منتديات هيبة ملك منبع إبداع لاينضب - عرض مشاركة واحدة - { .. و إنتهينـآ {.. و آلزمن يضحـك عليــنآ .. ! MmS

10-05-2008, 05:43 AM

[align=right]

{ [fot1]مًدِخُلَ[/fot1]

يمكن ..

يجي بكره ! ..

أحلى من أول أمس..

ظنك كذا يا [mark=FFFF33]شمس[/mark] ؟! ..[/align]

[align=center]

و إنتهينا ,
والزمن يضحك علينا ..
لا بكينا !
والوداع اللي دريت إنه نصيبي ..
يا حبيبي ..
مو بيدينا !
ما علينا ..
أدري ظروفك قويّة يا حبيبي ..

يا حبيبي ..

يا حبيبي ..

يا حبيبي ..

و أكثر اللي بأفقده كلمة " [fot1]حبيبي[/fot1] " ..

كانت شفاهك ..
تهاجاها علي .. كنّها قصيدة !
مب جديدة ..
بس ما مرت علينا !
كل أمانينا ..
وأحلام الحبايب !
طيرتها الريح ..
طالبك .. ما تصيح !!
دامنا ..
صدق إنتهينا ,
والزمن يركض وهو يضحك علينا ..
لا بكينا !!
صرت قاسي ..

صرت أصب أحلامي الحلوة بكاسي ..

و

أكسـره !

أكســره !

أكســره !

صرت أخاف أتذكره ..

وقبل ميلاد الظروف اللي احصلت لك ..
بعت ناسي !!
صرت مثلك ..
صرت قاسي !
ما أحس ..
برقة [mark=99CC99]القمرى[/mark] وهي تضوي جبينك ..
أو احس ..برقة القمرى .. ولا أدري إنت وينك .. ![/align]

[align=center]

[/align]

[align=left]

ظنك الدنيا تنسينا بعضنا ؟!
لك معي بأكثر تفاصيلي .. ملامح ..
إمسح أبياتي من الدنيا ..
وأنا والله مسامح !!
من زمان اتخيل إحساسي وانا أودعك راحل ..
للحنين !لآخر حدود المدينة والسواحل ..
للسنين !اللي مثل جسمي وأنا ناحل ..

ح ــبيبي ..

ح ـــبيبي ..

ح ـــبيبي ..

يا أعز إنسان يطعني وأنا [overline]راضي[/overline] عليه ..
يا أحن أحضان ضمنتني وأنا غارق بعيبي .. قول ليه !
ليه أحس إنك تحاول من زمان ..
وآخر أيامك قدرت !
لين بان ..
نظرة الواقع بعينك ..
صورتي وآنا أدور عنك وينك ..
قللي بس .. وش صار فينا !
وين كل وعودنا ؟
وين آثار البكى بخدودنا ؟
وين حلفك لي :إذا طاري على الهجران طاري ..
ما تصد !!
تشرح أعذارك ..
وأنا والله

مسامح [mark=99CC66]![/mark] !

مسامح ! [mark=99CC66]![/mark]

مسامح[mark=99CC66] ![/mark] ![/align]

[align=center]

[/align]

[align=center]

يمكن العشق القديم يظل فينا !
أو يموت إليا بكينا ؟!
المهم ..
إنَا إنتهينا ..
والزمن يضحك على باقي حكينا ..
و الوداع اللي دريت انه نصيبي !

يا حبيبي ..

يا يا حبيبي ..

