عند الشباب:
سلمان: هالحين ماتقولون لي هاشيفه وين راح خاي كلا قلبي وهو يسال
نايف: والله مدري عنه
عند البيبسي(مروان_ومشعل_ ورامي)
رامي: خاف صار له شي ولا انتحر
مشعل:والله يسويها الله يهديه عقليته مدري من وين جايبها
مروان: ياتافهين اسكتوا والله اني احس بالذنب ني كذبت عليه
مشعل استغل الفرصه: والله يمكن وعاد ذنبه برقبتك اذا جاه شيحلها انت
رامي اللي اعجبته الحركه: لالا عاد انت كذبت وديت الولد في داهييه
مروان: توه بيرد خش نواف
نواف: الحين ياسوس وش قاعدين من ساعه تبربرون اكيد تعرفون وينه
جا عبد العزيز وحمد ووقفو على روسهم
حمد: ورما تتكلمون ياتافهين
عبد العزيز: تكلمو وخلكم ناس عاقله
.......: السلام عليكم
التفتو: وعليكم
مروان قام: وينك ياشييييييخ تعبنا وانا ندورك
وائل: واحد ما الربع خربت سيارته وهو قريب وصلته ورجعت
مروان( علينا اكيد انها قالتلك شي وزعلت)
سلمان: رح لابوك ترى غثني عليك
وائل: طيب
يوم راح
مشعل: اخص والله الولد هادي وشكله مرووووق عل اخر
رامي: الحمد الله ماجاه شي امشو نقعد
ــــــــــــــــــــــــــــــــــــــــ ــــــــــ ـــــــــ
عند البنات
نسايم: واللله مليت بهالغرفه
مشاعل: اي والله
فهده: بنات وش رايكم نروح للددسن
رهف: حلوه بس لاتعيدينها
نسايم: انت ماتوبين عندك عزيمه الله وعلم من وين جايبتها
ناديه: لالا الله يعافيكم كلش الا هذي
فهده: خلصتو يالبقر
البنات:؟؟؟؟
فهده: افهمو بعدين حاجو الددسن اخر شي موقف بالكراج يعني محد جتي لمه نروح ونقعد فيه وانتي يارهف جيبي
اللاب توب حقك وانا بجيب الاونو وناخذ تموينات السهره ونفرش الددسن ونقعد على ضوء القمر
نهى: حبيبتي والله يلموني فيك يلله
وطلعو البنات ونفذو اوامر فهده بكل دقه عن لا تذبحهم
(خلونا نتكلم عن فهده شوي فهده بنت قياديه وقويه وماعندها فحد تمشي الكل بمزاجها بس مزاجها دايم يكون حلو وعادل بحق الجميع دلوعه ابووه لو ايش يصير فهده غير
رامي يغار منها لانها الدلوعه حمد اخوها احيانا يخاف عليها واذا عصبت تنقلب 180 درجه ماتخلي شي ماتسويه وفرفوشه وحبوبه شخصيتها ترجع للشخصيه جدتها ساره كثييربطبايع والحركات)
جلسو البنات على سوالف وضحك
ناديه علىاعصابها وحالتهال حاله تفكر ماتدري انه منسدح مع الشعب
ندىك بناااات مامعكم شي يردح
مشاعل: والله اني كنت بجيب الاستريبس ماكفت السياره
ندى: مالي دخل فيني زيران بطلعها
العنود: شهيتيني ارقص دبروها
رهف:وانا وين رحت افا عليكم
ندى:؟ انشالله بنغنين انطمي احسن لك
العنود:لا يكثر ودوريلناحل
رهف: يالجهله وهذا وش فيه وتاشر على اللب توب حقها
ندى: هذا التفكير الصح
رهف: يله وش تبون من اغاني
ناديه: بنات ظلاام خاف يجون بسم الله علينا
مشاعل:وانت متى بتكبرين خلي الخوف على جنب
ندى: بنات انا ببدى الرقصه
فهده+نهى بلعبون اونو وسااجين
ندى كانت لابسه تنوره اللي موديله واسع وفيها جميع الاوان وع كورساج بنفسجي لانه اللون الكثير بتنوره وحاطه بشعرها ورده يعني بصراحه كذا جبسي(غجريه)
رهف: وش تطلبين
ندى:اممممممممم ايه ابي اغنيه لو بص يعيني للسرين عبد النور
العنود: اخص يللي تعرف تختار ولا على نفس اللبس حركات والله
فهده: اقوا يمدحون يادار
العنود:هههه اسكتي ياعجوز زمانك تبي اغنيه ترقص عليها لحالها ويادار صدق بيطلعةن السكن علينا
