لنكولن نافيجيتر 2008 مع زوائد اساسية

السلام عليكم و رحمة الله
حياكمـ



لنكولن , الترف الامريكي
لنكولن , الراحة
لنكولن , كشخه
لنكولن مجرد ما تقول هالكلمة تحس بنشوه يمكن تكون ما توصف
في مراحل و يمكن وصفها بكلمتين معيار للترف




العام الجاي لنكولن نافيجيتر و نافيجيتر L بتحصل على مواصفات عديدة
قياسية و القليل من المواصفات الاختيارية ..

منصة صعود متحركة , كراسي تبرد و تدفي , راديو فضائي من SIRIUS
نظام صوتي من THX® II , صف ثالث قابل للطي كهربائيا ً
هاذي كلها مواصفات اساسية لكن لا تحلمون براديو الستالايت يجي عندنا

ميزة الموديل الجاي انه فيه كاميرا خلفية و اذا فيه كام يعني فيه شاشة ..
الكاميرا تعطي السائق منظر واضح لخلف السيارة و تنعرض الصورة على
المرايه الوسطى
الموديل الطويل بتزيد فيه سعة التحميل 25 قدم مربع و هو اطول من الموديل
الاساسي 15 إنش , و الموديلين متوفرين بالدفع الخلفي او الرباعي.


من الاشياء الاختيارية بالسيارة هي مونوكروم إيديشن توفر هالمجموعة
لمسة مميزة للسيارة من خلال وضع علامات على هيكل السيارة على
الشبك العلوي و السفلي و الاجزاء السفلية من الجوانب و الجزء الاعلى
من المرايا المدفئة و الانوار الناعسه يعني السكن و تتوفر هالمجموعة
على اربع موديلات: White Chocolate Tri-coat, Black Clearcoat, Vapor Silver Clearcoat Metallic and Stone Green Clearcoat Metallic
ستون قرين

هالمجموعة توفر داخل السيارة دعاسات و سجادات سوداء , خشب
إيبوني , لون صخري فريد او جملي مع كراسي من الجلد الاسود و
تقطيب اسود بعد و شعار لنكولن مخيط على كل مسند للراس

و الالوان بنلقى فيه ثلاث ألوان خارجية جديدة ابيض ميتالك , فضي
ميتالك , و اخضر حجري نفس الالوان اللي قلته قبل شوي تقريبا


من انظمة الترفية في السيارة نظام الـ DVD في الكونسول الوسطي و هي
عبارة عن شاشة 6.5 إنش تشتغل باللمس و ما جت عباطه هالشاشة
صمموها علشان توفر الوضوح و كتابة الكلام اللي تقوله لها و هي
تقنية تقراء و تتواصل عن طريق اعاطئ توجيهات و اسامي الشوارع
بثلاث لغات عسى فيها عربي بس


نظام السيارة الصوتي اللي اختيرت الشركة المصنعة له وهي THX
كافضل نظام صوتي ستيريو عام 2006 بمعرض كار تك و هالنظام
يستخدم 14 سماعة مع امبليفاير بـ 12 محطة مع 2 سوب ووفر
ينتج 600 واط موضوعه بشكل استراتيجي داخل الكابين



بتكلم عن المواصفات الاختيارية لها ..
المونوكروم اللي تكلمت عنه , تجهيزات مجموعة إليت , تجهيزات
مجموعة الجر , جنوط 20 إنش , واجهة كبوت من الكروم , مقاعد
جلدية منقطة , شاشة ترفية خلفية DVD



و بس













منقول

مــــــــــــــووووتـــــــــــــــررر والله

مشكووور على الصور وتقبل مروري

مشكور على المرور الحلو

السلام عليكم ورحمة الله وبركاته


مشكوور حبيبي الامير على موضوعك ..

ننتظر جديدك .

مشكووور على المرور الحلو