منتديات هيبة ملك منبع إبداع لاينضب - عرض مشاركة واحدة

03-21-2010, 04:19 PM

ماادري احس تشبيه قناع الطفولة غلط
بالعكس الطفل ماعنده قناع يختبئ فيه
يعبر عن احتياجاته وامنياته بكل صراحة وبراءة

ولأن النت مكان مجهول محد يعرف الثاني اغلب الناس تاخذ راحتها
لأننا نكون بدون اقنعة وكل واحد يقول راية بصراحه
وبدون مايشيل حساب راي الناس فيه
انا بطبعي صريح وفي النت صريح بزيادة

اهم شئ اني مااجرح احد ولا اتهمه مجرد اعبر عن رأيي

عاد الي يحط اقنعة بالنت ولا يعبر عن شخصيته ويصطنع هذا فيه بلا

صح الكثير مايحبون يسمعون الحقيقة لانها مؤلمة
لكن من فترة لاخرى حلو تعرف اراء الناس الحقيقية عنك
موب يتكلمون معك باسلوب مافي احلى منه وبقلوبهم شئ ثاني
ومع اي موقف تستغرب من ردة فعلهم !

رأيي ان الواحد يعبر عن شعوره بطريقة محترمه
بدون الكذب والمبالغة بالمدح وبهذا تنطمس الحقيقة
ماانكر انك احيانا تضطر للمبالغة والتملق بس لازم يكون عندك هدف

مثلا تبي تضيف مادة لدكتور لازم تمدحه وكذا طبعا موب دين

بس عشان تمشي امورك في هالدنيا
لكن بمحيط الفرد العادي وعلاقاته , مافي أفضل من الصراحة والحقيقة

تسلم يمناك
طرح راقي