رهف: يللله ندوش اديلو هذي الاغنيه بتبدي
ندى: قامت ترقص ومستانسه وتقلد رقص سرين
نشلعل: ندى ارقي فوووق تنده السياره قلديه
ندى: رقت وقامت ترقص مثثلها
ــــــــــــــــــــــــــــــــــــــــ ــــــــــ ــــ
من جهه ثانيه عند الشباب
نواف: بروح اجيب هدومي وجي
عبد العزيز: وانت ماتترك هاعاده جب شنطتك هنا وخلاص
نواف: ايه عشان اجيبها ملايانه وارجع فاضيه
نايف: افا اخوي ماخبرتك قعيطي
نواف: منب قعيطي بس مابي اشوف هدومي على كل اللي جالسين تقول الاميره ديانا مسوين لها عرض
حمد: اقول قم قم رانا سهره
نواف مشى وركب سيارته مكانت على نفس صفه الددسن بس بينهم اربع سيارات ركب قدام يدور اشرطه و وكرتون مناديل واشيا بينزلها
ويناظر وش هذا اللي بسما وخصوصا الظلام مو مخلي احد شايف شي
بسم الله الرحمن الرحيم وش ذى
ــــــــــــــــــــــــــــــــــــــــ ــــــــــ ــ
عند البنات:ة
العنود:عاشت ندى يلله ورى ورى
نسايم: ندى لفي مثلها وهي تدور
ندى توهابتكمل الدوره طاحت
عند نواف كان الجو هدوء وفجائه صار ازعاج صوت هجزوم علىدفاع لالالا هذا صوت البنات وفتح لمبات سيارته ويشوف وحده طايحه
مشاعل: بسم الله عليم\ك ندى قومي
ناديه: اكييد بسم الله علينا بيدخلون فيها
فهده: والله اناماسكتي لخلي لليتك سودا والله انك بزر
العنود نطت تشوف وش سالفه
العنود: ندى ندى ندىى
ندى: لارد وخصوصا انها معطتهم ظهرها
العنود: تحاول تحركها ندى ندىىىى
بعد نفس الشي
نواف نزل من سيارته يوم شاف العنود
وهو بعيد
العنود: وش صاير عندكم
العنود: اللي صاحت ندى طاحت مدري وش فيها ماتت
نواف: وش هذا الكلام
العنود: نواف البنت ماتتحرك تعال شفها والعنود صاحتمن قلب لان ندى لها اككثر من عشر دقايق وهي كذا
نواف جا ولا يدري ان الطايحه ندى
العنود: نوووووواف ومسكت يده ماتت
نواف : لا انشالله ماصار شي ونزل للمستوى الارض
ولف وجهها واستغرب منها من هاذي بنات عمي ولا وحده فيهم كذا<<< الاخ مضيع
نواف يضرب خد ندى ويوخر شعرها على وجهها
ندى فتحت عيونها :واااااااااااااااااااااااااااااااااااااا اااااااااا اااا
جلست على حيلها: بسم الله انت وش جابك هنا
نواف: رفع حاجبه يوم سمع الصوت واسلوب الحكي عرف انها ندى
العنود: بسم الله عليك ندى وش فيك شي يوجعك
ندى: مسكت راسها لانه كان يوجعها لما انتبهت ان ماعليهاعبايه مشت ودخلت جوى
العنود: ندووش وش هالحيا اللي جا فجائه
نواف: بيروح وقال للعنود اذا حست بشي يوجعها ولا شي قولي لي اوديها المستشفى
العنود ابتسمت: وااله انها دواك
نواف : خير وش قصدك
العنود: ولاشي تسهل الله يعافيك
ندى جوا: تصييييييييح دخلت العنود:؟؟؟ استغربت منها كثيير؟؟؟
العنود: ندى في شي يوجعك
ندى : تهز راسها لا
العنود:اجل وش فيك
ندى: شافني.... وانا ....موب متغطيه...... وحالتي حاله ومن بين شهقاتها ضحكت
العنود( وش جاها البنت خاف بسم الله علينا على قوله نادديه لعبو بحسبتها): ندى وش فيك
ندى مسحت دموعها ولا شي برووح اغير
ندى كانت تبتسم لانها كانت تلعب على البتنات مافيها شي كل هذاك تمثيل بس يوم جا نواف خلاص ماعد فيها كلام
وتذكرت شكل عيونه حلووه بس صدق انه مايستحي وشلون يجي يقرب مني وانا مو من محارمه حرام ايه بس هو جاي يساعد
انت اللي لعبتي..... تحملي لعبتك.........
