..{ ياِّعسَىُ الدنّيَا تِموٍتْ ]|..
ياعسى الدنيا تموت ومايعيش الا ترابك
يااحبك واعشقك واهواك والا يفتح الله
******
ماتعودت افتخر باحساسي الا عند بابك
ايه احبك والقضية واضحة والشاهد الله
******
يطرد المظلوم خصمة وانت خصمي ياهلا بك
ياهلا بك يوم تجرح خافقي ويسامح الله
******
ياهلا بك يوم تلحق غيمتي والحق سرابك
جابك الله في حياتي ياحياتي جابك الله
******
ليش مدري وين مدري كيف مدري بس جابك
كل ما قلت ابتدينا في المحبة قلت يالله
******
مادريت ان النهاية بين بعدك واقترابك
احسب اني كل شئ في عيونك يعلم الله
******
واثرك عينك مستعفة ما تحب الا حجابك
انظلمت و لاشكيت و لاتركت الامر لله
******
كان همي انتظر باقي عذابك في عذابك
الله الله انتبه واحذر وفكر الله الله
******
مثل مااحسب حسابي في هواك احسب حسابك
ما طلبت المستحيل ولا رجيتك شئ لله
******
ما طلبتك ارتفع من حجرتي واسكن سحابك
يصرخ القلب المعذب يالمعذب وكل الله
******
شاب حبك في عيوني وانت توك في شبابك
رحت شئ وجيت شئ مختلف ياحسبك الله
******
تصدق اني ما بغيت اجلس مع حضرت جنابك
غيٌرك ذاك الزمان ويازماني منك لله
******
ليش ما غيرت فيني شئ يوم اني اهابك
ليش ما علمتهم عن قصتي وتوحد الله
******
يعرفون انك سؤال ويعرفون اني جوابك
ويعرفون اني عرفت ولاعرف اغلى من الله
|