منتديات هيبة ملك منبع إبداع لاينضب - عرض مشاركة واحدة

08-26-2007, 06:43 AM

بـــلا تفســير...!؟

--------------------------------------------------------------------------------

[align=center][frame="7 80"]هني الحمام اللي يغـرد بوقـت أعصيـر
وأنا النوم قـد لـه عـدة ايـام ماجانـي
تغرد وتمرح وان نـوت للمـراح اتطيـر
ورجلـي حسيـره والفكـر دوم ولهانـي
سببها الحظوظ اللي مشت بي على تقصير
وحالي سببهـا ياهـل العـرف متدانـي
سبايب زمانٍ صار جـوره بـلا تفسيـر
تعمـد ينـزل قـدر نـاسٍ لهـم شانـي
رجالٍ لها التاريـخ سطـر مـع التقديـر
مواقـف بطوليـة لهـا ألفيـن برهانـي
مواقف ارجالٍ عجز في وصفهـا التعبيـر
ظلمها الزمـن بالعولمـه والعمـر فانـي
رجالٍ مهي تاقف مع مـن يطـق الزيـر
ولامنها لـابن اللاش صاحـب وخلانـي
قتلها الزمـن يـومٍ تـردا وعـز الغيـر
ثعالبه شبعـت فيـه والذيـب جوعانـي
غدا فيه راعي المسك يمشي مع أهل الكير
تخالط به أسلوم البشـر قاصـي ودانـي
به المعجزه والميل والمستحيـل إيصيـر
به الصدق ما ينفـع ولا الواقـع إيبانـي
عسى الله يذكر وقت عصرٍ مضى بالخير
زمان الكـرم والجـود للرجـل عنوانـي
زمانٍ به الشجعـان يـردون جـم البيـر
ولابينهـم حـاقـد ولافيـهـم الـدانـي
زمانٍ من أسلومه خذينـا دروس إكثيـر
قبل ذا الزمن يجعـل مـن الأخ قومانـي
فلا يالحمام اللي تغنـي بوقـت اعصيـر
دخيلك ترى صوتك يهيض بي اشجانـي

تقبلوا فائق الاحترام والتقدير
واتمنى ان تنال على اعجابكم[/frame][/align]