شريت حوت ودافع الفين دينار
يالله ياعالم خفيات واسرار
يواحد(ن) تستر عيوب الخليقه
سبحانك المجري بحيرات وانهار
ادخل عليك اطب ذيك الحريقه
يارب تجعل لي معزه ومقدار
وتفرج لعين(ن) همها ماتطيقه
شريت حوت ودافع الفين دينار
والحوت في بحره بغبه عميقه
بنيت في سعره عمارات وادوار
وطبخت من لحمه ايدام وسليقه
قالو لي أسلم عادة الوقت غدار
زرع مشاكل بين شق وشقيقه
ماطعت يوم الناس قالو لي اشوار
ركبت راس(ن) فكرته ماتعيقه
والحوت جاله فالبحر شبك بحار
خمه وشبكه ماله الا دقيقه
واليوم حظي يصفق يمين بيسار
خرب على نفسه وضيع طريقه
من طلق الثنتين لو كان مختار
يصبر على لوم البشر والخليقه
بدعي وربي واحد(ن) فوق جبار
يفرج لعين(ن) همها ماتطيقه
|