لا تـغرّك دمعتي لامن بكيت
الحزن ضيفي: ودمـعي أجودي
فتـّـش التاريخ في صدري ولقيت
أتعس الأشياء: لحظة مولدي
وابتدى جرحي وأنا معه أبتديت
وانقـتل فرحي وكفنت اسعدي
من كـثر: مـ /أحلم وبـ أحلامي ارتديت
أثرني بالحلم: عرّيت اجسدي
وانكسر (مجداف): عمري وأحتريت
ريح: تدفعني واحقق مقصدي
ليه أدوّر من (ورا) عيوني مبيت
والسّهر جرّح طوارف مرقدي
عام كامل كم كتبت وكم محيت
خايف الأقلام (تشره) من يدي
كانت حروفي بسيطة واستحيت
قلت أبثبت بالطريق السرمدي
ما وعيت أحيان: وأدري لا وعيت
للظروف القاسية صرت الفدي
قمت اقلـّـب دفتر العمر وسهيت
كم (ديارٍ) من حنيني ترتدي
ما تذللني دروبي لو مشيت
يكفي إنّي جيت للدرب وحدي
كنت غافي في غنى (النفس) وصحيت
ما دريت النفس (بالمال) اتغدي
ما ذبحني غير لامنّي حكيت
كم عزيزاً (حاجته) بيد الردي
من بيادر وقتي الحاضر خذيت
صووت أمي كان (ماطاح) ولدي
خوذ نوري: خوذ عيني لا غفيت
انت وردٍ (فاقده) صبحٍ ندي
في (ملامح) وجهك الذابل قريت
شاعري من كل نهاية يبتدي
بعدها صرت المدينة: بيت بيت
وانتظر رجعة (غريب) لموعدي
مرّني حزني وهلـّـيت وبكيت
التعب (ضيفي) وعشيته اجسدي
..
|