مصافحـه لهـا
بكره اسافـر وتعـدى المسافـات
وحاول ابعد مـن خيالـي خيالـك
ماعاد باقي للسفر غيـر ساعـات
يمكن الاقي فـي حياتـي بدالـك
هذى النهاية يوم كنـت البدايـات
دعيت قلبى بالمحبـة وجـا لـك
شكلت حبك فى فنـون الدعايـات
شربت مرك ما روانـى زلالـك
ذوقتنى بالحـب لوعـة ولوعـات
نسيـم صبحـك بدلتبـه رمالـك
مثلت حبك من نسيـج الروايـات
شمسك عليـه ماوقانـى ضلالـك
ارجوك لاتبكى على كـل مافـات
وانت السبب فى هجرتك وارتحالك
عشنا معك با لحب صولة وجولات
ساكن بحبك وسط قلبـى لحالـك
واليوم زولك يطرق البال حـزات
يزورني بالطيف نـوره هلالـك
عساه يمضي بالفجوج الفسيحـات
لاروح انا بين التعـب والمهالـك
تعمى عيونى كان جادت بعبـرات
وان كان تبغى بالمحبـة وصالـك
رميت حبك فى ارشيف الملفـات
وبالامس حبى ثلج يكسى جبالـك