك نور
ومن مثلي انا قلي نقش بالصبر اهاتي
مسافه بيني وبينك .. عواذل والف باب وسور
وشباك من الماضي ازوره في متاهاتي
تفرقنا وتباعدنا وغدى فينا الزمان يجور
حكايا مالها اخر وحلمي كل غلطاتي
سالت الكذب عن عذرك واكيد انه شهد لك زور
عذرتك كان تجرحني بشكوى تشبه سكاتي


* * * *

,
,,
,,,,
اجمعيني
من قصايد هالغزل
انثريني في اتجاهات الامل..
اقطفي/ مني/ حلالي
اقطفي مني الحرام,,
طهريني من ذنوبي والزلل
واستريني..!!

* * * *





لو تنفسني حبيبي ياحبيبي وش يصير..!!؟
يثمر الرمان فيني دون موسم للقطاف..
اشهقك وانا بجوفك وآتأنى بالزفير
وآخذ اللي تو زفرته وآتغطى به لحاف..!!








* * * *




بطلت احب وعشت دنياي مرتاح
حتى الهوى غيرت فيه اتجاهي
لا حزن .. لا دمعه .. لاذل وجراح
لا القلب مشغول ولا الفكر ساهي
بدلت كلمات الغزل جد وصياح
لاعاش من يقدر يعكر مياهي ..
ابآخذ الدنيا لعب دلع ومزاح
وان عاندتني قلت ياأنا ياهي
مرتاح
عفت الهوى.. صدق مرتاح..!!
ابغى كذا اعيش دنياي لاهي!



* * * *
* * * *

علــتي التعبــير ..
أحــس أني صغــير بالتعــبير ..
والتفســير .. والتصــوير .. والتخديــر ..
وأحس ان الحــروف أقــزام ..
أمــام الشــوق والإلــهــام ..
وأشــوف إن الكــلام يضيــع ..
مثــل ذره بوسط هالكــون ..
إذا مـا شفت أعـز النـاس ..
ترى في الصمـت آلاف اللغات تعيــش ..
وبـوسط اللغات .. حروف ..
تطــير بلا جنــاح ..
تغــرد والنظــر يسمــع ..
تقــول لــين الفجــر يطلــع ..
بلا تمثــيل .. وبلا تظليـل ..
تتــرجم حاله الإحســاس ..
بلا إحســاس ..
تغنــي
أنت أعـز النــاس ..
لجــل حبك أنــا نجــم غدا ســاطع ..
ابكتــب ألف قــاموس ..
يضــم أول حروف أسمــك ..
ويصنــع ألف نــاقوس
يدق آخــر حروف اسمـك ..
ترى علمي وكل العــلم ..
قطــرة من بحــر علمك ..
وترى عـدلي وكل العـدل ..
ثــواني من زمــن ظلمــك ..
أنــا ما أقــول أحبــك ..
أنــا حبي تعــدى الحــد ..
أنــا جمــرة .. بعــز الصيــف ..




(مـــــــــــاتت بـــــرد )





ٍ* * * *





كم قلت لك تحبني؟وقلت ايه..!
واليوم لا قيس ولا شفت ليلاه
"دلوعتك" تشكي من عنا البعد تبكيه
دايم تنادي ليت تسمع مناداه

واخيرا تقبلو المسجات من اخوكم دنيا غريبه


 

رد مع اقتباس
قديم 09-27-2007, 08:33 PM   #2
ضروري غروري
:+:هيبة برونزي:+:


الصورة الرمزية ضروري غروري
ضروري غروري غير متواجد حالياً

بيانات اضافيه [ + ]
 رقم العضوية : 195
 تاريخ التسجيل :  Sep 2007
 أخر زيارة : 10-16-2007 (02:42 AM)
 المشاركات : 460 [ + ]
 التقييم :  50
لوني المفضل : Cadetblue
افتراضي



مشكور اخوي على المسجات الروعه

اتحفتنا بمواضيعك المتميزه

اتمنى لك مزيد من التقدم والتوفيق

دمت بخير


 
 توقيع : ضروري غروري



رد مع اقتباس
قديم 09-30-2007, 05:07 PM   #3
عذب الكلام
:+:هيبة مميز:+:


الصورة الرمزية عذب الكلام
عذب الكلام غير متواجد حالياً

بيانات اضافيه [ + ]
 رقم العضوية : 9
 تاريخ التسجيل :  Jul 2007
 أخر زيارة : 04-28-2010 (08:57 PM)
 المشاركات : 269 [ + ]
 التقييم :  50
لوني المفضل : Cadetblue
افتراضي



مشكور يالغالي على المسجات الرائعه

تقبل مروري


 
 توقيع : عذب الكلام



رد مع اقتباس
قديم 10-01-2007, 12:17 AM   #4
$$الامبراطور$$
:+[ VIp ]+:


الصورة الرمزية $$الامبراطور$$
$$الامبراطور$$ غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Jul 2007
 أخر زيارة : 05-10-2009 (02:17 AM)
 المشاركات : 17,001 [ + ]
 التقييم :  50
لوني المفضل : Cadetblue
افتراضي



مشكور يامبدع على المسجاااات الرووووعه شكرا لك


على النقل الرااائع


تقبل مروري


 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~




Powered by vBulletin Version 3.8.7
Copyright ©2000 - 2025, Jelsoft Enterprises Ltd
دعم وحماية مرسانا لخدمات الويب
HêĽм √ 3.1 BY: ! ωαнαм ! © 2010