ومن هالكلام يجول بخاطرها
نهايه الجزء
بعد سهره طويله عند البنات والاولاد وايام حلوه ومواقف مؤثره بيطلعون من المزرعه في الصباح الساعه السادسه بتوقيت ضاحيه بمبان بسعوديه روعه ولااحلىكانقاعد يفكر في حياته كيف بدت وكيف ماشيه لحين كان همه الوحيد يرضي الناس بس الناس ماتهتم لراضاه قاعدمندمج بالافكار
حس بيدد دافيه تمسك كتفه التفت ولحظه صمت درات بينهم كان الكلام يدور بس بلغه ثانيه ...
سلمان: صباح الخير
نايف بعد صمت: هلا
سلمان: نايف لاتزعل مني اناعارف اني جرحتك بكلامي بس انا ماقلت هل كلام الا خوف عليك وعليها والله يشهد علي اني اتمنى اسعدك باي طريقه نسايم بنت هشه ماشافت من الدنيا شي والله انها جوهره محد يلقاها اناخايف عليها وعليك
نايف كان يناظرقدامه بلاهدف وتعابير وجهه بارده
نايف: من قالك اني زعلان والدليل اني.....
سلمان: لاتقول انك مو زعلان انت زعلان والدليل امس كنت تكلمني وجالس معي عادي بس في عينك حزن فوق حزنك اللي تعودنا عليه كنت ماتحط عيونك بعيون احدافهم يانايف الحياه ماتمشي كذا خلاص انسى كل شي
نايف التفت له: صـــــــــــــــــــعــــــــــــب
انسى انسى لحظات حياتي هذي روح راحت ماهي أي شي محد بيفهم الكلام بهاسالفه ضايع لو بنسى كان نسيت من 7سنين مو الحين خلاص قوم نشوف الاهل
سلمان ما ياس انه يخليه يبتسم: طيب بس انت راضي علي الحين
نايف ابتسم غصب: وشلون مارضى عليك انا اقدر
سلمان: قم نقوم الامهةالنايمه ورانادرب
ــــــــــــــــــــــــــــــــــــــــ ـ
عند البنات:
الجده داخله بعصاتها بتقومهم هذا اللحل الوحيد
الجده وهي تضرب فهده بالعصى:قومي ياسوسه اخلصي ترى مانيب رايقه
فهده: امي ساره متى ماصرتي رايقه دايم شابه خلينا النوم
الجده: وجع قومي ولا والله مايفكني عنك شي
نهى: امي ساره عن الازعاج
العنود بسابع نومه وماتميز اصوات المزعجين: اسكتوووووووووووووووو بنوم وجع
الجده وطت البنات بطريقها للعنود
الجده: ياتسلبه ماتستحين<طلع الصدق
العنود: اوه امي ساره والله احسبك ندى والا فهده
الجده: قومو لا والله مانروح للمزرعه مره ثانيه
قامو البنات بعد مشقه وعناء وتعب
ندى اللي يشوفها يقول سكرانه مشيتها يمين يسار
ولا والكلام مو بهذاك الزود
دخل فهد
يااااااااااااااااااااااااوووولد
فهده: ادخل ماعندك احد
فهد: يعنبو بليسك وانت وش تصيرين
فهده: انا متغطيه ادخل اخلص
