--------------------------------------------------------------------------------

لا تفكر لحظه عنك .. ابتعد
كل تفكيري في قربك يا ملاك

أنت نبضي في دمي والجسد
لا ورب الكون ما اعشق سواك

حبك "ف"قلبي لهايب تتقد
ليت تدري يا بعد عمري ابغلاك

يا قمر دنياي ما غيرك وجد
في حياتي وما أقبل الغالي سواك

شفت رمل الكون ما يحصى بعدد
والنجوم اللي اعتلت فوق ابسماك

والبحر والارض وأثمار الورد
وحالي ومالي وما أملك فداك

ولو ملكت العالم بيدي .. بعد
ما يعادل قربك وقربي معاك

ولا يساوي شخصك السامي أحد
بين كل الخلق عالي مستواك

وحتى آخر يوم من عمري وعد
ما أبدل كان من كان ابهواك

موت أحبك .. موت أحبك .. للأبد
يا عسى يحفظك ربي لي عساك