طشوا الدنيا على كتفي وراحوا
....اتركوا لي كل هالحمل وجفوني
الله يسامحهم اشلون استباحوا
....دمع عيني , وارحلوا ما ودعوني
كانوا الأكثر تعب بس استراحوا
....كانوا الأضيق مدى لين اسجنوني
اضحكوا ما كنهم في يوم ناحوا
....اعقلـــوا ما كنهم ربــوا جنوني
كثر ما طالعتهم بالوجه شاحوا
....قد ما اتشبث بذكراهم نســوني
كل ماهبت رياح الشوق فاحوا
...وين مايممت وجهــي حاصروني
وان برق نسيانهم بالعين لاحوا
....غير عن شوقي بصورتهم ملوني
ليتهم يوم ان دمعي طاح..طاحوا
....بس لو قلبي رضى عيَـت عيوني
غافلوا قلبي مسا الفرقى وراحوا
....كـل شي اخذوه لكن ما خذوني ..!!
ع ـبدالله مدعج
|