فهد : زين........ندى وين غترتي
ندى: بثلاجه
فهد: عن الهبال
ندى: والله انها هناك انا حاطتها امس<< كانت تتكلم بجديه لاتستحمل المزح ( بنتكلم عن ندى بهذالجزء ندى بنت حساااسه ودايما تعصب اذا احتست من شي بس عليها هباله ومزاجها متقلب ونادرا ماتترك لاحد حق عندها ساء هوشه ولا معروف كله واحد ام شي ترد ومثل ماقلنا تعاني اذا مانامت زين واذا نامت وهي زعلانه تصبح خطر على المجتمع)
فهد: ياربيه اخلصي والله جدي فيذاك ذابحنا هواش حتى رامي هالمسيكين خلاه جدي يكنس الحوش عشانه ماقام
دخلت ام فهد: فهدة... وش عندك
فهد: ابدا ابي غترتي
وام فهد وهي تاشر على الكنبه الللي بجنبه: هذي هي
فهده: هههههه ماردى من اختك الا انت
فهد: اقول فمانالله لايخليني جدي اغسل الحمامات (تو بكرامه وطلع)
تجمعو الحريم جوا لابسين عباياتهم والبنات معهم
ندى: امي ساره افصخي عبايتك بتموتين حر
نهى: والله هالحريم مستعجلات اذا قالو لكم البسوها
العنود: اشكالكم تحفه(هههه) الخال سعد: ياولد والله منب طالعين الحين بتغدى هنا بعدين بنطلع لان الساعه 11 والشمس حاره ولا لكم راي ثاني
ام عبد العزيز ابد مالنا شور عقب شوركم وهداياه الله
رهف: هههههه يلله فصخو عباياتكم
وجلسو وتغدو وبعد الغدا الشيبان والحريم راحو نامو مابقي الا الشبيبه
ـــــــــــــــــــــــــــــــــــــــ
عند الاولاد:
سلمان: طفشت من خششكم بروح عند حبيباتي
مروان: من اللي هنا والاالي هناك
سلمان: لا اللي هنا
نواف: يعني فيه هناك
ضحكوــــــــــ
سلمان: وجع حرام عليكم
مشعل: والله شوف اذا انت..
سلنان: اوص اوص انا اروح احسن
ــــــــــــــــــــــــــــــــــــــ
عند البنات:
سلمان عند الباب: ياولد
رهف: ادخل ماعندك احد عاد سلمان جاب العيد ودخل
مشاعل: وجع وانا وين رحتــــ ــ ــ
وتغطت بسرعه طلع سلمان وقال: ياولد
فهده: ادخل
سلمان: اكيد
: اكيد
سلمان: اخر كلام
:فهده: ايه عاد عن تغلي وادخل
دخل سلمان
سلمان: شخباركم
رهف: اكره الالسئله الل غبيه توك الصبح فاطر معنا
سلمان: جاملي يكافي ليت عزوز معطيك شوي من حنيته وادبه واخلاقه
رهف: منهو هذا لايكون اخوي اسكت احسن
جلسو يسولفون
ودقايق
وائــــــل: ياووووولد بلهجه سريعه: فيه احد( ناديه تقول اكيد جاي يراضني بعد تفاهته امس معي<< يشين الغرور) تغطو البنات ودخل وهو يدور اخته من هالالوان
: مشششاااعل
مشاعل: نعم
وائل:......
