يا قلب لاتشكي همومك على الناس



ماكل شخص(ن) يعذرك في مصابك



لاتسكب الدمعه على خد حـ ـ ـسـاس


ولا تحرق اوراق الزهر في عتابك



ولا تضيق الصدر المولع بالانفاس


ولا تقطع عروق(ن) بكت عند بابك


ياقلب ولله مابقى بعيني انعـاس


يومك شكيت الحب محد(ن) درابك


النار ما تحرق سوى رجل من داس



وللي كواه الحب يفهـم خطابـك



قبلك شرب مجنون ليله من الكاس


واليوم نفس الكاس تسقى شرابك



يا قلب آعرف معدنك معدن الماس


توفي لـ حبيب الروح لوهو رمابـك



ياقلب خلك بالشدايد قـوى بـاس


لا تلتفت للجرح لو هـو سطابـك



ياقلب لا تسقي عروقك من الياس


وخل الامل والصدق دايم زهابـك



مادام طاحت فاسك اليوم بالـراس


اعذر جميع الناس و اخفي عذابـك









مما راق لـــي ..


أتــمنى يعجبكم ..


عـــذب التحايا لقلوبكم الطيبهـ ..


دامت سعادتكم .. وبسمة محياكم ..


تقديـــري .. و .. احترامـــــي ..



ღالإحساس الخجولღ