مو بيدينا ![/align]

[align=center]

[/align]

[align=right]

المسافة و ضيق الوقت .. وأشواقنا !
.................... والكلام .. و وجيه المقبلين السمر
والسؤال الوحيد اللي من أعماقنا ..
.................... ودي أسأله قبل إن الدقايق تمر
القدر أو ظروفك .. أيهم عاقنا ؟!
.................... قللي إن كان باقي لي بعذقك تمر
حسبي الله على اللي سبب فراقنا
.................... ما رحم وقفة الذل وعيوني الحمر
كل ساعة تعدي تخنق أعناقنا ..
.................... كن حروفي حفاة وأرض وقتي جمر
تدري اليوم .. جالس احسب أوراقنا !
.................... من يصدق تفارقنا بعد هالعمر !!
تذكر آخر لقاء والدمع .. وعناقنا
.................... كيف كان المكان بشوقنا منغمر
خايف إن الزمان اللي قبل ساقنا
.................... للجفا .. يعجبه ما صار ثم يستمر
وإنت روحي وأنا من ليلة فراقنا !
.................... أنتظر في مكاني كل ليلة تمر [/align]

[align=center]

[/align]

[align=center]

تخطي وأقول .. إن أنا المخطي ولا أتشرّه !
وتخطي بعد .. وأعذرك وآقول مايـدري
وفي كل طاري .. يمر تخطي كـذا مـرّه !
وأخاف حملي يزيد .. و ينكسر ظهـري !
جايز .. اكون الحليم اللـي ظهـر شـرّه
وجايز يكون الغلط مني .. وذا عـذري .
يا صاحبـي كنـت أحبـك حيـل بالمـره
ولازلت أحبـك .. ولكـن العتـب يطـري
أحيان أشوفك " بعيـد وخايـف آضـره "
وأحيان أشوفك قريب .. إرتاح في صدري
ليه أسألك عن [fot1] جروح القلـب [/fot1].. والحـرّه
وانت أبخص الناس في جرحي وفي حري[/align]

[align=center]

[/align]

[align=left]

يا صاحبي .. لو مسك كل ٍ علـى سـرّه !
ما كان الأحباب .. سموا حبهم " عذري "
وأنا تعبـت أسحـب [mark=333333]الأحـزان[/mark] .. وآجـره
وأحفر بأثر جرتي .. قبـر يغـدي قبـري
إمـا تكـون الحبيـب اللـي قـرب مـرّه
ولا عسـى الله يقدرنـي علـى صبـري
وأنـا أحبـك .. ولا بـآعـاود الـكـرّه
حتى ولـو كبريائـك .. صـار يستجـري
مإخترتـك تـذوق حلـو بكـاي أو مـرّه
إخترتك .. تحس بأحلى شي فـي عمـري
فـلا تكابـر .. وأنـا ماعـاد بأتشـره !
وإنت وضميرك .. وفكـر قبـل لا تسـري [/align]

[align=center]

[/align]

[align=center]

تذكر ..

قبل كم سنة يوم الجفـا يطـري !

و تقول لي : بس عـاد .. و فضهـا سيـرة

كنت إنت ..؟ ولا أظن إني أنـا آهـذري ؟
أو
هو حلم .. يشتكي من كِـذب تفسيـره

بالحالتين .. الحبر جَف ْ.. بـورق عمـري

ولا عاد ينفع نعيد ..اللـي قِضـى خيـره

يا أعـــز من بـ..أتركه للبُعـد .. وأستَـذري

تحت

( إني الطهر .. وإنه درب ما آسيره )

خلاص .. كل ٍ يدور له طريـق ..

أدري .!ما نيب أبشكي .. جعـل بفراقنـا خيـرة !

من كم سنة كنت أعز إحساس في صـدري

واليوم دار الزمان .. و ( فضهـا سيـرة )[/align]

[align=center]

[/align]

[align=right]

تكتب الريح إسمي .. وسط كف السحـاب
كنها تقول : شوف .. إنك وصلت الجدي !
تدري إن أناظر فـوق .. وقـت الغيـاب
قالت : أحسن أنسيه الحـزن .. ويغـدي
حسّت الريح فيني .. من كبر هالعـذاب !
وأنت ماتدري حتى إن لك رفيق أجـودي !
ليه أحس إن لك بوقت الفرح ألف بـاب ..
وكل ماجيـت بـاب أتعـب أفـك بيـدي
طحت من طولي .. وما حان وقت الذهاب
أنتظر منـك ( يَـد ) .. تجرنـي لسعـدي[/align]

