ألا يا مل قلبٍ كل ما جا الليل جاه خلاج
يلوج ويجتلد بالصدر والعربان ممسيني
انا متحيرٍ ما ادري عن المدخال والمخراج
الا واعمس رايي ما لقيت اللي يقديني
الا يا مجيب دعوة من تصافق دونه الامواج
أنا بحماك يا وال الخلايق لا تخليني
ألا يا وجْد روحي وجد من خلّوه بالمسهاج
كسير الساق بنحور المعادين المغلّيني
الى من دك هاجوسي ولو اني على ديباج
ولو جَنّي جميع البيض غيره ما تسليني
الا واهَني مخلوقٍ يفرّج ضيقة الادلاج
الى منه دخل بالسوق غادٍ له مياديني
ترى بعض العرب فعله بروحه مثل فعل سراج
يضوي للعرب والنار في قلب المسيكيني
<< من القصائد الخالده .. لـ الملك فيصل بن عبدالعزيز آل سعود _ رحمه الله
|