مشاعل: وشوو وايل لاتهبل فيني
وائل: خذي ومد الجوال
ناظرته مشاعل بعديتن
تكلمت: الو
ياسر: هلا بصاحبه هاصوت
مشاعل: هلاااااااااااااااااااااااااااااااااااااا اااواااااا اااات وينك ياشيخ ماتتصل ولا تسال وبدا مو جه من الصياح تعلن قدومها
: موب حرام عليك شهرماتسال
ياسر: والله المشاغل شعوله
لاتزعلين خلاص اوعدك مانقطع عنك
مشاعل: اوانا اقدر ازعل يابو سعد ازعل من الناس ولا ازعل منك
ياسر: هذاالحجي للي نياه< بللهجه الاماراتيه
مشاعل: اكيد هزاع ماثر عليك
ياسر: وانا اقدر امش حال من دونه فديته
وائل: شعييل عطيني الجوال بكلمه
خذى وائل الجوال وكلمه وسكر
مشاعل: وائل وش قالك يوم تقوله لاتخاف
وائل: يالقاافتك ياشيخه
مشاعل حست بالفشيله: اقول اقلب وجهك
فهده: وائل تكفى نجاسه اقعد
وائل: والله انك تفهميني سوسه وكمل بنبره تحدي مشتهي اطفر بامشاعل شوي
مشاعل: وجع قم احسن
ناديه تناظر وائل بين فتره والثانيه وتتمنى يناظرها
وهو ماجاب خبرها او يحاول مايجيب خبرها وعلى هالحال وناديه تحس بكرامتها انهانت ماتدري ليش هي متعوده تتغلى على وائل ولو بنظرات بس كذا ماتعودت
وجلسو يسولفون ويضحكون وسلمان مكيف ساعه يسولف ساعه يسرح الا ان طلع الخال معلن وقت الخروج
وطلعو وركبو السيارات
فهده: عزووووز خلك عن العجز وقم شل شنطتي
عبد العزيز خذىشنطتها من دون ولا كلمه
( نتكلم عن عبد العزيز بهذا الجزء ولدمنتهى الرومنسيه والروقان يكره الكلام مو الكلام بحد ذاته الجدل يهتم بنفسه عايش حياته بروقان فوق الخيال وهو هاااادي جدا ويسميه حمد عاشق الصمت فهده تستانس لما يطيع اوامرها من دون نقاش ويملك صوت حنون كثيير بالغناء وحتى بالكلام العادي ويدق عود بمهاره وله عالم خاص مافيه احد غيره و..و..و عبد العزيز شخصيه مميزه مايوفيها الكلام مع ةالاحداث بتتضح شخصيته)
نهى: حرام عليك مو عشاننالولد يسكت تستوطين حيطه
فهده: اصلا هذا لوووووح مايحس انت مصدقه بعد لله فلله يختي مطيع
سمعها عبدالعزيز واوجعه
فلبه ليش الناس تفهم تصرفاته غلط
حساس ومايدري ان بعض الكلام يكون مزح
وعاد فهده خربتها
ركبو السيارات واتجهو للرياض مقرسكنهم وصلو وكل واحد شال عياله وراح بيته
رهف اول ماوصلت فنحت اللاب توب صديقتهادلال مسافره لها اسبوع ولا فضت
تكلمها
راحت وسوت لها اضافه
ولقتها اون لاين
صيفنامع اهلنا احلى:<رهف
اه لوادوس ارض السعوديه< دلال
صيقنا مع اهلنا احلى:
هاااااااااااااااااااااااي
اه لو ادوس ارض السعوديه:
هلا
صيفنا مع اهلنااحلى:
دليل وجع هذا استقبال
اه لو ادوس ارض السعوديه:
نعم
صيفنا مع اهلنا احلى:
دليل عن الاستهبال انتي الظاهر انهبلتي
( اللي طان يقرا كان يواجه صعوبه لانو ماعنده خبره كبيره بالعربي وعاداذا كان عامي هذا غير الكلام المكسر او اللي نحذفه حروفه)
نهـــــــــــــايه الجزء توقعاتكم ردودكم اراكم محط اهتمامنا
وائل وناديه بيصير بينهم شي؟
نايف ونسايم هل من جديد
ووندى ونواف هل هذا بيكون الهدؤ اللي يسبق العاصفه؟
و الجد والجده هل من جديد؟؟؟
واخيرا رهف من كان معها اون لاين؟؟؟؟؟؟؟؟
|