عــــشاق البلــــوت
لي متى تنزف جراحك في خفا ظل السكوت
ليمتى وانتي حزينة00 بس دايم تضحكين
علميني كان باقي للحكي والبوح صوت
اشرحي لي كيف جرحك طول هالمده دفين
فهميني كيف نبني للفرح فينا بيوت
واحنا داخلنا مآسي ضمها قلب حزين
سولفي لي عن جروحك قبل ماوقتك يفوت
صارحيني يالعظيمة لو في كلمتين
جوهرة عاشت حزينه وابتلعها اليوم حوت
عاشت الماضي حزينة وحزنها الحاضر سنين
طبعها مثل الملاك وطعمها سكر وتوت
بس لو تمشي يسار فخطها يمشي يمين
لعبت الاقدار فيها00 لعب عشاق البلوت
وعقب هاالمأساة سمعت عن جموع لايمين
ليتني آخذ همومك ليتني قبلك اموت
ليت هاالأقدار بيدي وامنحك لو يوم زين
الشاعرة**اسرار العناد**
|