يجي منك من بعد الوفاء تبعد وتنساني
ويجي منك تتكلم علي وتحب لك ثاني
غلط منك لان الظلم لك مايدوم
ياويلك في الهوى ظالم وانا المظلوم
ماهو منك انا شلتك وعليتك بأيماني
ماهو منك انا غلط مني ارخصت ميزاني
وغصب عنك ترى الظالم يجي له يوم
ياويلك في الهوى ظالم وانا المظلوم
حسبت انك روح العمر لي ونوره عياني
وحسبت انك اذا ينسى القدر مايوم تنساني
واثاري انك حرمت عيوني النوم
ياويلك في الهوى ظالم وانا المظلوم
حكوا في اذنك فتحت الباب للعاذل والشاني
حكوا في اذنك شلت الطار وهم غنوا على الداني
سهوا منك تتسمع كلام اللوم
ياويلك في الهوى ظالم وانا المظلوم
|