|
رجيتك ياحبيب العمر.. رجيتك لاتنـاسـاني
بشيل الحزن في صدري وأبتفاءل بكم كلمات
وأبعلن للفضا كله ترى حزنـــــــــك سكن فيني
وأبضمد هالجـــــراح اللي بواريها مع البسمات
وأبظهر وجهي الثاني يا كود اللـــــــــه يعافيني
من همومي من أحزاني من آهاتي من الحسرات
من ظروف الزمـــــــــان اللي من ألوانه يوريني
وأبهجر دنيتي وأرحل لغربـــــــة عالمي بسكات
و معي زادي من الذكــــرى بعد فرقاك تغنيني
وإلا مني غديت بعيد أببعث لك مع الهمسات
وأبشرح لك عن أحوالي وعنْ سواة الزمن فيني
وطلبتك مني لا تزعــــل و لاتبعد بك الهقوات
تطمن حبـــــــــــك بقلبي ومستوطن شراييني
ولاقبلك سكن قلبـــــــــي ولابعدك أبد هيهات
أحب في دنيتي غيـــــــــــرك ولو إنك تعنيني
تشاركني همــــــومي في زمان الهم والمأساة
ودمعـــــي تمسحه بعطفك قبل ماتذرفه عيني
بعد ذاك الزمان اللي قضيته جـــــرح مع ونات
ياكيف اليوم ماأحبــــــــك وحبك زينة سنيني
وعلى فرقاك صدقني أببــكي وأذرف الدمعات
وأبنسى إني نسيت أنسى غـــرام دوم ينسيني
عــــذاب رافق عيوني ، ألم مع قسوة الطعنات
ياربــــــــي كيف أنا بنسى وأنا الذكرى تسليني
هنا أبصمت على جرحي وأردد يازماني هات
ترى قلبي غدى صخـــــــرة أبد ماعاد يحييني
وأبد ماعدت أنا أقـــوى كثيره منك الصدمات
و جرحك خنجر بصدري وفرْحك حيل جافيني
أحبك كيف ماأحبك وحبـــــك ساكن بالذات
ومناي إني أضمــــك حيل ولكن وينك و ويني
قضيت الليل أهوجس بك وأرددها مع العبرات
طلبت الليـــــــل يجمعنا ويقر بشوفتـــك عينــــي
حبيبي لارجيت الليــــــل ولاجاوبتـــك النسمات
رجيتــــــــك لاتنـــاساني ولا تنسى عنــــــــاويني
وإذا جاك الخبـــــر منهم ترى خلك توفى ومات
بقول إلهم غــــرامـــــــي انت وهذا بينك وبيني
رجيتـــــك ياحبيــب العمـــر لاتكثر من الضيقات
|