دخيـلـك لاتبّكيـنـي
يضيق الصدر .. لاشفتك .. حبيبي تمسح دموعـك
ترى مااقوى على حزنـك .. لـك الله لاتبكّينـي
حبيبي للفـرح دايـم .. ابيـك اتوّقـد اشموعـك
تعال وشوفها احزانك .. بَنَت في روحي افروعك
هدمت افراح من شانك .. وماتـن بـي بساتينـي
حرام ارتاح في نومي .. إذا ماارتحت بهجوعـك
حبيبي وش تبي قلي .. أنا كلـي رهـن طوعـك
علامـك يابعـد عمـري .. حزيـن وماتحاكينـي
تعال وخذ من اشعاري .. تسّلا عطني اسموعـك
وإذا ماجاز لك شعري .. حرام اتخطـه ايدينـي
تبي قلبي ترى جالك .. رحل لك .. داخل اضلوعك
تبي روحي .. تبي فرحي .. تبي مالي .. تبي عيني
حبيبي جيتك ابدمعـي .. وودي تمسـح ادموعـك
أنـا غصّتنـي العبـره .. دخيـلـك لاتبّكيـنـي
|