[align=center]

[/align]

[align=center]

ليه الحـزن غطـا عيـون الحقيقـة !
وصـرت أتخيلنـا .. مثـل مابديـنـا
شاعر .. و بنت .. ونظرتين .. و حديقة
وإحساس ينبـت فـي مصافـح يدينـا
وأغصان مالت .. لي كتـوف الخليقـة
قالت : [fot1]حبايب[/fot1] وإجلسوا .. وش علينا ؟
كانت هنا ذكـرى .. مشاعـر عميقـة
( كانت ) .. وكل شي إنتهى .. مادرينا
تدري .. أحس إن آخر العمر ..
ضيقة ! وإنـي بأضـل أذكـر تفاصيـل فينـا
تكفى .. الجـروح النايمـة لا تفيقـه
أخاف أصارخ .. وأزعج اللـي نسينـا[/align]

[align=center]

[/align]

[align=left]

ليت [fot1] نار المحبـة [/fot1].. بالمحانـي تشـب
دام حزني نسيـم .. وذكرياتـي جمـر
وليت كل الخلايق لا تمـادت .. تحـب
كان شفت المساء ساجد سجود الشكـر
وليت نور المدينـة مـا درى وإكتـأب
وما طفى .. يوم قرب موعدك يالسفـر
كن الأيـام طفلـة .. تستحـق العتـب
تركض ..
و لا درت باللـي وقـف منقهـر
غابت من السماء شمس ..
وبدا ينكتب عالصدر ..

وش كثر حبيتها..

وش كثر .. ؟![/align]

[align=center]

[/align]

[align=center]

على بابك !
قضى قلبي أنا " عمره " على بابك ..
تخيل نفسه إنه أقرب أحبابك ..
وأخذ همك ..
ولا همك !
على بابك ..
أنا !
و نور القمر ..
وأطول حكايات العمر ..
وكل ما طرى ..
ذاك الزمان إنه يمر ..
و حزني أنا !و إحساسي بكبر العنا ..
وإنها نهاية حبنا ..
وإن الليالي تعتذر !
عن سرقت أوقات الهنـــا ..
وخايف أقول إن كل شيء !
وقف على بابك ..
ولا همك ..
ولا همك ..
على بابك !
تذكرت البراد وريحة ثيابك ..
تذكرت الحكي والهمس
تذكرت الكلام اللي عن إسم الشمس !
هنا من أمس ..
أنا واقف على بابك ..
وأنا أدري !
ما ورى بابك فرح ..
يا [fot1]وردة[/fot1] أصحابك !
ولكن ..
لي أمل بإن [fot1]الخفوق[/fot1] اللي إنجرح .. يقسى !
ولا ينسى ..
لأنك أجمل اللي صار لي في عمري الماضي ..
أنا واقف ..
على بابك هنا !
أبكي على غيابك ..
أنا واقف ..
على قلبي أنا !
كله من أسبابك ..
أنا واقف ..
أقول إ
إني : " أحبك "
لو بليا صوت ..
عيوني تكفي عن كل الكلام ..
اللي أبآقوله ..
ولا أدري ..
لو إنك شايفه كل السوالف و الغرام اللي على بابك ..
يبي يهمك ؟
ولا همك !

بث أتمنى يعجبكم

دامت سعادتكم .. وبعد عن قلوبكم الم الفراق ..

تقديـــري .. و .. احترامــــي ..

ღالإحساس الخجولღ [/align]

[align=left]

{ [fot1]مَخُرِجَ[/fot1]

ظلي معي يا [mark=FFFF33]شمس[/mark] !
خل ننتظر بكره ..
كل الفرح بكره .. ؟![/align]